العودة   ::+ALB7RI FORUM+:: > ::الأقسام الأدبية:: > الشعر و الخواطر
الإهداءات
هووواوي من الاخبار وآخر الاحداث : بالفيديو مواطنة تلتقي ابنها بعد عاماً قضاها بالسجن كابتشينو A من السلام عليكم صبحا الخير لجميع منسوبي منتديات البحري : فـهـدالـشـاعـر من , : ترقبووووو من تحويلي ددسن 0 غماره آلـشـآمـخ N من سـفـيـر و و ه : تجاوز المحد له من مساحة الرسائل الخاصة المخزونة ولا يمكنه إستلام رسائل أخرى إلى أن يحرر بعض المساحة مهجول آلشمآل من قسم صور ولقطات الهجوله : وجهو شويات وانزل خشات ووقفات شريط الهامووور ون هووواوي من الاخبار وآخر الاحداث : مدير قناة "العربية" مؤكداً: اعتقال الناشطة سعاد الشمري لتطاولها على الدين هووواوي من الاخبار وآخر الاحداث : مواطن يقسم على طلاق زوجته ثلاثاً حال خسر "الهلال" نهائي آسيا هووواوي من المنتدى العام : بالفيديو توقعات الشيبان لمباراة الهلال وسيدني FSOoOLY من صباح الخير جميعاً : نس نوس الشفا من في المسند قال معاذ قال موسى عليه السلام يا ربي من احب عبادك اليك : قال اكثرهم ذكراً لي يا موسى فأكثرو من ذكر الله سبحان الله والحمدلله ولا إله الا الله والله أكبر حقـروص من متشـرد ~ : السلام عليكم ورحمة الله وبركاتة كيف الحال انشالله طيبين : حاب اوجه الشكر والتقدير للي يتفاعل ف المشاركات الي اطرحها و بيض الله وجهك و مع اطيب الامنيات آبونوآفF من ليه ي دنيا تعزين الرخوم : آنتههى زمن الصصمت وحلت اللعنهه K!NG TABUK من أبو رأكــأإأن تجاوز المحد له من مساحة الرسائل الخاصة المخزونة ولا يمكنه إستلام رسائل أخرى إلى أن يحرر بعض المساحة : أبو رأكــأإأن من مساء الخير ي كنق المننتديات : تم طرح موتر IMPALA بقسم العاب الفيديو والكمبيوتر شرفونا فارس فراولة من سان دييقو : خطر و سكروب و ابو تما و رملوج و التيما و ابو نورة f و قرناس و هجولة ستي و دسمان و زووم زووم و إلياس باشا يالبى العرب يا عيال روقــآن..M من bb : في التوقيع FSOoOLY من منور المنتدى يا كنق الشمال : مهجول آلشمآل من زعبلوطي المنفلوطي : شغـب من منكم استغفر هذا اليوم " : أستغفر الله وبحمده أستغفر الله العظيم FSOoOLY من مساء الخميس السعيد للجميع :

الشعر و الخواطر مـلـتـقـى للأشعار والقصائد المكتوبه والمسموعه.

جميع كلمات اغاني فهد بن سعيد

اعدها يوم المليح نيّام مشغول قلبي دايماً فيه ضيقه انا وقلبي من عنا الحب باوهام مطاوعٍ قلبي دموعي غريقه قبلي كثير من الهوى طاح ما

عدد المعجبين1الاعجاب

موضوع مغلق
 
LinkBack أدوات الموضوع انواع عرض الموضوع
قديم 10-04-2007, 12:50 AM  رقم المشاركة : 1
الصورة الرمزية جـغـآغـه
تاريخ التسجيل: 22 / 12 / 2006
رقم العضوية : 18476
المشاركات: 358
بمعدل : 0.12 يومياً
عدد النقاط :   50
 

جـغـآغـه يستحق التميز

افتراضي جميع كلمات اغاني فهد بن سعيد




اعدها يوم المليح نيّام مشغول قلبي دايماً فيه ضيقه
انا وقلبي من عنا الحب باوهام مطاوعٍ قلبي دموعي غريقه
قبلي كثير من الهوى طاح ما قام مجنون ليلى قبلنا نشف ريقه
اهل المحبه حالهم جلد وعظام اسال مجرّب كان تبغا الحقيقه
عسى عذولي بالهوى حكم الاعدام ويحملونه فوق ما لا يطيقه
.........................
ورنا هجرك وخلينا نشوف رح وانا بروح واعد الزمن
يوم تصدقني على حكم الظروف جاهلن واليوم عيوني تذبحن
شفتني صابرو ثنيت الكتوف تحسب اني ما قريت بكل فن
قاري قلبك على رمز الحروف وفهم اعيونك بحبي سلهمن
الهوى ماهو بطعن بالسيوف في عيون الحور سهمن يطعنن
من اول اقدامي على حيك تطوف كل ما ابطيت من يمي ابعدن
من يسوي خير يجزى بمعروف لسكنت الشام بسكن في اليمن
بيننا بالحب ظلعان وجروف لوتجي شديت وخليت الوطن
لينشوف الشمس تصفى مالكسوف مثل عصرفات وايام مظن
تلعب الشطرنج وهزات الردوف قررالاسعارقبل ان يوزنن
....................................
سواد الليل جلاب الهموم على الروح الحزينه يافهد
فقدت النوم سامرت النجوم ياروحي ماحدٍ ياوي لحد
يغيب النجم والتالي ينوم بذاك الحي بعرض البلد
اطالع ساعتي واجلس واقوم يازارعني على نار الوعد
سبايب من على خده رقوم ذبحني بالموده وابتعد
سري ليلي تحريت القدوم ياعيني ارقدي قالت بعد
....................................
روح ياخوان ما عندك ضمير استدار الوقت وكشفلي هواك
يوم تجفاني وانا قلبي خطير قاسين قلبك وتصمل في جفاك
ليه تحرقني على صلي السعير مرهيٍ بالزين يوم الله عطاك
يوم تغليني وتتكرني اسير عذرك الفاشل ينقّص مستواك
ما دريت ان الليالي تستدير واستدارت لين وصلت لي منتهاك
متعب قلبي على شارع عسير اتعنى لجل اشوفك من غلاك
يوم فرقانا عليك امر يسير ليه ما بينت غاياتك ومناك
من تشاور في هواي وتستشير وقلبي المجروح حبك واهتواك
...........................
ألا ياعيوني أبكي الزين ياعين هلي دموعك ياعيون الشقاوي
البعد مايمنع قلوب المحبين قربه وبعده للحبيب متساوي
يما عانيت وراح ياكامل الزين ماني على فرقاك يازين قاوي
أرحم لحال مولعن يا أريش العين اللي أبتلى بالزين يسهر خلاوي
محدِ صبر صبري ولا الناس دارين قلي وش انت يا أريش العين ناوي
أنا جريح ولجلك الجرح جرحين الله يصبرني على ذي البلاوي
( الله كريم )
............................
الوعد قدام يا خالي الفؤاد .. رح وانا باروح واحكام القدر
قلبي ابيض وانت في قلبك سواد .. روح عني وابتعد كل الدهر
خنت عهدك والمبحه والوداد .. يا مجدد دمع عيني والسهر
من غرامك ما جنيت الا العناد .. والجفاء والصد وفنون القهر
منك جرح الغدر يا غدار زاد .. في فؤادي منه تقديرك ظهر
.............................
أمسي بهمي وأصبح الصبح بي زود ,,, ودموع عيني يالغضي يذرفني
والحال مني غادين كنه العود .. سلبت عقلي ياهوى البال مني
أسهر طوال الليل والعالم رقود .. وأعيش في ذكرى ليالي مضني
لاخفت من ربك ولا خفت منقود .. وعقب الغلا واللي مضا تمتحني
جازيت من يوليك يازين بصدود .. وأصبحت حتى شوفتي لك تمني
أذكر زمانن فات ياجعله يعود .. يومك تجيني تبعد الهم عني
بيني وبينك ياهوى بالي عهود .. وماهو بحقن تخلف اليوم ظني
...........................
خلاص من حبكم يازين عزلنا
ماعاد لي في هواكم شف لوراقه
اللي شبكنا معك ياحلو يخلصنا
يكفيني اللي حصل ماستحمل زياده
ايام كنا غشيم ياما تكلفنا
وندور رضاك مهما تكلف بعادك
واليوم ابشرك ياسيدي تعلمنا
وبدلت نوم الحزن بفراش ووساده
اللي هويناه حصلناه وحصلنا
وارتاح قلبي على قوم حساده
........................
تولعت بك والله كتب لي على فرقاك
حسبيي على الحظ الردي كانه اشقاني
انا ماشعرت اني مع الناس قبل القاك
ولاذقت للدنيا طعم قبل تلقاني
ولاكنت احس بروعه الحب قبل اهواك
ولولا عيونك ماكتبت اجمل الالحاني
سقا الله ليالي خالده عشتها وياك
بدرب الحويه بين عشب وغدراني
تذكرت يوم اقبلت كنك تحسب خطاك
تمايل بعود نايف الطول رياني
وترفع طرف ملبوسك الضيق بيمناك
وشلال شعرك تنشره فوق الامتاني
...........................
ما تبكي عيون المشقّى هوايه .. الا على بعد المواليف عنّا
قربٍ بلا وصل جدد عنايه .. اضحك وقلبي بالعنى ما تهنّى
الله لا يقطع بخلّي رجايه .. عيني تهل دموعها ما تونّا
يا عاذلي للقلب يكفي كفايه .. العذل ما يوحيه قلبٍ تعنّى
بصبر الين الله يحقق منايه .. وينول قلبٍ مشتقي ما تمنّى
يمكن شموع الحب تملى سمايه .. الوقت يخلف يا فهد كل ظنّا
عسى الزمان الجاي يمحى شقايه .. طال الشقى بالحب يالله عنّا
اخاف من اللى يعذلون الدعايه .. يبلونا بالهجر مع وين كنّا
...............................
من ردى الحظ قلبي طول الايام خايف خايفٍ والليالي ما تجي له بكيفه
ما تجي له بكيفه مثل ما كان شايف غيب الايام جاله بالحياه الكسيفه
الحياه الكسيفه والعنا والكلايف عقب عزه تعرقل بالظروف الكليفه
الظروف الكليفه والدموع الذرايف والسهر والترجي بعد فرقا وليفه
بعد فرقا وليفه مالقا له ولايف غيّم الجو واظلم بالهموم العنيفه
الهموم العنيفه بالظلوع النحايف خلّت القلب يرجف بالظلوع النحيفه
بالظلوع النحيفه عقب يأس وحسايف وش تفيد الحسايف والقدر حط سيفه
القدر حط سيفه دون زين الوصايف حال من دون شوفه ما بقى غير طيفه
ما بقى غير طيفه داخل القلب طايف طيف زين الوصايف والخدود النظيفه
الخدود النظيفه والثمان الرهايف يوم جيته وجاني بالعبات الرهيفه
العبات الرهيفه فوق ذيك الردايف وا عنا قلبي اللي ما اهتني في مصيفه
.................
الا يالله يا عالم بحالي
كثير الهم عن قلبي تزيله
خذت منى الليالي اعز غالي
تفارقنا ولا باليد حيله
سهرت اياك مع عدّه ليالي
وحالي من سبايبهم عليله
على الوقت يا مشكاي مالي
الا يالله عدّل كل ميله
كفانا الله من شر الليالي
وياما فرقت خل وخليله
الا ليت البكى بيرد غالي
لسيل واديٍ ما سال سيله
واصيح صياح من صابه هبالي
على اللى نافلٍ بالزين جيله
الا يا عين منج عزتالي
على العلّه تزيدينه مليله
............................
يا قلب انسي اللى نساك وتحداك ... اصبح بدرب الحب خاين وخداع
طاوعت فيك كل العواذل وخلاك ... باعك لاهل القلوب النميمه
بانساه وانسي اليوم كل ذكراه ... واترك الحب واترك جحيمه
واليوم ياخاين لو تمسح اخطاك ... نفسي عزيزه ماتداني الظليمه
من اولٍ غالي والروح تفداك .. واليوم مالك عندنا ولا قيمه
............................
قلبي سمح ياحبيبي من مودتكم
خل الذي كبروا راسك يسرونك
بان الجفا وانهيتوا علاقتكم
غروك بالهرج ناسٍ مايسرونك
من اولٍ احبكم وافرح بجيتكم
واليوم اعاف الذي عندي يطرونك
مفهوم يازين هذي صداقتكم
الله يهنيك وتلقي اللى يحبونك
جاملت وياك ابي اعرف نهايتكم
والحمد لله بين كل مضمونك
لله انا ارجوك لاتكرر زيارتكم
دور على اللى انت تبغاهم ويبغونك
لو كان جاملتم وتخفون عداوتكم
خل اللكاعه على الذي يفهمونك
درست غيب ونظر واعرف طرايقكم
ماخفي قلبك تخفيه بعيونك
................
يازين ياللى مشيتك بالهون
وقف دخيل الله وكلمني
كلمه نبي والناس مايدرون
بيني وبينك لا تعذبني
قلبي بحبك ياحلو مفتون
واللى توده الزين يعجبني
يابو حجاج بالخطر مقرون
والخد الى شفته يكهربني
كتف وردفٍ ومبسمٍ وعيون
والرموشها ياناس صابتني
يا لايمي بصاحبي مجنون
ماني بأنا جاهل تعلمني
خل الجنوبي يتابع القانون
قبلك طريق الحب لوعني
........................
الناس نامو وانا اسهر***والقلب مشعل بناره
والقلب له حق يسهر***مارتاح ليله نهاره
ياصاحبي لالاتعذر***عجل لنا بالزياره
جوك يالاسمر تغير***عقب الصفا بالكداره
الناس ربحو وانا اخسر***الله لنا ياسماره
..........................
ان شكينا بكينا وافضحتنا الدموع * وان سكتنا علينا طال ليل العذاب
آه من لوعة الفرقا وخل قطوع * من عرفته وحنا في خصام وعتاب
ننتظر ونترجى بالشهر والسبوع * وشمعة الصبر توضي مع عضيض الشباب
اثر فرقا الولايف والمفارق يلوع * لا عني فقد خلي لي فقدت الصواب
..........................
البارحة في النوم لاقيت خلي""فزيت له مشتاق من غرفة النوم
شقاً على اللي شوف زوله يسلي""من فرحتي به قمت انا اطيح واقوم
سلم علي ودموع عينه تهلي""مثل الغرير اللي من .... مفطوم
عودت ادور الحلم ولا حصل لي""وش حالتي حتى من الحلم محروم
يازين من فرقاك كلٍ فطن لي""كلٍ نهاني عنك واقول مقسوم
حتى اهلي قالوا لي خله يولي""قلت أمعصي مانسى حبيبي ولو يوم
............................
فكرت بالمكتوب ومافيه حيله%%% ليت الليالي علمتني بالاسرار
يازين روحي من فراقك عليله%%%وانا اتحرى منك مكاتيب الاخبار
انت الحبيب وعشرتي لك طويله%%% بيني وبينك خافي العهد واسرار
.............................
فرقت الاقدار بيني وبين اغلى حبيب%%%واضلم الوادي بدونه وانا عاد لاطرب
العذول اسباب فرقاه مقطوع النصيب%%% مخبله يبقاني انساه الغضي ماتبع رضاه
............................
لو يفيد التمني والبكا والقصايد( الشكوى لله ) يا فهد صرت مثلك بالجزيره وحيد
.............................
مانويتك بالجفا بس الضروره.. توجب النسيان في بعض الظروف
الي متي اصبر على ظلمك وجوره.. الي متي تغلط وانا عيني تشوف
دام من يهواك ماتدري شعوره..وش ابي بك وانت ناوي بالنكوف
وش ابي باللي تمادي في غروره.. اطرد المقفين ماني بمخفوف
عقب ماكنتي بعشرتنا فخوره.. تنقضين العهد مع ذيك الحلوف
غرتك دنياك والعاذل بشوره.. وانخدعتي بجمالك ياهنوف
ياخساره حبنا تطفين نوره.. وين هذاك الحب والقلب العطوف
..................................
لاسلى خاطر ولادنيا صفت .. كلما ضاقت تمنيت الرحيل
لوعت بالفرقاء عيون مابرت ...غير شوف اللي رجوعه مستحيل
عبرتي ترسل دموع لو شكت ... هونت هم على نفسي ثقيل
عزت الفرصه بعدك وابعدت ... منوتي شوفت لوبحلوم ليل
دوك حالي يابعد حالي قضت ... الرجاء مقطوع والعاشق ذليل
ليت عيني عن شقاء المقبل درت .. الزمان احكام والفرقاء دليل
..............................................
أكيد أحبك ياهوى البال بالحيل .. ليش أتسائل عن هواي وغرامي
أنتا الذي حبيت معك التعاليل .. وأنتا هوى بالي وغايت مرادي
يامشغل ٍقلبي نهاري مع الليل .. وياحارم ٍ عيني لذيذ المنامي
أن غبت عن عيني أشوفك ِ تزوير .. ذكراك دايم في مقدم كلامي
ترى الغلا لك دون كشف ٍ وتحليل .. حبك ملك قلبي وغير نظامي
قلبي هواك ولا رضى فيك تبدليل .. وش عاد لو يكثر علي الملامي
ياكامل ٍ بالزين من غير تجميل .. ميزان حبك راجح ٍ بالتمامي
الحب مايحتاج شريح ٍ وتطويل .. دليل حبي لك يبين بسلامي
أكيد أحبك ياهوى البال بالحيل .. ليش أتسائل عن هواي وغرامي
........................................
يناس مالي للهوى دكتور****** عالج قلووب المحبيني
يافهيدترى القلب غدى مخطوور******جيبواطبيب يداويني
من شافني قال ذا مسحوور******وانا همومي تباريني
معلووم انا خاطري مكسوور*****جيبوا حبيبي يسليني
الرووح مني على داافور *****الله حسيبه يا جازيني
.......................................
لو ان قلبك حس بي وافتكرني .... ما طاوعك تغلي علي حبّه العيد
وش غيرك ياللي جمالك سحرني ........ حتى سلام العيد صار بمواعيد
ما هقوتي تبطي علي وتهجرني .... ولا تصدق بي كلام المقاريد
لو شفت دمع العين كان تعذرني ... كنّي فطيمٍ حارمينه من الديد
شف حالتي يشفق علي من نظرني ..عقب اللقاء صرنا من بعيد لبعيد
إمن اولٍ لبطيت انا قلت زرني ... واليوم تتركني بهمي وتنكيد
ارحم رحمك اللي بحبك امرني ... لا يهندم حبٍ على غير ماريد
..........................................
يا حرق حالي من عذاب الدهر حرق .. والكبد من غدر الزمان محروقه
اربع ليالٍ ما اعرف الغرب والشرق .. والجسم ناحل ساكناتٍ عروقه
كيف المطر يمطر ولا اشوف له برق .. محروم والعالم تخايل بروقه
ماني سجينٍ بالمخازي ولا سرق .. باسباب هرج ما عرفنا طروقه
وش عاد لوني نحت مع نايح الورق .. لابن سعود اللي على الرأس فوقه
ودهيت شمّر والقبايل بلا فرق .. وصوّت بصياحي برقه وروقه
والعين لو هلّت هماليلها زرق .. يبري الفرج رب البرايا يسوقه
...................................
يالله ياللى من ترجاك ماخاب ** يامن عليه اشكي مشاكل حياتي
افرج لمن هو من الغرابيل ما طاب ** دايم عيونه بالخفى ساهراتي
البارحه ممسيت والدمع سكّاب ** يحرم على عيني لذيذ المباتي
عزّي لمن مثلي عن حبيّبه غاب ** مالوم من يشكي حبيبه سواتي
انا وان شكيته عند ربعي والاصحاب ** وان جيت ابسكت ما قويت السكاتي
شعلٍ عيونه تطلق سهوم وحراب ** وسنه ما غير اربع وعشر سنواتي
له مبسمٍ كن العسل داخله ذاب ** وريقه دواء لجروحي الخافياتي
حبه مكن بالقلب ماني بكذاب ** واعز الله اني منه قربت وفاتي
انا جريح القلب والزين الاسباب ** وارجي عسى المعبود يحسن مماتي
.................................
يا ولد سالم الرجعان قلبي جريح .. وانت عندي عزيز القدر واغلى صديق
والله اني اعرفك بالمواقف صريح .. احرقتني همومٍ كل ما بي حريق
ليتني مثل غيري مهتني مستريح .. لي طرى لي بعيد الدار صدري يضيق
كل ما خالت عيون بروقٍ تليح .. قمت اسوّي سوايا للاسف ما تليق
اخاف تكبر همومٍ فوق هذا وابيح .. وانت عندي على حالي شفيق
آه لو مثل غيري كان انادي واصيح .. صيحه اللي وقع في وسط بحرٍ غريق
كم شرحنا وقلّنا في لسانٍ فصيح .. ادخل الله علي اللي حسن عوده رقيق
......................................
ودي اوصف لك شعوري ياحبيبي بس مدري
كيف ابقدر ياحبيبي واظهر الخافي بصدري
لوتعابير المحبة بس احبك قلت احبك
مير تعبير المحبة والهوى بالدم يسري
قيس نبض القلب ولا شوف نظرات العيون
ليش تسأل عن شعوري يا هنا روحي وعمري
لك اعيش الحب واسهر ياللي حبك نور دربي
لك عهد مني بحبك والوفا لو طال صبري
انت نجمه في سماء حبي وحبك وسط قلبي
وانت صورة في خيالي وانت حبي وانت بدري
صرت دايم في خيالي لحظةً ما تغيب عني
اذكرك ليصرت ساهر طول ليلي لين فجري
............................
واعديني كان ودك نلتقي .. الهور محلاه ليصار إجتماع
عوضي ما فاتنا في اللي بقي .. لا يروح العمر كله في ضياع
شوفتي لك هي منى القلب الشقي .. يشهد الله محتمل عنك انقطاع
ارحميني يا حياتي وافقي .. انقذي المخطور قدر المستطاع
ليمتى شمسك علينا تشرقي .. واجتمع وياك يا زين الطباع
.......................................
من اهل السالميه واعرفه يا فهد .. جابه الله عظيم الشأن يا مسندي
ليتني يوم الاحد ما دخلت البلد .. سمّر اقدام رجلي وطاح ما في يدي
ابتسم وكن بين اشفاه برق ورعد .. وكن جعده على المتنين ليل اسودي
لو سحر شافته يوم التفت لي ولد .. كان صارت على ابن سعيد تتوجدي
شات قلبي بنظره قدة القلب قد .. واعتبرني عليه الجاني المعتدي
ذاك ما انسي جماله لين يوم الابد .. اتصوره لوني في حلى مارقدي
..............................
لا تحسوبي كل ماغنيت طربان .. انا بحالٍ يعلم الله سببها
ازعق بعالي الصوت من دون حسبان .. والناس ماتدري عن اللي حرقها
لي سمعه اللي داله ما جاه ما جان .. يقول شادي بالطرب وكتبها
الناس ماتدري عن كان ماكان .. ماتعرفا لا ما ظهر في جسدها
كواني المحبوب من غير نيران .. حرّق معاليق الحشا ثم سلبها
يا ويل جسمٍ بالهوى طاح مرضان .. ماله مقيمٍ غير ربٍ خلقها
وراني الحرمان اشكال والوان .. واصبر واقول الله علينا كتبها
....................................
لا تجرح اللي خاطره منك مكسور .. حاول تخفف من أساه بحنانك
غط الخدود البيض لا تكسر النور .. ذا ورد في مبسمك والا لسانك
قلبي معك يا مشغل البال مجبور .. من حبكم حاولت ارافق خوانك
افهم ترى قبري من الحب محفور .. وان كان ما جيته بجيك بمكانك
وجرحٍ بقلبي ما نفع فيه دكتور .. لاشك ابصبر يا عشيري عشانك
.................................
قال من طول عذابه مستراح .. ساهرن الليل ودموعه تسيل
دمع عيني من على الأوجان ساح .. واعنا قلبي من الهم الطويل
ياهل المعروف شيروا بالصلاح .. عند خلي لين قلبه لي يميل
طال هجران الغضي سيد الملاح .. آه قلبي من سبب صده عليل
أشهد أن قلب العنا للسد باح .. شلت في درب الهوى حمل ثقيل
من تولع في هوى ضبي الفياح .. ذاق حلو ومر ولذاته قليل
قرة الأ عيان يا نور الصباح .. انت طبٍ لي وغيرك مستحيل
كيف تقتلني بلا حرب وسلاح .. فالهوى قتلي حرامٍ يا جميل
.....................................
لا تسبق الاحداث ما فيه داعي .. اني معاك ابدأ حياهٍ جديده
طويت من بحر الرجاء بك شراعي .. النفس طابت وافعل اللى تريده
اخلصت في حبك جميع المساعي .. خايف آسى الماضي لنا يستعيده
يوم اني احبك حكمت بضياعي .. لقيت في بعدك حياهٍ سعيده
وشلون تجرحني وعيني تراعي .. وان صحت جرحي من عذابك تزيده
ما هان حتى يا مقفي وداعي .. دموع الشره من فوق خدي بديده
فيما ما مضى خله يفيدك خداعي .. جفاك في نفسي تزايد رصيده
.....................................
عسى الله يلوم اللي لحالي يلومون .. وانا كيف الومك بعد ما شفت واوحيت
فلا تشكي الفرقا ترى القلب مطعون .. وانا لو دريت بغيب الايام ما جيت
تقولون والا يا هلي ما تقولون .. ابفنى على ذا الحال كان استمريت
انا ما ابغي الدكتور وانتم جبرتون .. خسرتوا دراهمكم وانا ما تشاويت
علاجي حبيبي بس تكفون ودون .. وان كان ما شفته تراني توفيت
..........................
الله يا وقتٍ مضى يا ابو خالد .. ما عاد يرجع كود الاموات يحييون
الله من ليلٍ على العود قاعد .. وذولي سروا ذولي مساكين يبكون
يشهد على الله والليل شاهد .. خلّدت ذكري ما علي من يقولون
واليوم لا سائل ولا فيه ناشد .. الله واكبر هالمخاليق ينسون
..............................
الامر لله شب القلب نار .. انوح وابكي ولا فاد الانين
انا اسهر الليل واتعذب نهار .. والناس تدله وانا دايم حزين
بالحال حل الاسى والانكدار .. شكواي لله من جور السنين
اللي نبيه ويبينا كان جار .. واليوم انا فيك والمحبوب فين
وقتٍ مضى لي معه ما كنه صار .. ما كان كنا جميعاً مهتنين
من عقب فرقاك نوم العين طار .. تنام ساعه وتسهر ليلتين
عليه تصفق يمين باليسار .. مالي جدى كود اصفق باليدين
لو غاب عني تجدد له اثار .. دايم خياله معي في كل حين
.................................
أهلاً هلاً باللي عيونه رمتني .. يامرحبا ياروح روحي وسهلين
طلبت اقابلها على طول جتني .. الله يجنبها عيون الحسودين
بخلاصها وبحبها بادلتني .. أنا وهي في الحب صرنا شريكين
عطيتها قلبي وهي معطيتني .. عطف وحنان وذي سلوم المحبين
هي غايتي هي منيتي مالكتني .. أنا ومملك فدوةٍ لريش العين
منسى هواها دام هي مانستني .. مادمت أنا وحبيّب الروح حيين
................................
صك باب المعرفه وابعد ابعيد عني * غلطتي يوم اصدق وانخدع في عيونك
رح بفالك وانا باروح لا تمتحني * فرح قلوب ناسٍ همهم يفرقونك
غيروا طبعك الحساد واخلفت ظنّي * ليه طاوعتهم بي خلهم ينفعونك
رح مع اللي يحبك عش معاه امتهنّي * يوفقك ربي مع اللي انت تبغا ويبونك
من إولٍ اسهر عيوني منك ما يمرحنّي * ما هقيت هرّاج القفا يقدرونك
اشغل البال وقلبي من هواك امتعنّي * احسبك مخلصٍ بالحب ما يخدعونك
...................................
حراج يا من يسوم .. قبل أحترق وأنشوى
مشوي شوي اللحوم ..مصهور لين أستوى
ما عاد لي به لزوم .. يا ناس ما له دواء
لجله بقيت محروم ..اسهر وابادي الدوى
يا زين خلك رحوم ..جسم نحل وأنطوى
ما أقوى على الصبر يوم ..قلبي تلف ما قوى
ليت الليالي تدوم .. ايام كنا سوى
يا اللي تعرف السلوم .. قلبك لنا وش نوى
الحب نار وسموم .. كم وكم انكوى
راعي الهوى ما ينوم ..مسكين راعي الهوى
...................
انا الغلطان فعلاً يوم صارحتك بحبي لك .. حسبت انك تقدّر موفق اللي بالهوى جالك
ملفاتي كشفتها لك ولا حلّلت تحليلك .. ولا يطري على بالي طواري جت على بالك
واثر لك دور تمثيلي تبي تنجح بتمثلك .. على مثلي ويبرز فنّك الراقي لامثالك
تمنيتك تمنيتك واخيراً جت مراسيلك .. تبلغنا عبارات قولوا ان فلان واخبارك
وقلت احسن بلاش انك توصيني ووصيلك .. تضيع اسرارنا مابين مراسلي ومرسالك
ان كان ظروفكم تمسح بجيتّكم فأنا اجيلك .. هواى وموج حبي يدفع آمالي مع آمالك
..................................
انا حيران ومبهذل وعايش في قلق نفسي .. عسى ربي يبدل لي همومي والحزن افراح
سواد الليل صادقني ولا يرضى عليّ امسي .. يبني من غياب الشمس انادم ظلمه الاصباح
ضحكت وقلت له حاضر وقلت لخافقي يرسي .. عسى القى به اللي ما لقيته في زمانٍ راح
الي مني نظرت لحالتي قلت آه يا تعسي .. الا يا حسرتي نور الامل في ناظري ما لاح
ولكن ما تمنيته من اللي يتضّح عكسي .. وزادت دمعه اشواقي وزادت بالخفوق جراح
غرست الحب بجذوره وليته فادني غرسي .. وجاب اللي من اسبابه خفوقي ما قوى يرتاح
..........................................
اصطنع بين العرب فرحتي كني سعيد ..اخفى جروحي بروحي وكني في نعيم
خايفٍ هرج العواذل على مابي يزيد .. خايفٍ منهم يزيدون جرحٍ بي قديم
ابعدت الايام خلي وخلتني وحيد .. والفراق صعيب يا اهل الهوى والله العظيم
الفراق اكبر مصيبه وذا شيٍ اكيد .. من فقد غاليه يبكي كما الفطيم
ما يطيب النوم للعين والغالي بعيد .. آه وا ويلاه عقبه وانا مثل اليتيم
اظلمت دنياي من عقب مركوز النهيد .. نابي الردفين وصفه مع العالم عديم
من فراق الزين زادت جروحي من جديد .. من عقب ذيك السعاده حياتي في جحيم
......................................
والله أني عارفٍ ويش النهايه .. مير أكذب هاجسي والظن فيك
ماحكو لي عنك أقول أنه دعايه .. وأدري أن الصح ماقالوه فيك
بعت من يشريك والمقفي عنايه .. بالجفى جازيت منهو يشتريك
عفتني ماقلتلي سبت خطايه .. جيتك لي مجامله حسبي عليك
ياحياة الروح ياغايت منايه .. أشتكي مظلوم أنا منك اليك
خف من الله لاتعذبني كفايه .. جعل ماجاني على شانك يجيك
وش يفيدك ياحبيبي من جفايه .. ليه تجفى واحدٍ يشفق عليك
لاتهدم الي بنينا في البدايه .. والعدو بالقول لايظحك عليك
..............................
قطعت حبل الود ماتلتفت لي ... الله على صدك وهجرانك يجازيك
احسب عيونك يوم تبكي صفت لي ... وامسح دموعك بالاصابع واهديك
نفسي على فرقاك ماشاورتني ... لو طالت الايام ماني بناسيك
خدعتني بدموع عين(ن) بكت لي ... وديت قلبن ودع الحب يغليك
واليوم يالمجنون ناوي بقتلي .. راجع ضمير وارجع للي انت مغليك
بتلت حبلك بالمواصيل بتلي .. ولقطت بيديني الجفا حاضرك وماضيك
كان الليالي اللي على الكيف جتني .. يامقبل الايام ترجع لماضيك
تليت قلبي تلت(ن) يمتلك لي .. تل الفراق وتل ذكرا لياليك
بكيت في ذكرى ليالٍ مضت لي .. مالي رجا غير اتصبر واراضيك
.............................
ابتعادي عنك ما ضنّي هروب ** كيف ابهرب عن هواك بلا سبب
لي تباعدنا تقربنا القلوب ** عمر احساس المشاعر ما كذب
في هونا تجتمع كل الدروب ** نلتقي ما نحس بالرحله تعب
كل ما هبت مع النسمه هبوب ** تحمل الاخلاص مع صدق العتب
يا حبيبٍ ما خبرنا له عيوب ** فارقٍ بالزين من بد العرب
طلبتي لك وانت علاّم الغيوب ** انت يا مولاي تعرف ما كتب
..............................
ابشر من عيوني الثنتين .. مثلك نلبّي مطاليبه
القلب ما يسكنه اثنين .. واحد ويكفيك تعذيبه
اهواك يا ناعس الطرفين .. وغيرك من الناس مالي به
عذبتني بالهوى يا زين .. تعذيب الاحباب راضي به
تلعب بقلبي هبوب البين .. ويبيع حبك ويشري به
الله واكبر سواد العين .. يسرق عيوني ولا ادري به
عليك يا باهي الخدين .. الهم يقبل ويقفي به
مجروح انا بالحشا جرحين .. والثالث انت تسابيبه
...............................
ابكي على شان الغلى يا عيوني .. لعل قلبي لي جرى الدمع يرتاح
ابكي على الوجه المليح الفتوني .. اللي بزينه للعشاشيق ذباح
يضحك حجاجه قبل ضحكه سنوني .. وتشب في وجه علامات الافراح
والورد في خديه هم يزرعوني .. ودمه خفيفٍ ناعم العود مزّاح
يا جرى بيني وبينه فنوني .. وياما شكينا لكن الحب فضاح
وانا لهم باقي على ما يبوني .. حلفت منسى ماضيٍ بيننا راح
ترى الهوى عند الذي يفهموني .. السر محفوظٍ ولاهو بينباح
..............................
آه يا شيٍ بقلبي واجحده لا يبين .. والعيون الشقيه دمعها خانها
عضب عني بكت عني وباح الكنين .. يوم عن شوف خلي طال حرمانها
مبطيٍ ما نظرته زين صافي الجبين .. من فراقه وحالي زاد نقصانها
الهوى ذي سواته يفضح العاشقين .. من بلي بالمحبه ذاق نيرانها
البكى والقصايد والسهر والونين .. ما نفعني وانا ما احسنت نسيانها
......................................
اختصر هرجك معايه لا يطول .. كان تفهم بالاشاره يا فهيم
المشاكل طالبه منا حلول .. ليش ما تمشي على وضعٍ سليم
كل مصبوغٍ من المعدن يزول .. لو يطول عاد يصقل من جديد
لا تقول ولا تقول ولا تقول .. الهوى دربه سراطٍ مستقيم
ولا تغش الا قليلين العقول .. اعتذر واستغفر الله العظيم
جاهل بكل الطرايق والاصول .. وكل مخلوقٍ فهم وانت غشيم
......................................
يا زين اخذت قلوبنا وياك .. امس العصر يومك تعدانا
احنا عرفنا غايته ومناك .. قصدك تولعنا وتنسانا
نصبر على هجرك ولا نجفاك .. يجفاك ربي يوم تجفانا
لولاك ما دسنا الخطر لولاك .. لولاك ما كثرت خطايانا
يا هايف الخصرين ويش اغواك .. ضحكك بسنك حرّق احشانا
يا قبله الله يا حلو ممشاك .. زولك اليا شفناه سلاّنا
طعم العسل من مبسمك وشفاك .. طعم العسا من ريقك اشفانا
.....................................
استعد وشد حيلك للتحدي .. دام ذا ودك ترانا جاهزين
طال صبري وانتهى وانباح سدي .. حسبك الله كان بيّحت الكنين
والله اني ما هقيت تصير ضدي .. انتا مرتاحٍ وانا قلبي حزين
من سواتك دمعتي فوق خدي .. يشهد الله وهو خير الشاهدين
كيف ترضى تجرح القلب المودي .. ليمتى تغلط وحنا ساكتين
يا خساره ضاع حبي ضاع ودي .. انتهى اللي بيننا والله يعين
انتهى صبري وانا لك مستعدي .. اقهرك واعطيك من زينٍ متين
........................................
اشتكي وابكي ولا لي من مجيب .. واحصر الدمعات بالطرف الحزين
من يطالب مثلي بحقٍ مصيب .. استدار الوقت جعل الله يعين
يكفي اني بينكم كنّي غريب . يا القلوب العاشقه وين الامين
جرح قلبي ما هقيت انه يطيب .. لو اعالج عند دكتورٍ فطين
ليت تمسي بالهوى شمس المغيب .. اذكر اللي صار فيها ذيك السنين
وا عذاب القلب من ذكر الحبيب .. ودي انسى والغلا فيني يبين
.......................................
اصمم على فرقاك واقول عنك اقفيت .. واعوّد وعلى نفسي من اجلك واراجعها
انا اللي عذابي بالهوى كل ما صديت .. وشفتك ونفسي هجرك العام موجعها
يبيم الولع والشوق يا زين لو خفّيت .. عيوني على فرقاك هلت مدامعها
لو كنت اعرف نهايه الحب ما حبيت .. وسلمت نفسي للمقادير تفجعها
كفي من عذاب الحب يا زين ما قديّت .. قلوبٍ فرقها وقتها اللي يجمّعها
على الوصل قبل التاع يا صاحبي مشيّت .. واليوم نفسي عنك كيف اقدر امنعها
اجي واعتذر واقول مخطي وانا ما اخطيت .. نفوس التواضع ترجي الله يرجعها
.......................................
اعترف لك بالخطأ وارجوك سامح ** والمسامح يعتبر طبعه كريم
للزعل باين على وجهك ملامح ** لا تظاهر بالرضا ماني غشيم
كنت اضنك للخطأ يازين دامح ** واثري قلبك للاسف ماهو رحيم
خافقي لجل الوفاء والحب طامح ** يحمل الاخلاص والشوق العظيم
ما يجي بعد العذر الا التسامح ** والتسامح يعتبر حلٍ سليم
......................................
اقنّع النفس العزيزه وتقنع .. في عزّها النفس العزيزه قنوعه
رح وان بغيت الله يحييك ترجع .. ماهي بنفسي للمقفي دنوعه
من اولٍ ما صدق الهرج واسمع .. واليوم صدقت الحكي من وقوعه
راعي الهوى عينه من الحب تدمع .. وتشهد على حبه وصدقه دموعه
اكبر مصيبه من توده ويقطع .. ارخص حياتك كان نفسك جزوعه
وحبٍ تجامل فيه ما هو بينفع .. احذر تجامل كل عينٍ خدوعه
لي صار قلبك مع حبيبك تولّع .. لياه يدري بالمحبه يلوعه
......................................
اكتب تنازل عن هوى العام واليوم ** اكتب تنازل كان عندك شجاعه
يكفيني اني منك يازين محروم ** مده وقلبي تايهٍ في ضياعه
ما بالعتاب بين المحبين واللوم ** يصعب على شط الخواطر شراعه
خل الصفا يا مغيرٍ كل مفهوم ** يهب وتهز الغصون باشاعه
لي سهم في قلبي ولعيونك سهوم ** واجب طريح عيونك السود راعه
افزع من عيونك لتخليص مظلوم ** يا مستحل القلب وين الوداعه
شمسك حجبها عن سماء قلبي غيوم ** نوّر علينا ورّنا النور ساعه
........................................
الا وا عذاب اللي تذكّر بعيد الدار .. حبيبه سكن ديره وهو ساكنٍ ديره
صبرت وانتهى صبره ولا جاه رد اخبار .. ما بين الرجاء واليأس في موقع الحيره
ولا فيه مرسولٍ يحافظ على الاسرار .. وسر المحبه لأنكشف خربه السيره
ويصعب عليه الوصل لو راح له مشوار .. ولو طق بابه جاوبه واحدٍ غيره
الا يا عذابك يا السبيعي من اللي صار .. جفاك الزمان وجر شره علي خيره
من الجور اخاف تموت والا تزور شهار .. من حدّته دنياه تكثر مخاسيره
.......................................
الا وا عذابي ياهلي كل ما ونيت ** خطيرٍ على قلبي من فراق خلاني
اناالبارحه سهران ياعاذلي مامسيت ** سبايب حبيبي يوم عزّم بهجراني
إلي حل بي هاجوس من مرقدي فزّيت ** هواجيس جابتني وهاجوس وداني
حبيبي بعد ولعتني وش بلاك اقفيت ** عسى ما تعلق قلبك واحدٍ ثاني
خطأ من حبيبي والا انا مثبتٍ ما خطيت ** هواللي مولعني ورايح ولا جاني
......................................
الا يا حسرتي مما جرالي .. من المملوح مردوع الشفيّه
تكّدر خاطري والدمع سالي .. ما اذوق النوم وعيوني شقيّه
من اسباب الهوى واعزتالي .. الا وا شيب عيني وا عنيّه
على اللي بالهوى دوّر بدالي .. جفاني صاحبي ويش السويّه
ثلاث سنين وا طول اليالي .. وانا محتار وجروحي خفيّه
متى يا زين تجمعنا الليالي .. انا وياك يا خلي سويّه
كفي ما صار لا تجرم بحالي .. انا بأمرك ورافع لك ايديّه
تغلى وانت يا المجمول غالي .. كفاني ما جرى وارجع عليّه
....................................
الا يا حسين الدل يا ابو خدود ملاح .. شريكي بروحي مشهدٍ كل خلق الله
فناة الشباب وكن في صدرتها تفاح .. ونجلٍ عيونه سود من دون كحلٍ له
الا يا عضيدي يا ابو خالد رماني وراح .. وانا عقبهم يا اخوك والحال منتلّه
وحبه بقلبي تقول ضربٍ وطعن سلاح .. وانا تايبٍ لله ما جيت في زلّه
اسير الهوى مسكين الا وان ذكرهم طاح .. ويرمي بروحه من القهر محدٍ شله
.....................................
البارحه ممسيت عيني سهيره .. سهران ليت اصبح عليّ الصباحي
بدلت نومي بالدموع الغزيره .. واسهرت جيراني بكثر الصياحي
ابكي على اللي ما هوى القلب غيره .. اتلى العد قف العشا يوم راحي
سافر وانا واقف وعيني بصيره .. وهلّت دموع العين والسد باحي
هو صاحبي وابدي عليه السريره .. وانا الذي لجله ازيد النياحي
بالقلب من فرقاه مثل السعيره .. نحرق فؤادي من جميع النواحي
من فرقته روحي تراها خطيره .. كن الحشا مطعون باقوى السلاحي
وانا بديره والحبيّب بديره .. ولا قلت قام الخظ عوّد وطاحي
والربح اللي ما يفارق عشيره .. يرتاح ويعيشون ليالي ملاحي
................................
الا يا عاذلي ما عاد من ايش .. ما دمت على ذا الحال ما شي
الا يا عاذلي ما اظني اعيش .. وانا حالي مصاحبٍ بنفراشي
على خٍ ذبحني بالمهابيش .. كما برقٍ تظاهر بالملاشي
خفيف الدم منزوع العكاريش .. حداه الحب وارخص بالنفاشي
اشوف قلوبنا صارت هشاهيش .. تكسٍّ مثل تكسير الغراشي
انا قلبي صخيف وهو قلبه وحيش .. واظنه من بعيدين الملاشي
..............................
الا يا مل قلبٍ كل ما قلت ارجهن وسج .. تعرض له طيورٍ يزعجن الصوت وازعجني
وحن وقام معلوق الحشا من حنّته يرتج .. لولا قو باسي كان انا للموت يدركني
يراقبني يراقبني يشوف منين انا بنهج .. يباريني على كل اتجاه ولا يكلمني
جويهلٍ مير في طبع الهوى دارس ومتخرّج .. اخاف اعاتبه فرتج قبل احتج يفلجني
والي مني بغيت احتج قدّم حجته واحتج .. وحط القيد في رجلي وطالت محكمه سجني
ولي مني بغيت انهج ما حصلّت لي مخرج .. عسى ربٍ بلاني به على حبه يخارجني
....................................
الا يا ويل من مثلي شهر ما نام لو ليله .. يبان الصبح من حر الالم ما نام سهراني
علي اللي من ثلاث شهور ما جتني مراسيله .. قطع وصله وعودني على التفكير واشقاني
قضى عمري وانا ما زلت اعاني من غرابيله .. يقرّبي ويبعدني ويامرني وينهاني
الي شفته بحلم الليل اقوم ابكي واناديله .. احسبه جالسٍ عندي وهو بالنوم لاقاني
يهل الدمع من عيني الي من جيت ابحكيله .. واعجز انطق لخلي ما بقلبي واكتم احزاني
الا يا اهل الهوى كيف العمل ما الرأي ما الحيله .. على اللي صابني يا اهل الموده طال حرماني
ترى راعي الهوي يا اهل الهوي كلٍ يراعي له .. الي منه هرب عن شوف هذا شافه الثاني
......................................
ألا ياربيع العمر ما عاد بي صبر ** خذ القلب فيما يطلبونه لك رهانه
مضى ما مضى صابر وكني على جمر ** عيوني على شوفتك يازين ولهانه
مضالي ثلاث ايام زودٍ على شهر ** عيوني محاجرها بأرزق الدمع غرقانه
أساهر نجوم الليل لي مطلع الفجر ** اجاوب حمام الورق لي جر بالحانه
يقولون عذالي ترى من صبر ظفر ** وانا صبرت صبرٍ طال ما شفت برهانه
عجب كيف يجزى فاعل الخير بالهجر ** واذا قال زدني بالوصل زدت هجرانه
ألا واعذابي منك وا فر قلبي فر ** فرير اشقرٍ فر وكفخ ريش جنحانه
تطاير من الديره لانه ربو وادبر ** ورماه الله بيد واحدٍ صاده وهانه
..........................
البارحه حلو الكرى ما هناني .. والدمع من عيني تنثّر علي الجيب
من واهجٍ بأقصى الضماير كواني .. ابكي وقلبي كن وسطه لواهيب
انوح نوح الورق مما دهاني .. واجادب الونّات واجلس كما الذيب
عليك يا للي بالمحبه براني .. يا ظامر السرجوف سيد الرعابيب
ودّي بشوفك يا رهيف الثماني .. يا ابو نهيدٍ ما بعد ذاقه الصيب
ادعج غنج كامل بكل المعاني .. الله عاطك الزين مابك عذاريب
لا شك من دونك عذولي حداني .. وانا من الفرقا جروحي معاطيب
من فرقتك شفت الكدر والهواني .. جرحي خطير ما تسرّه الاطابيب
....................
البارحه ممسيت عيني سهيره .. سهران ليت اصبح عليّ الصباحي
بدلت نومي بالدموع الغزيره .. واسهرت جيراني بكثر الصياحي
ابكي على اللي ما هوى القلب غيره .. اتلى العد قف العشا يوم راحي
سافر وانا واقف وعيني بصيره .. وهلّت دموع العين والسد باحي
هو صاحبي وابدي عليه السريره .. وانا الذي لجله ازيد النياحي
بالقلب من فرقاه مثل السعيره .. نحرق فؤادي من جميع النواحي
من فرقته روحي تراها خطيره .. كن الحشا مطعون باقوى السلاحي
وانا بديره والحبيّب بديره .. ولا قلت قام الخظ عوّد وطاحي
والربح اللي ما يفارق عشيره .. يرتاح ويعيشون ليالي ملاحي
........................
الجفاء لي تعلنه يومٍ ويوم .. تدّعي غيري لها ما يوم لاق
والعتب في رايها مثل الهجوم .. ضحكتي معها تسميها نفاق
وآخر المشوار في حر السموم .. بين صمت وبين لوعه واحتراق
اتركتني للسهر مثل النجوم .. والهناء عندي غدى مر المذاق
صرت انا من راحة البال محروم .. صدري الواسع من اللوعات ضاق
احسب ان بقلبها مثلي هموم .. وما دريت انه لتعذيبي يساق
لين شمس الصدق من بعد الغيوم .. اشرقت بانوارها والقلب فاق
واكتشفت ان السهر ماله لزوم .. يوم خانت عشرتي والاتفاق
والوكاد ان المحبه ما تدوم .. لنعدم فيها التفاهم والوفاق
........................
الحذر ما يمنعك من القدر ** ما كتب لك في جبينك بيصير
ما كتب للعبد ماعنه مفر ** ماعلى المقسوم والكاين مطير
لا وقعت يا فتى عيبك ظهر ** تصير عند الناس مذومٍ حقير
مايرد الشور لك ولا الخبر ** ولا يكلمك الصغير ولا الكبير
لانويت الدرب شاور واستخر ** ما يضيع العاقل اللي يستشير
المخاطر لو سلم مره عثر ** يجيبه الجلاّب لو طال المسير
وانشد اللي دارسٍ غيب ونظر ** كم وقع بالفخ من بلبل وطير
من ترجى بالإله وقد صبر ** غيّر الشين القديم واصبح بخير
....................
الصاحب اللي شوفتي له شفاقه .. ردوه عني لا يجيني ولا اجيه
اذا عنى لي جيّته لي بانسراقه .. يزود حبه يا المخاليق واغليه
اللي هروجه بالسوالف دقاقه .. لو طالت المده فلاني بناسيه
يا ونتي ونة كسرٍ بساقه .. يوّن شرق وساكن الغرب يوحيه
على الذي طبعه دلال ولباقه .. شرع الهوى دارس ومتخرجٍ فيه
يارب تجمعنا بليّا انفراقه .. بصكٍ من القاضي به ختوم واليه
......................
الصدر ضايق يقاسي هموم .. مع طول الايام مشقيني
بالبيت اجلس وانا مكتوم .. واصدر ليمن بكت عيني
وفالبر امشي تقل منجوم .. ادور على احجٍ يحاكيني
القلب يا صاحبي مسموم .. مريض محدٍ يداويني
اجي على شانكم ملزوم .. قلبي ورجلي تمشيني
والناس ترقد وانا ما انوم .. واذكرك لو كنت ناسيني
لا تامن الوقت لك ما يدور .. لو زان لابد ما يشيني
لك يوم يا ظالمي لك يوم .. ادور عليّه تراضيني
مقسوم ما صار لي مقسوم .. واللي وطأ الناس واطيني
راعي الهوى دايماً مظلومن .. هذي سوات المحبيني
......................
يا اهلي والقلب عيّا لا يطيبي .. علتي بالقلب عله داخليه
اتعالج وحيرت الطبيبي .. وما لقى لي دواء بالصديليه
قال حيرتني وامرك عجيبي .. علتك ما بعد مرّت عليه
قلت طبي انا جمعه حبيبي .. غير هذا فلا به طب ليه
اشكي الحب مالي من مجيبي .. ما دروا عن جروحٍ بي خفيه
المواصل علي امره صعيبي .. خبروا نور عيني بالقضيه
خبروه اني باسبابه عطيبي .. اسهر الليل وعيوني شقيه
ان تكرم بوصله لي اطيبي .. وان جفاتني انا زرت المنيه
يا حياتي حرام منك تعذيبي .. كيف تهجر بلا ذنب وخطيه
بالهوي شبت انا قبل المشيبي .. والله اللي كتب هذا عليه
..........................
الله لنا ياللي علينا تكبرت .. الكبر لله يا ظبّي العدامي
عيرتك الدنيا علينا تغيرت .. الله اكبر ماترد السلامي
وقتٍ مضى لي شفت زولك تخدرت .. واقول مالي غير زولك مرامي
لي جيتني عن صادق الحب عبّرت .. وان رحت عيني ساهره ما تنامي
واليوم يا جافي تكبرت وانكرت .. عجرتني والهجر عيب وحرامي
لا تحسب انك بالخيانه تطورت .. تراك مثل اللي يخون بالصيامي
اهل النمامه ضيّعوك وتدهورت .. واصبحت بعد النور وسط الظلامي
دوّر علي غيري تراني تحذرت .. ترى نظامك ما يطابق نظامي
وش فايده بعد الجفا لو تعذرت .. معلوم كثر الطق يفك اللحامي
..........................
الله من دمعٍ عيوني تهله .. على وليفٍ بالحفى سم حالي
ابكي وحيد واسهر الليل كله .. على الجرا طالت علي الليالي
واليوم قلبي ناعس الطرف مله .. ما ادري غلي والا لقاله بدالي
واليوم قلبي كل ساعه يتله .. انسى زمانٍ في غرامه حلالي
لي حل في دارٍ تراني بحله .. لو هو بنارٍ تلهب القلب صالي
اعتب على وقتٍ مضى واستحله .. يومه يعاملني بعطف ودلالي
..........................
الله من قلبٍ تزايد لهيبه .. كن الحسا بقصاه نارٍ وينزين
عرّضت قلبي للدروب الصعيبه .. والناس لاموني ولاهم بدارين
ما قالوا انه من سبايب حبيبه .. يسهر طوال الليل والناس ممسين
حالي نحل والروح مني تعيبه .. يا ناس انا شفت العنا والغرابيل
خلّي هجرني جعل ربي حسيبه .. لي شفته اما ابكي واصفق بالايدين
محبوب قلبي ليت منهو يهتني به .. واعيش مع مضنون عيني زمانين
جعله نصيبٍ لي وانا من نصيبه .. ويا جعل يفدونه جميع المزايين
............................
الله واكبر مزّه من شفاتك .. اشوفها صارت عليكم ثقيله
الله واكبر من يسوي سواتك .. ارخص لك الغالي ونفسك بخيله
لا وا هنيك مهتني في حياتك .. الوقت ما وراك عدله وميله
ما شفت قلبٍ هام في ذكرياتك .. ودموعي اللي فوق خدي هميله
يا زين كفّر غلطتك بأحسناتك .. الفايت اللي فات ما فيه حيله
داو الجروح الخافيه بإلتفاتك .. قلبٍ خذيته لا تضيّع دليله
..............................
الله يا وقتٍ مضى يا ابو خالد .. ما عاد يرجع كود الاموات يحييون
الله من ليلٍ على العود قاعد .. وذولي سروا ذولي مساكين يبكون
يشهد على الله والليل شاهد .. خلّدت ذكري ما علي من يقولون
واليوم لا سائل ولا فيه ناشد .. الله واكبر هالمخاليق ينسون
.....................
الله خذك يمحال من وسط قلبي .. ربٍ خذك ينسيني اللي معك صار
كنت مناي تكون دايم بقربي .. واعيش انا وياك في جوٍ صحار
فرقاك نار بوسط قلبي تشبّي .. ليتك تشوف اللي بقلبي من النار
حاولت نسيانك وغطيت حبي .. وازريت انا لا انساك يا قبله الدار
جرحٍ جرحته ما فيه طبّي .. ليته يدوم ابغاه للقلب تذكار
الله خذك واراك دايم بقربي .. كني معك لو كنت مدفون يا جار
....................
امسحي دمع العيون الباكيه .. فوق خدٍ جرحه سيل الدموع
عالجي كل الجروح الخافيه .. وصفة الدكتور ما فيها نفوع
نظرت عيونك تجيب العافيه .. ساعدي المسكين خلوه الربوع
واشعلي كل الشموع الطافيه .. نوري لي بالامل درب الرجوع
اجبر الاقدام تمشي حافيه .. احكمتنا ظروف واعلنت الخضوع
بس اكتب قافيه من قافيه .. من غياب الشمي لي وقت الطلوع
.....................
امسي بهمي واصبح الصبح في زود ** ودموع عيني يا القضي يذرفنّي
والحال مني غاديٍ كنه العود ** تلفت عقلي ياهوي البال منّي
اسهر طوال الليل والعالم رقود ** واعيش في ذكرى ليالٍ مضنّي
أذكر زمانٍ فات يا جعله يعود ** يومك تجيني تبعد الهم عنّي
بيني وبينك ياهوي بالي عهود ** ماهو بحقٍ تخلف اليوم ضنّي
لا خفت من ربك ولا خفت منقود ** عقب الغلى واللي مضى تمتحنّي
جازيت من يغليك يا زين بصدود ** واصبح حتى شوفتي لك تمنّي
ترى الجفا يازين مافيه لك فود ** ارحم حزينٍ دمعته ما تونّي
......................
امنتك وسلمتك خفوقتي وتلعبه ** حرام الثقه بمثل شرواك يا قاسي
تناسيتني من غير ذنبٍ ولا سبه ** وقلبك حجر ما شفت انا عندك احساسي
أناني وغيرك ما تحاول تفكر به ** وتدله وانا بعد فرقاك محتاسي
تعمد عذاب اللي بلي فيك وش ذنبه ** وخيّبت ضن اللي يماري بك الناسي
عرفت الحقيقه والجزي منّي ابشر به ** كان انت سباحٍ ترى اصبحت غطاسي
ومن عافني عفته ولا والله احبه ** كفي ما حصل لي منك ماني بله ناسي
.......................
انا الغلطان فعلاً يوم صارحتك بحبي لك .. حسبت انك تقدّر موفق اللي بالهوى جالك
ملفاتي كشفتها لك ولا حلّلت تحليلك .. ولا يطري على بالي طواري جت على بالك
واثر لك دور تمثيلي تبي تنجح بتمثلك .. على مثلي ويبرز فنّك الراقي لامثالك
تمنيتك تمنيتك واخيراً جت مراسيلك .. تبلغنا عبارات قولوا ان فلان واخبارك
وقلت احسن بلاش انك توصيني ووصيلك .. تضيع اسرارنا مابين مراسلي ومرسالك
ان كان ظروفكم تمسح بجيتّكم فأنا اجيلك .. هواى وموج حبي يدفع آمالي مع آمالك
.......................
انا حيران ومهبذل وعايش في قلق نفسي .. عسى ربي يبدل لي همومي والحزن افراح
سواد صادقني ولا يرضى عليّ امسي .. يبني من غياب الشميس انادم ظلمه الاصباح
ضحكت وقلت له حاضر وقلت لخافقي يرسي .. عسى القى به اللي ما لقيته في زمانٍ راح
الي مني نظرت لحالتي قلت آه يا تعسي .. الا يا حسرتي نور الامل في ناظري ما لاح
ولكن ما تمنيته من اللي يتضّح عكسي .. وزادت دمعه اشواقي وزادت بالخفوق جراح
غرست الحب بجذوره وليته فادني غرسي .. وجاب اللي من اسبابه خفوقي ما قوى يرتاح
......................
انا عزيز النفس عن كل خداع ** سكّرت يا خلّي جميع النواحي
هذا ولو اني عليلٍ وملتاع ** يصبح علي الصبح ممسيت واعي
ماهزني شوفك بتحريك الاصباع ** منّعت قلبي بالقنع والصراحي
اصد كني عن مناظرك مرتاع ** ما شفت من حبك لنفسي صلاحي
اول اقول أمرك وكلّف وتنطاع ** واليوم والله لو تصيّح صياحي
ما اضن تلقى لك مجيبٍ وسمّاع ** هذا جزي خلٍ يزوّد جراحي
.....................
انت بس الوحيد اللي عليّه تمون .. انت دنياي لوعاتها ولذّاتها
قالوا الناس حبيته محب جنون .. ما دروا عن حياتي كيف غاياتها
يا عواذل جنون الحب عندي فنون .. ويش دنياي من دونه وخانتها
اتركوني على منشي غيوم ومزون .. يا فهيم المحبه وش علاماتها
قلت انا اسم الحبيّب ها ومرات نون .. واسمها ما يعرفونه صديقاتها
يا عيونه فعلها بعد اجرحتني عيون .. الظبا كيف مشياتها ووقفاتها
وانت يا عاذلي عن حبها من تكون .. خلوني النفس تتمتع بحسراتها
....................
انساك هذا سابع المستحيلات .. والمستحيل اعود لك خاضع الرأس
والمستحيل القى مع الناس هيهات .. مثلك ولا تلقى وفايه مع الناس
حبك بقلبي حي لو مت ما مات .. يضرب على قبري مراويس واجراس
كان الوفاء وعشت انا وانت سجّأت .. حبي وحبك ما دخل فيه بلاّس
واليوم آه وآه واشكي لك آهات .. شربت مر المر كاسٍ بأثر كاس
نسيت يا سيد الغنادير مافات .. يومك تصون العهد يا عدم الاجناس
اذا قضيت العمر حسره ولوعات .. وانت تفجرح عشرتك مالها ساس
..........................
آه انا وا عذبي منك يا نور عيني .. عقب ما شفت انا من الجفا والصدود
وش بك يا حبيب دايماً ما تبيني .. ارحم اللي بحبكم ما يطيع الحسود
ارحم اللي يعاف النوم دايم حزيني .. يسهر الليل كله والخلايق رقود
انظر بحاله اللى داورته السنيني .. والطف بحالٍ اصبح يا هوى البال عود
لك حجاجين صابت ضامري بسهميني .. لك خدودٍ برت حالي وعيني تجود
..........................
آه من لاهبٍ يا زين باقصى الضمير .. حسبي الله على من صار فيه السبب
حسبي الله على من لاع قلب الضرير .. في غرامك وهو من حلو ماكم شرب
اخفي اللي جرالي عن صغير وكبير ..اتصبر وقلبي من هواك التهب
فعلك الزين معايه يا حبيبي كثير .. لي طلبتك لزومٍ قلت لي وجب
من فراقك ترى حالي وقلبي خطير .. يا لطيف الحشى يا سيد كل العرب
لي ذكرتك تهل العين دمعٍ غزير .. صار بعدك علي نار وقلبي حطب
..........................
آه يا من تمركز حبها في خفوقي .. ليه ترضين تعذيبي بلّيا سبايب
ليه عني تغيّبتي وانا لك شفوقي .. القطيعه ترى ماهي بسلم الحبايب
ما هقيتك تعمد يا أريش العين عوقي ..ولا هقيت الغلى يمحيه حكي القرايب
عقب ما سار حبك مع دمي في عروقي .. تقطع الوصل ما تخسى من الله عقايب
قلبي اللي تولع فيك منك محروقي .. عندك دواه من غيره فلا هو بطايب
والله اني على شوفتك نفسي تتوقي .. وااعرف انك على شوفي دموعك سكايب
لي تصورت ماضي حبنا زاد شوقي .. يوم ليل الهوى نقضيه دل وعجايب
يوم ترخص لي الغالي وتعرف حقوقي .. يشهد الليل ونجوم السماء والهبايب
..........................
آه يا ونتي ونة وحيد الجزيره .. ونتي ونته واشاركه في الطبيعه
آه لي جرها من جايرٍ في ضميره .. تحسوبه طرب لاشك حده قطيعه
آه قطع المواصل من عشير لعشيره .. وانت بالمقصد اللي عاقبتها شنيعه
آه راعي الهوى يرضى بشرّه وخيره .. مثل ما قالوا ان ما طاعك الوقت طيعه
آه روح السبيعي من جروحٍ خطيره .. بعد فرقاك يا راعي العيون الوسيعه
آه يامن سكن وسط الرياض الكبيره .. بين شارععسير وبين حيّ البديعه
آه لو تسكن بديره وانا اسكن بديره .. للفلك دور والايام تمشي سريعه
آه لو جاك قلبي عنك رجلي قصيره .. في مجالٍ حداني والكرامه وسيعه
..........................
آه ياعينٍ بكت من فقد غالي ** يالله المطلوب لاتقطع رجاها
عزّتي للي جرى له ما جرى لي ** ان ضحك بالسر عبراته جناها
عادت الايام واحداث الليالي ** تحرم النفس العليله من دواها
الهوي حمله ثقيلٍ كالجبالي ** من تولع بالهوى نفسه قصاها
طال سهر العين واعزّي لحالي ** وابعدت الايام عن عيني مناها
واهني اللي من اللوعات خالي ** ماعرف مر الليالي من حلاها
اثري بحر الحب غباته طوالي ** تتعب السباح ما يلحق وراها
........................
مره تعاملني بعطفٍ وتقدير .. ومره تعمد وجعتي يا عشيري
تلعب بقلبي لعبه البزر بالطير .. يضحك وطيره ميتٍ ما يطيري
حيرتني يا سيد كل الغنادير .. واشقيت روحٍ صرت فيها خشيري
يوم احذفتني في هواك المقادير .. نسيتني والدمع جرّح نظيري
عز الله اني منك ماني بخير .. يا مالكٍ قلبي وخيرك لغيري
اهرب من الواقع واجامل مع الغير .. اضحك وانا اخفي عبرتي في ضميري
............................
اهلاً هلا باللي عيونه رمتني ** يا مرحبا ياروح روحي وسهلين
طلبت اقابلها على طول جتني ** الله يجنبها عيون الحسودين
بخلاصها وحبها با دلتني ** انا وهي بالحب صرنا شريكين
عطيتها قلبي وهي معطيتني ** عطف وحنان وذي سلوم المحبين
هي غايتي هي منوتي مالكتني ** انا وما املك فدوهٍ لاريش العين
منسى هواها دام هي مانستني ** ما دمت انا وحبيّب الروح حيين
.............................
اوقف دموع العين لا تجرح الخد .. وذرّه عن النسمه تراها تضره
خل البكى للي سواتي تعوّد .. مافيه شي غير قربك يسره
تنثر عيوني دمعها واتجلد .. كود الفلك يندار للوصل مره
يرضيني اللي منك يا مايس القد .. مقبول وصلك لي بخيرٍ وشره
روحي وروحك ذكرياتٍ تجدد .. اخاف من ذكري على القلب مره
....................
بنظره عين صوّبني حبيبي .. اصاب القلب من نظره اصابه
الا يا جارح القلب الصويبي .. من اسبابك ترى كلٍ درى به
تعالجت بس ما فاد الطبيبي .. لو اعرف حارته لطق بابه
انا بالليل عليه انحب نحيبي .. سؤالي وعند من اسأل جوابه
اطب القلب قالوا ما تطيبي .. علاج القلب عند اللي اصابه
.....................
مرت على ايام حلوه كثيره ** مرت على ايام القسوه اكثر
جربت بالدنيا تجراب مريره ** توي عرفت الوقت وشلون يغدر
ما فيه به مرتاح بكل ديره ** كلٍ بهمه ينقله لين يقبر
ضحكت لي ايامي بفرحه كبيره ** حسّبتها بدوم لي كنت مغتر
صدقت وقتي في بدايه مسيره ** والوقت خان ودمع عيني تنثر
.....................
تذرف عيوني دمعها لي تذكرت .. شخصٍ على قلبي عزيزٍ وغالي
ياما على شانه تعبت وتنكدت .. اسهر طوال الليل جالس لحالي
ابحرت في بحر الهوى وليت ما ابحرت .. هبت علي ارياح شرق وشمالي
غيره وليفٍ يا اهي ما تخيّرت .. حبه بقلبي راسيٍ كالجبال
عني رحل غربٍ وانا عنه شرّقت .. اللي هويته بالمحبه صفالي
لي جيت بحكي قصتي للملا حرت .. ما اقدر اصوّر للملا ما جرالي
لو طالت الفرقا حشى ما تغيرت .. لصبر واذوق المر واقول حالي
.....................
تذركت صدقاني وعديتهم واحصيت .. خابتك اولهم فهل يدصق احساسي
على حسب ظني ما خاب ما ظنيت .. عجّل بحكمك بين ظني ووسواسي
تضايقت من زود القهر لين ضاق البيت .. ولا تحسب السكت عن عبته ناسي
انا في طريقٍ صعب بالله هل مريت .. بنفس الطريق يجوز قاسيت ما اقاسي
تزايد همومي كل ما اصبحت والا امسيت .. واضغر همومي نبّت الشيب في راسي
شكيت الملا وش همهم ذا الناس لو مليت .. لعله يهمك طول همي وهوجاسي
تقبّلت انا القبله ومن عقب ما صليت .. طلبت الذي طالبه ما يقطع الياسي
....................
تركت حبك يوم شفتك تكبّرت .. وانا بحبك غاطسٍ لين راسي
انت الذي للحب قبلي تنكرت .. واعلنت عصيانك علي بحماسي
من طار وقّع وانت يا زين لو طرت .. توقع في شباك الغرور متواسي
وش فيك في لحظه علينا تعيرت .. انت اتحمل ماصار كل المآسي
حطيتني فوق اللغم ثم فجرّت .. صفّيت لي سم الافاعي بكاسي
لا تحسب انك لي تغيرت دمرت .. ولا بعد فرقاك هديت ساسي
ابشرك اني بخير وتعافيت .. عقب المذله رافع اليوم راسي
.........................
تركنا الحب يا زين المعزّل .. ودينّا وخلينا الجهاله
اصادق كل من كبّر وهلّل .. ومن يعرف حرامه من حلاله
بلغنا في الهوى فوق المعدل .. وزينه فوق ما يوصف جماله
تبدل خبرك الاول تبدل .. وعهد الحب قطعّنا حباله
........................
تشهد علي حبي لك دموع عيني .. اللي تسابق كل ما حل طاريك
وتشهد على حبي لك اربع سنيني .. انا على عهد المحبه مصافيك
ما طعت انا في حبك العاذليني .. والله ولا صدقت حكي العرب فيك
مهما الظروف تحول بينك وبيني .. لا تحسب اني يا منى الروح ناسيك
يا منيه القلب الشقي يا ضنيني .. انت الذي من بدّت الخلق اغليك
ياروح روحي يا مبيّح كنيني .. لولا الحياء لبين اسمك واناديك
.....................
تعاتبني على الغلطه وتنسى هجرك الدايم .. اجل وش لون لو نغلط معك غلطات ممنوعه
تشوف القطره الوحده وتنسى بحرك العايم .. تجاهل صوت موجاته وكلمتك كيف مسموعه
انا ما قلت ما احبك ولا فيك اسمع اللايم .. ولكن حبكم يازين طريقه غير مشروعه
حكمت القلب في حبكم تبي تحكم علي دايم .. ولكن الهوى يرفض محبه غش مصنوعه
انا ودي تصافيني وتجعل حبنا دايم .. على ساس الوفاء نبني هوانا باول اسبوعه
.....................
تقريب ساعه عشتها بين اياديك ** اغلى علي من باقي العمر كله
جيتي على ضني وهذا الامل فيك ** والكل منّا مرتجي شوف خله
ترجمت لي احساسي بنظرات عينيك ** وفهمت منطوق الرموش المظله
قلبك يناجيني وقلبي يناجيك ** حبك مكن في خافقي واستحله
فيك الحلى والزين سبحان معطيك ** يامن سلب عقلي بزينه ودله
تستاهلين الحب يوم اني اغليك ** قربك يشاليني وفرقاك عله
...................
تمنيت اشوفك يوم نامت عيون الحي .. وعذالنا ناموا والابواب مصكوكه
وجو البلد هادي والاغصان تقطر مي .. عليها الندى وغصونها الخصر مشبوكه
وتميت يم الباب بالليل رايح جاي .. معني لك الاقدام والروح مملوكه
ولا عاد اطيق الصبر والقلب ولّع ضي .. وعين المولّع كن في حجرها شوكه
وعذبت حالي والهجر قد كواني كي .. دخيلك ولا حبل الرجى تقطع سلوكه
وزرع الهوى ذابل وابطى عليه المي .. وهي بالبدايه كانت ايام مبروكه
.....................
جاني خبر يا صاحبي منه ما طبت .. علمٍ جرح كبدي وزوّد لهبها
قالوا ترى خلك مشى في ضحى السبت .. اخذوه غصب وروحته ما رغبها
باح العزى يا زين والنوم حاربت .. تبكي عيوني والمفارق سببها
يا ويل قلبي روم عني تغيّب .. فرقاك يا ليت الولي ما كتبها
يا باهي الخدين من فرقتك ذبت .. فرقاك نار وصار قلبي حطبها
يازين من الفرقا تراني تعذّبت .. عزي لمنهو بالدقايق حسبها
حبك سطى بالقلب يا صاحبي سمت .. عزي لمن عقبك الاداوي شربها
عقبنا وطنّا يا حبيبي تجنّبت .. مالي بدارٍ عقب روحه عربها
ارجي عسى ترجع وانا لك ترقبّت .. شوفك هوي نفسي وشكلك عجبها
..................
جرى الدمع من عيني وبغيت اشق الجيب .. على اللي بسوق سويده العصر وافاني
تلاقيت انا وياه في يمنها غرشه طيب .. وقفت في حيره بعد ما تحداني
بغيت اتصبّر بس فكري يجي ويغيب .. وين الصبر والزين قفّى وخلاني
عوايد سهوم الحب تخطي ومره تصيب .. وانا سهم عينه صاب قلبي ولا اخطاني
لحقته وقلت الحب يازين مابه عيب .. تراني بحبك يا حلو راسي اشقاني
رجع بعد ما قفّي وقلّي علمت الغيب .. اشعرفك لي من بدّه الناس تبلاني
قلت العفو ما فيه شكٍ ولا به ريب .. نعم الهوى مرّت على كل انساني
شفني صغير السن وراسي كساه الشيب .. من الحب متبهذل والفكر حيراني
تبسم حياتي من كلامي وقلّي جيب .. يمناك وعاهدني ان كان تبغاني
تعاهدت انا وياه لو شرطه علي صعيب .. وبعد ما نهينا العهد قال هاك عنواني
يقول تجي الليله لبيتي وخلّك ذيب .. وبعد الشعا في فتحة الباب تلقاني
ابو نهيدٍ بالحشا ماله اجر الصيب .. لقيته على الميعاد حبيبي يتحرّاني
......................
جيتك وانا كلي هموم وغرابيل ** واحمل بيدي رمز من ذكرياتك
جيتك يا أعز الناس مع تالي الليل ** تسري بي الاحلام والروح جاتك
وابكي على شان الرموش المظاليل ** خايف عليها من نزيف اعبراتك
جيتك ابيك تعيد ذيك المواصيل ** وأرجوك ما ابغا كلمه الوقت فاتك
.......................
حسبي الله على الموتر قليل المروّه .. يوم نكّد على المجمول صافي الثماني
يوم دقيت سلفه ثار به ماس سوّه .. وطفت الكهربه وقال هدا مكاني
اصبح الصبح واحجب تالي الليل توّه .. يتبرّج علينا ساعهٍ من زماني
شقّق الزين ثوبه مزّعه من علوّه .. لين شفت التحر والصدر والنهد باني
يا حبيب دخيلك تقصر الصوت مرّه .. آه ويلاه انا يكفيني اللي بلاني
........................
حل الفراق وزاد في قلبي الهم .. وايامي الحلوه تنكّس علمها
واصبحت في حالٍ بها الله يعلم .. من حيرهٍ بالنفس صدري كتمها
قالت يلام وقلت يازين تسلم .. تسلم وانا روحي عذابك دمرها
قالت وداع وقلت تبقى وانا اعدم .. مر الحياه النفس ذاقت طعمها
عيني عليه الجو غايم ومظلم .. واليوم ربي بالهوى حرمها
اهون من الفرقا علي شربه السم .. ولاني محسّب للحياه وعدمها
لا تعذولي كفوا الهرج والذم .. حتى ولو بالقلب تركز سهمها
يا سعد قلبي يوم اشوفه تبسّم .. اللي مشى بالمسك ريحه نسمها
رسمت له بالقلب رسمٍ مجسّم .. وهم الخيال بوسط قلبي رسمها
......................
خبروني عن اللي غايبه عن عيوني ** كود تترك عيوني دمعها والسهر
الدقيقه تساوي عام كله حزوني ** من غياب الحبيبه الثواني شهر
بعدها لا سعاده ليه لاتسألوني ** المولع حياته بين هم وقهر
الله اللى بلاني بالهوى واعذروني ** يوم دمعي بسري يا جماعه جهر
فوق سبع الاراضي اسمعوا وافهموني ** من يحاول يزحزح حبها ما قدر
مع خيال الحبيبه والدموع اتركوني ** لاتقولون دمعك فوق خدك ظهر
العيون الحزينه والخفوق الحنوني ** والسعاده وعمري للحبيبه مهر
.........................
------------------------------ يتبع -------------------------------------------------------

جـغـآغـه غير متواجد حالياً  
قديم 10-04-2007, 12:55 AM  رقم المشاركة : 2
الصورة الرمزية جـغـآغـه
تاريخ التسجيل: 22 / 12 / 2006
رقم العضوية : 18476
المشاركات: 358
بمعدل : 0.12 يومياً
عدد النقاط :   50
 

جـغـآغـه يستحق التميز

افتراضي




خلاص عزمت انا فرقاك .. بنساك لو فيه تعذيبي
محدٍ جربني على شرواك .. وانت على الصد ناويني
اعز نفسي عن هوى شرواك .. ما اطرد ورى ناس مقفيني
يا قلب اصبر على ما جاك .. الصبر طبع المحبيني
دور علي واحدٍ يبغاك .. خلاص يكفيني ما فيني
بنساك والله انا بنساك . بقلى طبيب يداويني
لا تفكر مامن الا دواك .. بلقى طبيبٍ يداويني
....................
خلوني ابكي يا هلي من غثا البال .. خلوني ابكي واتركوني لحالب
تبكي عيوني لي طرى اللي على البال .. خلٍ مضالب في هواهم ليالي
يا ليل قلبي للهواجيس مدهال .. يلعب بي الهاجوس من كل جالي
الحال حالي يا اهلي صرت في حال .. سبحان مهنو بالمخاليق والي
قالوا لي اصبر والصبر فيه حلاّل .. وانا اصبر مالي عليه احتمالي
راعي الهوى لو يثقل الحمل له شال .. يقوله اللي ما درى وش جرالي
.....................
خلوني اتقلّب علي نار الاشواق ..اصلى بجحيم واحرق بناره
لكن عطوني خبر واقلام واوراق .. بكتب لمن شطّت علينا دياره
شوف العيون اللي من خلف الآفاق .. لقبل سواد الليل وادبر نهاره
ولا شقى حالي دقيقات الاعناق .. الا بشر واحد لحالي دماره
واسهر مع الحراس لي وقت الاشراق .. وانا مع السوق مالي تجاره
لي ذوق والعالم لها مثلي اذواق .. كلٍ حسب ذوقه وحسب اختياره
ما فز قلبي نحو غيره ولا تاق .. من حسنوات الباديه والحضاره
لا لا ولا هو كنت متوقع فراق .. لكن صواديف الدهر يا خساره
لكن علي اللي واهب الطير الارزاق .. كساره ريش ووجهه في مساره
....................
خليتني وصار الأمل فيك مقطوع ** ارحم خوقٍ وسط قلبي يناجيك
عيني دموعها دم ما تذرف دموع ** مجروح قلبي من سبايب تغليك
عاد الهوى المكتوب بالدم ممزوع ** كله سوايا ماتوده اياديك
صدمت حبٍ كان في يوم مزروع ** رددت في صوتٍ رفيعٍ مقافيك
واضح نظامك هجر الاحباب مشروع ** وشلون تجفا واحدٍ ما يجافيك
اسهر وكل الناس رقّاد وهجوع ** وافز ليمن نمت اصوت واناديك
واليوم حبك داخل القلب منزوع ** رح يم ناسٍ عن هوانا تنسيك
......................
دمعي جرى والقلب جاه الهياما .. من يوم قالوا صاحب سافر اليوم
غدت بي الدنيا وصارت ظلاما .. جوّي غدى فوقه عواصيف وغيوم
كبدي طعنها مثل حد السهاما .. الليل كله في تفاكير وهموم
انوح تالي اليل نوح الحماما .. يصبح على الصبح ما ذقت انا النوم
اسهر وكلٍ في منامه يناما .. والكبد ما ذاقت من الزاد مطعوم
عفت المنام وعفت حلو الطعاما .. مالي جدى كود ابدع القاف منظوم
الا وا عذابي راح ظبي العدما .. يالله عساني منه ماني بمحروم
ابو ثمانٍ بيض حدر اللثاما .. وعيون سودٍ وساع والعود مبروم
ابدع كما نور القمر في التماما .. في حبهم ما اسمع اهل العذل واللوم
بحب غيره من العذارى حراما .. غيره من الخفرات ماني بملزم
....................
راحت ليالينا ضاعت امانينا والزين ناسينا يقول انا ما اذكر
راح التعب فاضي خلي ماهو براضي ما يذكر الماضي بيني وبينه مر
ماضي هوانا راح قفلٍ بلا مفتاح انت الذي مرتاح وانا علىّ اسهر
الله يجازيها بفعال ماضيها وماني بناسيها كلٍ بقلبه حر
......................
ربي يا مولاي جعلك تعين اللي صبر .. الحزين اللي من فراق خله ما ينام
دمعته من فوق خده وطاوله السهر .. ناحلٍ حاله ولا باقيٍ كودالعظام
يا شبيه الريم عقبك حياتي في خطر ..وا عذبي من فرقاك يا ظبي العدام
في البني ماشفت مثلك مع كل البشر .. يعجر التعبير عن وصفك والكلام
اطولت فرقاك يا زين والقلب اتفطر .. وان فريت الجيب ما اظن يلحقني ملام
سبعه اشهر قد مضتلي وذا ثامن شهر .. كني لي عنك يا الغضي عشرين عام
سافروا به لا عاده الله من سفر .. وافطموني منك بالغصب من قبل الفطام
ارجي الله يجمع الشمل من بعد الكدر .. واهتني بك يا منى الروح يا بدر التمام
.....................
زعيم الحب منهو بشتكي له .. ابيه يعيد محبوبي عليّه
انا يا ناس ما بيدي حيله .. بعد ما باروا الخلاّن فيّه
الا يا اهل الهوى ويش الوسيله .. الا كيف ما منكم حميّه
انا ما اقدر فراق الزين ليله .. زريف الطول مجلّي الثنيّه
حبيبي ما التقي والله مثيله .. سوى في ذا البلد والا اجنيّه
غريب الليل مشى عابر سبيله .. اهالي الحب يعطونه التحيّه
ذبحني يا اهلي والله حسيبه .. نوى قتلي وانا مالي خطيّه
.......................
سافر وترجع لو بعد حين .. لي يوم يا ابن سعيد اشوفك
انت الصديق اللي على الدين .. وما همني باقي ظروفك
انا اتحري وصلك سنين .. لافي القدر دنيا تلوفك
كسكين من يجهلك مكسين .. اشاركك همك وخوفك
يقولها ابن القحاطين .. قلبي بذا الدينا يروفك
......................
سد باب المعرفه وابعد ابعيد عنّي .. غلطتي يوم اصدق وانخدع في عيونك
رح بفالك وانا باروح لكن بحنّي ..فؤّح قلوب ناسٍ همهم يفرقونك
غيروا طبعك الحساد واختلفت ظنّي .. ليه طاوعتهم بي خلهم ينفعونك
رح مع اللي يحبك عش معاه امتهنّي .. وفقك ربي مع اللي تبغا ويبونك
من إولٍ اسهر عيوني منك ما يمرحنّي .. ما هقيت هرّاج القفا يقدرونك
اشغل البال وقلبي من هواك امتعنّي .. احسبك مخلصٍ بالحب ما يخدعونك
......................
سعيدٍ يا اهلي قلبي تهنّى .. بعد ما جاه من داوى صوابه
عطاه الله وحصّل ما تمنى .. غزالٍ تو في غايه شبابه
حياة الروح لي دار وتعنّى .. ذكرنا بعد ما طوّل غيابه
بعرض السوق صادفني تنثنّي .. عرفت الزين من لبست ثيابه
وقف واشّر بكفٍ فيه حنا .. يجاوبني وانا ما افهم جوابه
سالت وقلت وش جايبك منّا .. نويت ترد قلبي في عذابه
تبينا نبتلي وتصد عنّا .. تخلّي ضامري يزيد التهابه
خزرني وقالي لا تتهمنا .. بلاش من المعاتب صك بابه
......................
سنين ابعد وجت همسه ** عادت حاضرين امسه
رجعت امارس الاشعار ** بسجن حروفك الخمسه
بدأت تزهر كتاباتي ** وفاح العطر بأبياتي
لي جيت ابتعد عنك ** هرب من داخلي ذاتي
تعالي لاتخليني ** معك كامل عناويني
لي جيتي مع الاهداب ** نزعتي الشوف من عيني
احسك نغمه في صوتي ** واذوقك طعم في قوتي
تعالي نجمع الاطفال ** اهل الميلاد ياموتي
...........................
سهرت الليل يا ليلي .. وه و ماجاني المحبوب
وانا وان قلت يا ويلي .. تعذّب قلبي المتعوب
ولو كثرت غرابيلي .. انا مالي من المكتوب
عسى المحبوب يصغيلي .. واحصل عنده المطلوب
اقول الحب يكفيلي .. زشكله عندي المطلوب
حبيبي دوم يطريلي .. ولا احدٍ بالهوى مغصوب
وعلى ما شفت ويبديلي .. هو الغالب وانا المغلوب
بغيت ارسل مراسيلي .. ولا جاني عليه دروب
اخاف الناس تحكيلي .. وتحكي له لى المقلوب
وراعي القول والقيلي .. لا هو بصاحب ولا مصحوب
.....................
شد الحقايب قال ماشين بغداد .. الصبح من دار الرشيد اتصل فيك
قلت الرجوع وقال من غير ميعاد .. مشغول اخاف البعد عنّي ينسيك
قلت الصبر شيمه كريمين الاجواد .. سافر عسى ربي يديمك ويحميك
صبري عسى الايام ترجع ونعاد .. اما تجيني والا اني اوصلك واجيك
الوقت غير الوقت ما جاد .. ما ودي ابعد عنك ساعه واخليك
......................
شفت يا ناس زولٍ شاقني .. وقفت مربوط رجلي ما مشت
ساعه لمحته وحبه صابني .. نار المحبه بقلبي ولّعت
دقيت بابه تعذّرت اسقني .. غريب عطشان والشمس احتمت
عطاني الماء بكاسٍ معدني .. تسلم يمينٍ لي الماء قدّمت
شربت كاسين وقلت له زيدني .. ناري من الشوق لجله ما طفت
مابي ظمى بس زوله هالني .. رويت من الماء وعيني ما روت
حسبي على اللي لسوقه دلّني .. ماني بيمه لكن وافقت
يا ناس انا وين ربي جابني .. وانا مريحٍ من ايامٍ مضت
..................
شفتك معاه واقفيت عنكم وصديت ** اخاف اموت من القهر في مكاني
ما ابعد ولا بك ياهوى البال ضنيت ** انك تولع في هوى خل ثاني
شفتك تناظرني وانا عنك قفّيت ** ملزوم راحتك منك عشره زماني
عز الله انك بالخيانه تماديت ** ما بيك عز النفس عنكم حداني
....................
صاحبي يلبس البرقع ماهي عادةٍ له .. مير اخذ سلم جيرانه وصارت طبيعه
هيه ياللي نوصيكم على برقعٍ له .. وسّعوا قرضته ترى عيونه وسيعه
فضلوا له حريرٍ ناعمٍ ما يملّه .. حيث بشره خدوده للتأثر سريعه
مثل ما قالوا ان جيت الوطن خذ سلمه .. اتبع الناس وان ما طاعك الوقت طيعه
صاحبي من كلامه لي هرج ما تملّه .. من حلاوه كلامه كن هرجه يبيعه
......................
صبرنا وطول الصبر يقضي على الارواح ** اذا طال واتعدى حدوده ومعقوله
وصدقت من قال الصبر للفرج مفتاح ** وهي كلمهٍ صارت للامثال مقيوله
سقى الله زماني يوم انا دالهٍ مرتاح **اذا مر يومي ما احسبه قلت وشوله
وجاني زمانٍ ما ابتسم يوم بالافراح ** يمر النهار وقول ذااليوم يا طوله
اغني على وقتي مع روضه الوضّاح ** اكيل الندم ودمعه العين مرسوله
اصارع همومي مثل ما يصارع الملاح ** شراع السفينه واطبق اليم من حوله
ألا مال تدفعني واحلق بدون جناح ** وتمسى همومي بين حيه ومقتوله
.........................
صحيح انا انغريت ساعه ملاقاك .. واليوم اقول يا ليت حظي تعداك
لي جيت بك هليت وابكي على فرقاك .. عذبتني بأوهام مشيت برضاك
كم لجلكم ونيّت لي غيت انا ما ناساك .. ويش السبب مليت ويش الذي جاك
غريتني يازين قلي انا ما ابغاك .. بان الخفى بالعين لا تقول انا اهواك
........................
صحيح من يلفي بليّا عزيمه .. الي من ضواه الليل يمسي بلا فراش
من باع قلبه وطلب فيه قيمه .. غلطان ياللي ترخص النفس ببلاش
اجسبك تمشي لي بنيّه سليمه .. يا خارب النيّه عرفناك غشاش
اعذراك اللي جبتها لي قديمه ..في وجهي مرايه والي غبت رشاش
لكن روحي بالموده حليمه .. تطرد غزالٍ ضاع فالبر وانحاش
ومن باعنا حقٍ يدور خصيمه .. وشوك الظفر يظهر مع البصر منقاش
لعبت بي لعب الهلال بخصيمه .. لي صفق الجمهور وقال له عاش
يالله لا تحرم نديم لنديمه .. وصل الولايف يا علي يبري الجاش
........................
ضاق صدري وعيني بالدموع اذرفت .. واتصبر واشوف الصبرعيّا يفيد
اجحد جروح قلبي والدموع اكشفت .. كل ما امسح عيوني المدامع تزيد
الليالي تحداني ولا لي صفت .. فرقتنا وحكم الله على ما يريد
آه يا شمعه الوادي عسى ما طفت .. عقب فرقاك انا ذقت العذاب الشديد
لو كنيت المحبه يا القضي ما خفت .. الهوى يجعلك شيوخ القبايل عبيد
........................
ضحى الجمعه وبالصدفه انا والزين نتلاقى .. صدفت في طرريقٍ بلا ميعاد وافاتي
وقف محبوبي وسلم وقال القلب مستاقا .. وقلت اهلا حياه الروح وانا والله ولهاني
تبدّل يا نظر عيني ليذي الوصل بفراقا .. وما تخشى من الله تولعّني وتنساني
وثال بوصلكم محتار وعليه القلب خفاقا .. ولكن عادة الدنيا تفرّق كل خلاني
وقلت اسال انا ياللي كل الكون له خلاقا .. عن الجفا والصد يا مكحول الاعياني
ترى كثر الجفا والصد فلا والله ينطاقا .. دخيلك لا تعذبني بلاحقٍ وبرهاني
تبسّم وقال اصبر ورب البيت رزاقا .. يغيّر برمش العين من حالٍ الي ثاني
........................
ظروفي دقاقه وصافي اللون جافيني . يا رب حسبي على منهي تسابيبه
يا ناعس الطرف لا تشقي معك عيني .. غيرك من الناس والخلان ما ليبه
ما ودي اذكر زمانٍ به مصافيني .. واخفّي الحب ما ابغي الناس تدريبه
حبك من سنين يا المجمول كاويني .. واصبر على الحب من شانك وتعذيبه
برجوك برجوك تكفى لا تخليني .. بعدك على قلبي يا ناس اكبر مصيبه
قلبي من الهجر والغربال مشقيني .. والهم يقبل بعرض وطول مشقيبه
.........................
عافت النوم عيني من هواجيس بالي .. هاجسي في حبيبٍ غاب ما ادري علامه
دون سبّه هجرني ما درى وش جرالي .. غاب عنّي وانا قلبي مكن به غرامه
يا اهلي ما سهرت الا على شف بالي .. كان طوّل بهجري ما رجي لي سلامه
يا اهلي غير خلّي بالملا ما طرالي .. لا تزيدوني مابي بالعذل والملامه
الغلا له وهو ذخري ورأس مالي .. لو سهرت الليالي واهتنى في منامه
ما اسمع اللي عذلني آه انا ابخص بحالي .. ما تشوفون جسمي ناحلاتٍ عظامه
لايمي ما جرى له بالهوى ما جرى لي .. لو جرى له سواتي عظ كفّه ندامه
لو تعذلون ما اسمع في هوى شف بالي .. عاذلي في حبيبي ما سمعنا كلامه
لو يفيد التمنّي قلت ليته قبالي .. ليت منهو يشوف الزين جالس امامه
........................
يا بعد روحي عذابي منك طال .. منك انا مجروح وانت لي دواء
منك انا بصفق يميني بالشمال .. منك سدي باح والحال انطوى
مالكٍ قلبي بحبك والدلال .. جامعٍ للزين والقبله سوى
محتمل فرقاك يا باهي الجمال .. لو بغيت ارتاح قلبي ما قوى
ليه انا بالشمس وانت بالضلاّل .. حرّها يا نور عيني ما استوى
بادليني بالمحبه والوصال .. الوفاء والحب شرع اهل الهوى
اسقي العطشان من ماك الزلال .. ارحمي قلبٍ بلي بك وانكوى
اذكري ما فات يا بنت الحلال .. كان قلبك بالموده لي نوى
..........................
عزي لكبدٍ من الغرابيل عزاه .. وعزي لقلبٍ فيه ستين عله
قلبي من الحسرات يكفيه ما جاه .. قلبي صويب ولا لقينا دوا له
عزي لمن مثلي زمانه تحداه .. مسكين من شاف القهر والمذله
يا ويل من كنه على نار تصلاه .. يسهر ودمعه فوق الاوجان هله
يشهر وكلٍ في منامه تهناه .. كثرت هواجيسه ولا احدٍ فطن له
لي صاحبٍ قلبي يحبه ويهواه .. صافي الجديل وجامع الزين كله
ابو جديلٍ فوق الامتان يزهاه .. من فرقته كن الحشى فوق مله
هنيكم يا اهل المواتر هنياه .. كلٍ يروح لي بغا يم خله
وانا حبيبي ذفت انا مر فرقاه .. وعزي لمن يرجي المواتر تشله
.......................
.......................
عسى الله يلوم اللي لحالي يلومون .. وانا كيف الومك بعد ما شفت واوحيت
فلا تشكي الفرقا ترى القلب مطعون .. وانا لو دريت بغيب الايام ما جيت
تقولون والا يا هلي ما تقولون .. ابفنى على ذا الحال كان استمريت
انا ما ابغي الدكتور وانتم جبرتون .. خسرتوا دراهمكم وانا ما تشاويت
علاجي حبيبي بس تكفون ودون .. وانا كان ما شفته تراني توفيت
............................
عسى اللى حفظ يوسف على والده يعقوب .. يحفظ الذي عقبه العين سهرانه
ولا شفت عقبه لذّه الزاد والمشروب .. محاجر عيوني بازرق الدمع غرقانه
الا واعذابي عقب فرقاك يا المحبوب .. خالي عقب فرقاك يزداد نقصانه
قلبي من اللوعات يا صاحبي مصيوب .. ليمن ذكر ما فات يشتب نيرانه
غرامك غلبني واعترف لك انا مغلوب .. اسيرك دخيلك تنقذه عقب هجرانه
حسبي عليك الله ما احسنت عنك اتوب ..وقلبٍ جرحته كيف ترضى بنسيانه
ولولا الحياء لرفع بصوتي واشق الثوب .. وابيّح بسدٍ طال يازين كتمانه
ولكن ابصبر واتصبر على المكتوب .. وراضي بما جاني من الله سبحانه
..........................
عشرة عمر معك انتهت وانتهينا .. وآخر دقايقها دموع الوداعي
شيٍ طبيعي نفترق من بعضنا .. فرقا وراها ما اظن اجتماعي
غرّت بنا الايام غصبٍ علينا .. واستعجل المكتوب طوى شراعي
ورد المحبه فرّطت به يدينا .. واصبح هوانا مرجعه للضياعي
لابد ما تنسي حدينا السنينا .. والا بقلبي جروحه وساعي
..........................
عشره سنين وافترقنا بليله ** بسباب كلام فارق خليل لخليله
باع الهوي ابو العيون الكحيله ** ضاع الوفاء مثل اللى ضيّع دليله
خلي زعل ولا باليد حيله ** مهما حصل اقول ما بي بديله
وادي الشفاء بين الزهور الجميله ** اهوا وانا لنا قصه طويله
قصه غرام عاشت في روحي العليله ** وفي الختام نودع ايام جميله
........................
عفت الحياة ومنوتي ليتني مت .. خلاص يكفيني عذاب وغرابيل
ما عاد اطيق العيش بالسوق والبيت .. لا بالنهار ادله ولا ارتاح بالليل
من كل شي اقول يا ناس مليت .. حتي احسبوني من حساب المهابيل
فوق الشرف رايه الاحزان رزيت .. واطفيت ما في دارنا من قناديل
عمري قضى ما ساعهٍ به تهنيت .. وابكي باوقات الطرب والتعاليل
..........................
علام حرف السين ما عاد سيّر .. ولي بغينا نوصله ما لقيناه
واليوم معدوم الوصايف مخيّر .. ان جاد جدنا وان نسانا نسيناه
وضعه طبيعي خابره ما تغيّر .. لو كان عنده حال ثاني عفيناه
لو كان له حقٍ علي ما اتحيّر .. الشاهد الله ما اذكر انّا جفيناه
مسافه البيتين فوق المقيّر .. قريب يسمع صوتنا لي دعيناه
.............................
على الوعد جيتكم .. يا مخلفين الوعود
جيتك على وعدكم .. ظنيت وعدك يجود
كا كان ظني بكم .. هذا الجفاء والصدود
مشتاق والله لكم .. حبك بقلبي يزود
افرح الي شفتكم .. وصدك يا غالي وقود
ان ما كفى هجركم .. تراى زرت اللحود
جريح من حبكم .. عندي على ذا شهود
قصدي انا وصلكم .. ما اريد هذا الصدود
روحي ومالي لكم .. الله يحل القيود
..........................
عيدكم مبروك يا سيد العذارى .. كل عامٍ وانت يا روحي بخير
صمتك الغامض علامه بي دمارا .. منك يا مضنون عيني ما يصير
يا ربيع العمر حدد لي مسارا .. لا تعذبني وانا جرحي خطير
لو تعرف اللي بقلبي من صارا .. ما اعتقد يرضيك تتركني اسير
العيون الباكيه لجلك سهارا .. بدّلت حلو الكرى دمعٍ غزير
اشتكي لك منك وانت لي خيارا .. ماكنٍ حبك بقلبي والضمير
........................
فكرت والمكتوب مافيه حيله ** ليت الليالي علمتني بالاقدار
عودت نفسي للعلوم الجميله ** وانا على جور المحبين صبّار
يازين روحي من فراقك عليله ** وانا اتحرى منك يازين الاخبار
انت الحبيب وعشرتي لك طويله ** بيني وبينك خافي العلم واسرار
ياليت مرسولك يجي كل ليله ** واقول خبرني عن الزين وش صار
اما عنالي صعبهٍ جيّتي له ** راعي الهوى ما ينفعه كثر الاعذار
.......................
قالت فمان الله واقفت وانا اقول .. متى علي يا زين تنوي الرجوعي
قالت وهي تبكي فراقٍ على طول .. واهتز قلبي هزتينٍ تروعي
واقفت وانا حاير ما ادري وش اقول ..حاولت اجامل وافضحنّي دموعي
ونيت ونه واحدٍ طاح مقتول .. منها خفق قلبي وحطّم ضلوعي
من شاف حالي عقبهم قال لاحول .. اسهر وحدي والخلايق هجوعي
......................
قالوا اصبر وقلت الصبر ذا مستحيل .. عجّلوا قربوا مني القلم والدواة
بالهوى شلت حملٍ يا جماعه ثقيل .. طحت من سبته يا ناس ويش السوات
آه دمعي عجب وان مستحته يسيل .. قرّب الموت مني ما هقيت النجاة
عقب ما هو بعندي في نهارٍ وليل .. اتمنى ولو من رجى فيه الوصاة
يوم عزّم على هجري بليّا دليل .. اتصبر وكن العين فيها حصاة
لو رحمني بكلمه كود مابي يزيل .. او وداعاً يريح القلب قبل الممات
ودعوا صاحبي عنّي وداعٍ جميل .. بلغوها وصاةٍ ما وراها وصاة
قولوا انه طلبك الحل يا احسن خليل .. دام حبك تعثّر ما اريد الحياة
............................
قالت علامك ما تزوج وترتاح .. وتترك طريق الحب للي يبونه
حلفت ما اسمع هرج عاذل ونصاح .. ما بغا زواجٍ والقضي حيل دونه
حبه مكن بالقلب ماهو بمنزاح .. مالي بغيره شف لو يعرضونه
انا برجوى الترف ابو خد وضّاخ .. ومبيسمٍ يا زين صفّه سنونه
الجادل اللي للعشاشيق ذباح .. زين العذارى كلها في عيونه
كم واحدٍ قلبي من الحب قد صاح .. مجنون ليلى قبلنا يذكرونه
لولا الامل حالي قضت والعزى باح .. وكان احترق قلبي ولا تتركونه
..........................
قررت اسيب الدار وارحل واخليك .. يكفيني اللي من سببكم جرالي
خلاص انا ما عاد ليّه نظر فيك .. دوّر وتلقى لك حبيبٍ بدالي
إمن اولٍ يومني ابيك واغليك .. شانك بوسط القلب يا زين عالي
واليوم يا محبوب خاب الجرا فيك .. اترك طريقي روح مالك ومالي
وان كان تتحدى فقابل تحديك .. ابشرك قلبي من الحب خالي
اقولها من قلب مابيك مابيك .. افهم وفهمها لمنهو يسالي
........................
قريت مستقبل هوانا بعينيك .. ومن قبل ما تحكي عرفت النهايه
فكرت قبل انهى علاقاتي اعطيك .. فرصه اخيره من بقايا عطايه
اصغيت لاقوالك وكان الامل فيك .. في صمت وآهاتي تترجم ندايه
حتى بدأ منك التنكّر لماضيك .. رد الصدى نبرات صوتي سمايه
واعلن خفوق الشوق رفضه تماديك .. في رحمه اللي صار بعده شقايه
واجبرني الواقع على قول مابيك .. من قبل ما تجهر بها يا عنايه
والله اعز النفس عنك وماضيك .. لو همت في بحر الهوى جيت تايه
.........................
قصه غرامٍ عذّب القلب مخلوق .. مسكين انا زاد حبه عليّه
حرّج على قلبي وداه للسوق .. وين العهود اللي مضت القويه
نسيتني من الحب كالعبد معتوق .. وانا بصفّك ما ارتكبت الخطيّه
طوّحت قلبي ما بقى فيه معلوق .. سم الهوى عيني وحالي شقيّه
يا سعد حظي يا فهد من عنا الشوق .. هذا زمان الكل ينسى خويّه
ارفع بصوتك يم ابو شعر مفروق .. يا كود حبل الوصل يمده عليّه
يا وردةٍ له من فوق حدّه لها ذوق .. يا ليت من يقطف ثمرها شويّه
يالله تنصف لي من الزين بحقوق .. وانك تساعدني بحل القضيّه
يالله ترفع حظنا دايما فوق .. واسعد انا والزين بأرضٍ خليه
..........................
قلبي معك لو شفت جسمي مع الناس ** ماغاب طيفك عن خيالي دقيقه
ودعتك اللي ما خلق مثلك اجناس ** حيل الله اقوى لو دموعي غريقه
والله ما ارخصتك ولا طعت جلاس ** بس النصيب يصيب هذي الحقيقه
اظلم سماي وحال من دونك الياس ** وتحسرجت عبرات قلبي بضيقه
همي عقب فرقاك ماهو بينقاس ** وجروح قلبي يا طبيبه عميقه
اجلس بوسط الناس واسرح بالهوجاس ** ما بيدي حيله ولا لي طريقه
حبك بوسط القلب مبني على ساس ** عنك العزى يا روح روحي ما اطيقه
...........................
كتمت الحب واثري الحب ما ينفع به التكمان .. ولا ينفع به الشكوى على من لا يشكيني
انا حبيت لي واحد عريب الخال والجدان .. على غيري وعرفه عندي اكثر من محبيني
حكمني وانحكمت وصرت له عبدٍ وهو سلطه .. ولجل الحب واهل الحب رضيت الحكم واطيني
الا عزي لقلبٍ مثل قلبي بالهوى غرقان .. غريق الحب دايم ساهرٍ والناس ممسيني
وليمن جيت ابدله مر طريا سيد خلاني .. طوال الليل والايام طيف الزين في عيني
انا محتار في وصله واداري هرجه العدوان .. عسى حبل الوصل ما ينقطعه ما بينه وبيني
بعد عرف الحبيّب شفت حالي صار به نقضان .. تمكّن بي صواب الزين وغيره ما يداويني
ولو يجلب حبيب الروح انا بشريه بالاثمان .. يصير الزين ملكٍ لي ولا احدٍ فيه يداعيني
........................
كفى ما جرى والله يجازيك بالهجران .. طريحٍ جريحٍ منكم تسهر عيونه
انا في حياتي كلها ما اتبع الحقران .. على اللي طرالي تقصر الرجل من دونه
حكم الغلا والحب يا اهل الهوى سلطان .. عسى اللي يلومون المولّع يذوقونه
متى بنشوفك يا شقى واحدٍ حيران .. يذوق التعب وانتم بنومٍ تهنونه
انا ما ذكرني يوم كان الوفاء ميدان .. لقى لذه الدنيا وربعٍ يسلونه
تنكّر على الصاحب وصافى الذي عدوان .. وشوف الخطأ منهم حشى ما يسوّنه
..........................
كل ساعه من حياتك رايحه ** ما يرجعها لك المال الكثير
ويش جاب اليوم مثل البارحه ** الزمن يمشي على سلك الحرير
ليلهٍ تخسر وليله رابحه ** والهنا لا يخدعك عهده قصير
وانت يا شايل همومٍ فادحه ** خل في صدرك سعد وابشر بخير
صفحه الايام ماهي واضحه ** بقدره الله ما توريك المصير
ليتني مثل الطيور السابحه ** في سماها وين ما تبغى تطير
................................
كلنا لك يا حبيبي كلنا لك *** بيعنا لا ضاق خاطرك وتصرف
من يردك لاتصرف في حلالك *** في حلالك ما لحد غيرك تصرف
لااتشكى وانت معنا * يا سعك دربٍ يسعنا
مانبيك تهين نفسك للردي اللي ماتعرفه
يا حبيبي وش يهوجس فيه بالك *** الرضا نشريه لك مهما تكلف
لااتشكى هذا انا جالس قبالك *** خاضعٍ لامرك ولاني بمتحسف
لجل المحبه خضعنا * ولجلك سمعنا وطعنا
طالما اني غايتك غيرنا وش لك بعرفه
لولا حبك ماخضعنا روسنا لك *** وانا امرت امرٍ نطيعه وانتشرف
نفسي الزم ما على وهنتها لك *** لجل حبك لوعتي ما تنتوصف
وحياه ربٍ جمعنا * انا بحبك وقعنا
جعل عين الله تحرسك يامنى قلبي وطبه
..........................
كهربتني بالعيون السود .. كهربك زايد على خيرك
كنّك على هزّتي محدود .. يا شين تأثير تخديرك
ابكي بكى والدموع شهود .. بلاي هجرك وتقصيرك
يا غايه القلب والمقصود .. ما قنّعتني معاذيرك
لولالي اداري من المنقود .. لأبيّن اسمك وتقريرك
خل الكبر عنك هو والزود .. وقعّتني في دواويرك
..........................
كيف احبك وانت عن حبي بعيد .. كيف كيف اسوى كيف والحاجز حديد
كم عطيتك من حناني وانتظرتك .. من حنانك لو عباره ما تزيد
وا عذابي كم تفشل خطه وخطه .. كنّي الزارع على قاع الجليد
استمد الصبر من فايق جمالك .. وانت يا غدار وصلي ما تريد
انت اول من يبي يعذر وآخر .. من يلومه لي هجر قلبي اكيد
يشهد الله كم تولع بك وحبك .. ولكن الاقدار تحسم ما تريد
............................
يا حبيبي كيف بسلى عن هواك ** ان هذا يا حياتي مستحيل
بعدكم عني ترى فيه الهلاك ** خذ حياتي كلها لك يا جميل
مانوى قلبي على شخصٍ سواك ** شف انا من سبتك جسمي نحيل
اترك اللي يزعلك واتبع رضاك ** من سببكم اسهر الليل الطويل
اتحمل منك هجرك مع جفاك ** انظر دموعي على خدي تسيل
يا حبيبي ليتني دايم معاك ** وحدنا ما بين هذيك النخيل
..............................
لا تتصل حول التلفون تشويش .. عندي قريبٍ لي يراقب كلامي
ذبحتني يا اسمر الليل بشويش .. يومك تذكّرني ليالي الغرامي
غديت كنّي عسكري حك بالجيش .. صبحٍ خفاراته وعصر استلامي
..............................
لا تجي يمي بعد خنت العهد .. مالي بقربك ولا شوفك لزوم
ابتعد عنّي وانا عنك ابتعد .. خاين العشره من الود محروم
من وصالك ما استفدنا الا النكد .. في مسائي وفي صباحي كل يوم
كم تواعدنا وضيّعت الوعد .. احتملت وخافقي كله هموم
لكن اليوم اكتمل كل السعد .. زاح عن قلبي جميعٍ الهموم
واكتشفتك ما تعرف الحب ابد .. والمخادع ينكشف مهما يدوم
رح فمان الله في دربك بعد .. ما نقضت العهد واخلفت السلوم
ما تهز الارض لو يرعد رعد .. بقدرة الله ما يضرن النجوم
..........................
لا تحدى وانت ما تسوى التحدي .. لا جميل ولا صريح ويش ابي بك
رح لعلك من غيابك ما تردي .. موترٍ وداك عني ما يجيبك
احسبك تصدق معي واصبحت ضدي .. خنتني خانك مع الدنيا نصيبك
يا قليل الخاتمه لو كنت قدي .. ما جفيتك لين حتى بان عيبك
كنت اجامل واختبر سدك وسدي .. وانت يا المغرور تحسبني حبيبك
ان كان مرواحك زعل مرواح جدي .. تزعل وترضى محدٍ دري بك
.......................
لا تحسوبي كل ما غنيت طربان .. انا بحالٍ يعلم الله سببها
ازعج بعالي الصوت من دون حسبان .. والناس ما تدري عن اللي حرقها
ليت دمعي اللي سال ما جاه ما جان .. يقول شادي بالطرب وكتبها
الناس ما تدري عن كان ما كان .. ماتعرف الا ما ظهر في جسدها
كواني المحبوب من غير نيران .. حرّق معاليق الحشا ثم سلبها
يا ويل جسمٍ بالهوى طاح مرضان .. ماله مقيمٍ غير ربٍ خلقها
وراني الحرمان اشكال والوان .. واصبر واقول الله علينا كتبها
.......................
لا تخبره عني ترى ما بي خلاف ** شيٍ بسيط ولا على الحال خوف
مابيه يتكدر بال مجمول الاوصاف ** ولا بيه لاحزان الضماير يشوف
قلبي عليه اذا حصل شي ينلاف ** لو بالسماء مخضرات الجروف
يا رايحٍ يمه ترى القلب ميلاف ** عطه الصحيح بصادقات الحلوف
واذا سألك وقال وش به ما ينشاف ** قل دون وصلك امنعنه ظروف
ماهو على كيفه له الوقت وقّاف ** حداه عن شوفك الزمان الكسوف
.........................
لا تسئ الظن مالي عن هواك .. مستحيل انساك وانسى اللسي جرى
صحح الغطات من سيره غلاك .. الهوى ماهو يباع ويشترى
وقلبي المخطور ما يقوى جفاك .. ذكريات الحب ترجع به ورى
انت الغالي وكم لي في رجاك .. طالت المده وجرحي ما برى
اسال العينين وش زد عناك .. جسمي الناحل حاله ما برى
لو ردع قلبك وصفّق في حشاك .. مثل قلبي كان يا خلي ترى
حادي الاشواق لو مثلي حداك .. طاري الفرقا بقلبك ما طرى
..........................
لا تسبق الاحداث ما فيه داعي .. اني معاك ابدأ حياهٍ جديده
طويت من بحر الرجاء بك شراعي .. النفس طابت وافعل اللى تريده
اخلصت في حبك جميع المساعي .. خايف آسى الماضي لنا يستعيده
يوم اني احبك حكمت بضياعي .. لقيت في بعدك حياهٍ سعيده
وشلون تجرحني وعيني تراعي .. وان صحت جرحي من عذابك تزيده
ما هان حتى يا مقفي وداعي .. دموع الشره من فوق خدي بديده
فيما ما مضى خله يفيدك خداعي .. جفاك في نفسي تزايد رصيده
.........................
لا تحسب اني على هجرك بكيت .. لو يطوف الوقت ما همني جفاك
رح مع الايام حقق ما نويت .. ما حسبت حساب صدك من رداك
لا تعاتبني بلا ذنبٍ جنيت .. لوعة المشتاق للعاشق هلاك
دام انا محروم ما يوم اهتنيت .. جدد الحرمان جرحك ما كفاك
خلني محروم رح مع من هويت .. ضاع عمري ضاع كله في رجاك
والنهايه منك والله ما هقيت .. يوم طاوعت الواشي وخلتني وراك
............................
لاتكابر غلطتي يانور عيني ** انظر دموع الندم تغفر خطايه
مالها داعي تروح وماتجيني ** غلطتي زلّت وعذري لك كفايه
غير عذري عزه النفس تحديني ** نفسي اللي ماتجي يوم بهوايه
ماتطيع اكتب خضوعي في جبيني ** ياهوى بالي لو طوّل عنايه
قلت لك آسف وما بينك وبيني ** حسبك الله بوستك تسوى حكايه
ان وفيت بمطلبي حيثك ضنيني ** وان جفيت ربنا يجبر عزايه
..........................
لا تكلمني ولا تسأل على ** انسني وانساك يومٍ بعد يوم
من صدودك يا حبيبي ما على ** خلّني من عالم العطف محروم
كنت غالي عندي اغلى من اهلي ** ويوم خنت العهد مالي بك لزوم
عايشٍ يازين مابين شمسٍ وفي ** ما بقى الا ذكرياتٍ ماتدوم
انسني وانساك ما دمت حي ** واعتبر ما صار حلمٍ من الحلوم
ما خبر قصرت في شيٍ تبي ** الوصال ابعد عليك من النجوم
........................
لا تنشدوني وش بلاي اتعبر .. محدٍ بكى الا فيه شيٍ يبكيه
طوّل علي الوقت وانا اتصبر .. حسبي على ذا الوقت زايد تحديه
يا ناس كل شي في حياتي تغير .. الا الطرب ما قدرت اهده واخليه
واقول خلوني مع الحب الاقشر .. لا خير في شخصٍ تنكر لماضيه
يا بو محمد خاطرك وان تكدر .. يضيق صدري والسبب لا تخفيه
اطلب تدلل حالفٍ ما تعذر .. لو هي حياتي قلت والله تفديه
..................
لا توصفوني وصفكم زاد بلواي .. لا صار ما تدرون وش هو بلايه
وصف الدواء للي بخيصٍ بشكواي .. يعرف سبب جرحي ويعرف دوايه
جيت الطبيب وقال وش لون وازاي .. ازاي ما قدمت فيني شكايه
قلت اسعفن هذا ادعّاي ودعواي .. وهذي قصه بدايتي والنهايه
قال المرض كايد ولا ادري وش الرأي .. وايضا ولاني به كثير الدرايه
واقفيت من عنده على الهون بخطاي .. اسوق رجلي يمّ نيه هوايه
هواي همّي وبلاي ومناي .. شوفه دواء روحي وبعده عنايه
افرح بشوفه فرحه الكبد بالماي .. واحلامي الحلوه بطيفه هنايه
عثوجهٍ شقره تنثنّي تثنّاي .. علي الردوف اللي زهن العبايه
كلامه احلى من نغم صافي الناي .. مع عازفٍ يطرب على عزف نايه
ما اظن قلبي له مدى العمر نسّاي .. الله هداني في غرامه هدايه
....................
لا لا تظلم كم على الارض مظلوم .. انسى الهموم وخل نفسك رضيّه
وصلني المكتوب في ظروف واختوم .. واسمك وعنوانك رموزٍ خفيّه
حللتها في جمله احروف وارقوم .. ورتّبتها بالاحرف الابجديّه
كان اول اسمك نون واخره معلوم .. شرّفتنا يا راعي السالميّه
جتني وانا فالبيت حاير ومهموم .. فرحت فيها كانت احسن هديّه
خل امس واشرحلي عن احوالك اليوم .. وبكره على الله يا رهيف الثنيّه
مشتني الدنيا على خط مرسوم .. امشي بدون ارضاي غصبٍ عليّه
اصبر عسى لك بالصبر خير مقسوم .. يحلها يا زين رب البريّه
..........................
لا لا تقول انك معذب ومحروم ** ترى المعذب قلبي اللى كويته
انت عيونك دايماُ تعرف النوم ** قلبك مع غيري قطوعك عطيته
مالك بنا رغبه ولا انت ملزوم ** الله واكبر ويش ذنبٍ جنيته
يا ما زعمت انك لنا دايم الدوم ** لكن طبوعك نقّضن ما حكيته
العام تغليني وترخصني اليوم ** ذا مستحيل انساه كانك نسيته
نقضت عهدٍ بيننا كان مبروم ** عهدٍ على نفسك بنفسك خذيته
تلعب على الحبلين وتقول مظلوم ** هذي نهايه دربك اللى مشيته
ظلمك على نفسك وتلحقني اللوم ** يا حسرتي وقتٍ بحبك قضيته
خلاص لاترجع ترى الحب معدوم ** خلك مع اللى بعتنا واشتريته
.....................
لا لا تكدر ما غاب عنك لو يوم .. وشلون ابسلى عنك يا نور عيني
مابيك تشكي من عنى الوقت مظلوم .. ما دمت حي لو تطول السنيني
ما اطيع مسمع بك اهل الغدل واللوم .. لو طالت الايام بينك وبيني
لي غبت ساعه ما يجي عيني النوم .. واجحد عن الغدال جرحي يبيني
ابادلك حبي ودا شي مفهوم .. مالك شريك ولا اسمع العاذليني
محدٍ يردك لا حشى منت مليوم .. افعل على ما جاد لك يا ضنيني
حبك سكن يا غايتي دايم الدوم .. وسط الضماير وسط قلبي مكيني
............
لا واعذابك يا فهد .. خلك نوى الصد وابتعد
خلّي فؤادك يحترق .. من حر لوعات الفراق
الدمع من عيني ذرف .. والقلب من بعده تلف
والسر اصبح منكسف .. من حر لوعات الفراق
يا ليت ما كان الهوى .. او ما عرفنا ما نوى
الامر من شان قوى .. من حر لوعات الفراق
يا سعد منهو مستريح .. ولا تولّع بالمليح
ماهو بمثل اللي جريح .. من حر لوعات الفراق
يا ناس شيروا على الحبيب .. يطب حال المستطيب
انا علي شانه عطيب .. من حر لوعات الفراق
..................
لا وا هني طيورها في عششها .. ما قسّمت رزقه على الدين والكاس
تتبع هوى نفسه على كل مشها .. ما تشوف ما تكره وتغضي بالارماش
محدٍ يرد النفس حزّه عطشها .. لو طال عمره بعزّه النفس ما عاش
نصيحني من زرع قلبي حششها .. للي بصدره من هموم الدهر حاش
النفس لي منّه بهمٍ نهشها .. لي جا لها من جاير الوقت نهّاش
خله بصدرك لو ضلوعك عرشها .. لا تشتك اوجاع الضماير على اللاش
الايام تمضي بيدنها في ريشها .. تمضي وحنّا بين نافخ وخشّاش
ناسٍ على ناسٍ تنفّخ خششها .. واشوف شيبانٍ تزّعل علي ماش
الشر له ناسٍ تمشّط شوشها .. يلولشون بطاري الشر لولاش
..................
لم ترفع الشكوى لمن تشكي النوى .. لم تبدي الاسرار بين الخلايقي
عرفت الهوى جاهل وعذبني الهوى .. وجد الهوى حسره لنار المفاريقي
كرهت الهوى ما شفت لاهل الهوى داواء .. جو واشتكوا في غربها والمشاريقي
الا يا عنى حالي من الضيق والجوى .. انا شب في قلبي لهيب الحراييقي
مسكين من مثلي على الصبر ما قوى .. تحملت انا حملٍ ما تشيله عواتيقي
..............
للناس طبعٍ يفرقون الولايف .. وش في يدي منك افرقونا غصيبه
عز الله اني لو تصبرت خايف .. الناي ما خلّوا حبيب وحبيبه
خلّوا دموعي فوق خدي ذرايف .. والهم في قلبي يجي ويغدي به
وش انت يا المجمول بالوضع شايف .. فرقاك لو اجحد علينا صعيبه
حذّرت قلبي بالبكى والحسايف .. وجروح قلبي من فراقك عطيبه
عرّضت عيني للشقا والكلايف .. حتى المنام العين ما تهتني به
................
لو كل من صاح حصّل ما يريد .. بكيت انا الليل كله والنهار
بس البكى للمولع ما يفيد .. لو صاح من دون فكرٍ واختيار
قريب عندي ولكنه بعيد .. قريب في ناظري وبعيد دار
احب اقول لاهل الهوى شيٍ اكيد .. احب اقول ان الهوى جنه ونار
..............
لو يودك ود مثل اللي اودك .. خالك وعمك وابوك وجد جدك
كان في يسارك حطوا عرش كسرى .. وفي يمينك حطوا الدينا بيدك
ويش ذنبي كل ما قد ضاع قلبي .. والتفت وقلت وين يصير عندك
انت ياللي ما رعيت احساس روحي .. وما عرفت الحب لو لحظه بودك
جرّب النيّه واعرف بالتجارب .. كيف ودي كان وفاء وكيف ودك
ليه ياللي عشت في دنيا خيالك .. لا حشى وصلك طريقه غير صدك
كنت احبك غصب عني كنت احبك .. وافدى حياتي على شان خطوط ردك
لكن اني عقب هذيك الليالي .. عارفك بالحيل وشهو هزلك وجدك
................
لي ضوى الليل عيني تنظر لك صباح .. ولي بدأ النور ضاعت حيلتي وين اروح
ما اخبر يوم قلبي من عناه استراح .. منشغل خاطري والقلب كله جروح
اشتكى الجار منّي من ونين ونياح .. نوح قلبي كما طير الموده ينوح
لو درى وش جرالي كان مثلي وباح .. خالي القلب ما فارق حبيبٍ مزوح
طار قلبي والعبت به هبوب الريح .. طار في ساقه اللي راح عني طموح
آه انا واعذابي من زعيم الملاح .. نيّته بيعذبني وانا له نصوح
يا عذولي ترى مالك بعذلي صلاح .. اترك اللي تولع في سبيله يروح
لو تعذلون ما اسمع لو تصيّح صياح .. اسهم الحب تقتل وين عنها بروح
.................
لي غاب عن عينك حبيبٍ تودّه .. تحسب نجوم الليل وتمرح خلاوي
هذا وانا لي عنه يا ناس مدّه .. ما شافته عيني وقلبي شقاوي
عن جيتي ما ادري من اللي يرده .. والا بهجري ناعم العود ناوي
مسكين قلبٍ عوّد الحب ضدّه .. ما هو على قدر القهر به قاوي
هجري تعدّى مع هوى البال حدّه .. وبعده على قلبي كثير البلاوي
حبل الوصل ترخيه والا تشدّه .. انا على درب المحبه رقاوي
.................
ليّاك تبكي يا حبيبي وانا اشوف .. ولا ينكسر خاطرك مادمت انا حي
عنك ابعدتني من ردى خظي ظروف .. والا حشى من بيننا ما حصل شي
مالي بغيرك شف والقصد معروف .. هاك الفؤاد وهاك ما تملك ايدي
عليّ لا يلعب بك الشك والخوف .. وتصير مثل الشمس تبعد عن الفي
الشوق يرعى الصبابه من الجوف .. والبعد عن روض الوصل يقطع المي
اجي لكم مشتاق واروح مكسوف .. كسر الخواطر يكوي المبتلي كي
..................
ليه يا نور عيني بالجفا والصدود ** منك يا كبرها يا كيف سويتها
احسب انك تعرف الحق والا العهود **تجرح القلب ذكرياك لطريتها
المحبه لها بالضماير وقود ** ليتها ماجرت يا ناس ليتها
دوك دمعي تحدّر منك فوق الخدود ** دوك حالي براها الجفاء شف لونها
يا هوى الروح حبك بالضماير يزود ** اشهد انك تكرت الحال واشقيتها
يا وجودي على شوفتك كل الوجود ** ساعهٍ في وصالك كم تمنيتها
لا تبيّين غرامك عندي لجلك حسود .. تحسب انك تداوي العين واعميتها
.................
ما دام انا مبلي بحبك ومجبور .. اللي تولع فيك قدر ظروفه
قدر شعور مولعٍ فيك مخطور .. يضحك لسانه والبلا وسط جوفه
ومن جالسه يحسبه داله ومسرور .. والجرح في كبده ولا احدٍ يشوفه
يرجي وصالك قد له ايام وشهور .. جد له بوصلك كان عندك مروفه
ارحم حزينٍ من سبايبك مقهور .. يسهر من اسبابك يفرّك كفوفه
منك الحسى كنّه على حر دافور .. اللي اليا قفّى تتله ردوفه
حبك على امرٍ مقدّر ومامور .. وعيني بصافي الدمع لجلك ذروفه
قلبي تسرّع لين حبك على الفور .. ما فات مالت ولا تفيد الحسوفه
....................
ما دامني في خير واحبابي بخير .. كل الامور تهون مهما تعسرت
خل القوافل في مراحلها تسير .. ان بكرّت بدروبها والا سرت
شفي معك يا لابس الثوب الحرير .. لكن ظروفي يا حياتي قصرت
يا صداق الاحساس يا صافي الضمير .. القاك بكره والليالي نوّرت
صبرك على الايام قد راح الكثير .. والشمس طلعت والامور تيسرت
والموعد القادم على جال الغدير .. والجو هادي والعواذل ما درت
والله لو ان الدرب يا سيدي قصير .. لجيك ما اقول الظروف تعذرت
...................
ما على الدنيا وما فيها حسوفه .. كل شيٍ فانى ووجه الله باقي
الحبيب اللي رحل ودي اشوفه .. عيدي الثالث ترى يوم التلاقي
كان نفسه قاسيه نفسي عطوفه .. ابتعد عنّي وانا زايد اشتياقي
قطّعت شريان قلبي من سيوفه .. من بعد شريان قلبي ويش باقي
مع غيوب الشمس ودّع في كفوفه .. وانتهى اللي بيننا صار الفراقي
ابتعد مني وانا قلبي يلوفه .. العشير اللي فراقه ما يطاقي
ليت ذاك الخل وضّح لي ظروفه .. كان قلبي ما احترق منه احتراقي
.................
ما عندي اعصاب تتحمل .. اكثر من اللي تحملته
ان كان برضاك قد كمل .. وان كان برضاك كملته
ان قلت مرخوص تتجمل .. وانا قلت ممنوع كبلته
اعمل على ما تريد اعمل .. غيرك ترى ما توسلته
خدامك اللي يطيعك مل .. يا سيدي كيف عاملته
...........
ما غيرك احدٍ كوى قلبي .. واصبر واخليك تكويني
لو قالوا الناس تلعب بي .. لعبك بلا شك مرضيني
وافاني الصبح في دربي .. وسلّم علي داعج العيني
ميزان رجواك يرجح بي .. يا سيد كل المزاييني
الله يسامحك تضحك بي .. وشوفك صعيبٍ على عيني
من الشرقي والا من الغربي .. ما اظن احدٍ يسليني
الميم والنون طبي .. وداوي ليته يداويني
..............
يا عزوتي ما كان هذا العشم فيك .. غيّرت رايك بعد الاخلاص وش جاك
والله لو تنسى فلاني بناسيك .. يا كيف بنسى عشره العمر وياك
اصحى الغضب يا قّره العين يعميك .. لا تحسب اني بالبطى قصدي اجفاك
لو بعتني فأنا على على الناس شاريك .. واسوق رجلي لو تعنّي لمسعاك
الحب بلوه لا تقولون وش فيك .. حكمه ولو جار ما منه فكّاك
يا زين لي مريت بالخير امسيك .. ويطيب للنفس الجفا من جفاياك
......................
ما كنت اضنك يا بعد روحي تخون ** تنسى غرامٍ دام يازين عامين
عطيتك السد الذي كان مخزون ** غرت ليالي ما ضيه يا داعج العين
ماترحم اللي في محبتك مجنون ** يرخص حياته لجل خاطرك يا زين
لاتدّعي بالحب وتقول مفتون ** حنّا بما تخفيه يازين دارين
ممشاى لك عجلٍ وممشاك بالهون ** تزداد بالقسوه وانا ازدادب اللين
تقسى للي من سبايبك محزون ** تقسى حياته والخلايق مريحين
ضاع الوفاء وانا احسب الود مصيون ** حتى سمعت بهرجتك عند الأدنين
بعت الغلى واصبحت يازين مديون ** وارخصت نفسك عند ناسٍ عزيزين
في لحظهٍ ضاع الأمل وسط هالكون ** راح الوفاء ما باقي إلا عناوين
كنت احسب ان الحب يا شوق مضمون ** وسلمت لك نفسي وعندي براهين
لو كان قلبي بأول الوقت مطعون ** تبرى جروح القلب لو تنزف سنين
بنساك يا خاين لو كنت مزيون ** من باعنا بعناه من دون تثمين
.........................
ما للهولى عندك وشرواك قيمه .. يومٍ معي واليوم الآخر مع فلان
خسران منهو بالموده نديمه .. مثلك يا ابو وجهين شرواك خسران
حسبك ولي العرش فعلك ظليمه .. تستاهل نسميك ونقول خوان
فرقا الولايف والمفارق جريمه .. يا اهل الهوى سوّبي ارجوكم احسان
............................
يا زين ما للود عندك معزّه .. ايضا ولا للصد عندك تفاسير
مسكينٍ قلبي بالمود تلزّه .. دمرن حالي يا هوى بالبال تدمير
حرام مثلي بالهوى تسنفزّه .. قدّر هوانا اريش العين تقدير
يا غايتي ومناي في كل حزّه .. يا سيدي يا سيد كل الغنادير
قلبي فراقك يا ضنيني يحزّه .. واصبر على فرقاك وارصى المخاسير
ما جا من الله يا الحبيّب نعزّه .. راضي بما جاني ولا فيه تقصير
............................
ما يفيد التوجّد والبكى والقصايد .. يا فهد صرت مثلك بالجزيره وحيد
يا هوى البال قلبي ما بقى له شرايد .. من عذابك تقطّع بين نار وحديد
ضاع وقتي معاهم بين ناقص وزايد .. بين ناقص وزايد يافهد بي لهيد
مابي العشره اللي بس هم ولهايد .. عشره الهم ذلي يا فهد ما تفيد
ليش لي جيت اشوفك قلت ذا شي كايد .. ليش ذا شي كايد يا غضيض النهيد
وش يفيد المراسل بالصحف والجرايد .. وش يفيد المراسك وانت عني بعيد
..............................
والله ما بعتك ولا هو بمعقول .. ابيع ماضينا على شان كلمه
متّر هواك القلب بالعرض والطول .. وعدّاني حدود المحبخ بسلمه
حلال يومينٍ ثلانين مرسلو .. ارسلتها لك لاشك مافيك رحمه
والقلب غيرك ماتولع بمجمول .. حبك على يا زين مقسوم قسمه
انت امام الله لي مت مسؤول .. من يظلم الوالي يحمله ظلمه
عزي لقلبٍ ما بين عاذل ومعذول .. عزي لجسمٍ ناحل نسف دمّه
انا معك بالحب امشي على أصول .. في نو بدرٍ باديٍ في وسط ظلمه
اعاشرك ما اسمع اهل القيل والقول .. اكذب الواشي اليا جاب علمه
..............................
ماعندي اعصاب لا شفتك ** امسك شعوري امام الناس
يا باهي الخد والفتك ** اصغي لهرجك بكل احساس
على هوى البال بايعتك ** اشريك يابو عيون نعاس
ملكت قلبي ووادعتك ** راعي الهوى لو صبر حساس
مكتوب واليوم فارقتك ** اخاف من حبنا ينحاس
ان كان لي حظ نادمتك ** لو ساعهٍ بالعمر لا باس
..............................
يا زين مالك حق تزعل عليّه ** مشكلتني مشكله مالها حل
تزعل وانا ماجاك مني خطيّه ** وش جاك مني ياهوي البال تزعل
يازين خف من والي العرش فيّه ** وصلك دواء لي وانت يازين تبخل
ابغا الوفاء منك وحقك عليّه ** ابغاك مهما يا حبيبي تدلل
حبك مكن بالقلب غصبٍ عليّه ** اكثر من اللى في خيالك تخيّل
انت الذي من بدّت الناس ليّه ** اغلى حبيب ولا على غيرك اسأل
مفروض من يغليك تطلب مجيّه ** لو ما عنا لك تمد حبل المواصل
..........................
محبه من طرف واحد نسمّيها .. محبة اللي فرض حبه وهو سالي
لو المحبه تباع لمن وقع فيها .. لعوّض الهجر والحرمان بالمالي
واصير انا فارس احلامها وامانيها .. واجي على بالها يوم اشغلت بالي
روحي ورحه بروح الحب نحييهت .. والقلب واحد وله حاله ولي حالي
الهجر يا اهل المحبه موت راعيها .. والحب ما يموت بالحرمان لو طاللي
خمايل الحب بالاحلام نسقيها .. احلامي اللي تجسّد بطيفه الغالي
..............................
مخطور رد النظر لي .. قلبي كثيره جراحه
صبرت ولا قرّبت لي .. ما شفت بالصبر راحه
قلبي على نار مصلي .. ميه بميه نجاحه
الصبر ماله محلي .. والصدر مابه مساحه
مجبور انا فيك مبلي .. الحب ما اقدر كفاحه
هويت غيري فقلي .. ارجوك قول الصراحه
والا تبارد بوصلي .. اسيرك اطلق سراحه
لا يا بعد كل من لي .. اخطيت ومنك السماحه
.............................
اهلاً هلا يا قرّه العين .. شوفك ربيع القلب ومناه
اتلى الخبر به يوم الاثنين .. هو الرجا عزاه عزاه
يا صاحبي يا كامل الزين .. عنك الغزى والصبر مقواه
ضحكة غلا تسوى ملايين .. والقلب له ربه ومنشاه
من حب مكقرون الحجاجين .. يشيل قلبه داه في رداه
ياللي تلومون المحبين .. يا ويلكم يا ناس ويلاه
مخطين يا العذال مخطين .. حتى هوى قلبي بدنياه
يا رب تجمع شمل غالين .. بعض العرب يا شين فرقاه
ناسٍ على قلبي عزيزين .. القرب عقب البعد محلاه
الناس كل الناس دارين .. ان الهوى هذي سواياه
اما اهتنيت بداعج العين .. والا طريق مقيط ورشاه
.............................
مشينا بدنيانا خذنا وخلينا .. طويله عريضه مالها اول ولا تالي
نسافر لمستقبل جهولٍ يمنّينا .. وماضٍ تشد القلب ذكراه بحبالي
ولا يندرى يدر القدر وين ترمينا .. على رجم قصير والا من النايف العالي
ولا فيه يا عالم بشر واحدٍ فينا .. طول العمر كله مهتني دالهٍ سالي
ولا يعرف اولنا عن اخبار تالينا .. كلٍ يقول اللهم اسالك عن حالي
ولا بر يشبعنا ولا بحر يروينا .. لكن سماء الله بيننا والسماء خالي
سافر بدنيا مبحره مالها مينا .. من اوفي حسابه طوّت به على الجالي
نبي ننهني الدنيا والاقدار تنهينا .. الاعمار رهن الموت قطّاف الانجالي
............................
مضالي عنك ايام وليالي .. اعد مواصلك ساعه بساعه
حزين الطرف ما يرتاح بالي .. عليل القلب من جور الولاعه
عليك الدمع فوق الخد سالي .. يغطي جفن عيني باندفاعه
وانا ما اسمع لو طال الجفا لي .. ولا لي غير محبوبي طماعه
الا يا عاذلي مالك ومالي .. انا قلبي فراقه ما استطاعه
متى تسمح وتسرع في وصالي .. تفّرح خاطري لو ربع ساعه
..............................
مع الاسف عشرتك طارت مع الريح .. بايع ضميره مثل شرواك اعافه
لولا الحياء لا اشقق الجيب واصيح .. وافضحك عند الله وخلقه كشافه
ما شفت من حبك لنفسي مصاليح .. الا العنا والهم وزود الكسافه
لو ان حبك جرّح القلب تجريح .. عفتك ودور لك عشيرٍ وصافه
لمحت لك في بادي الامر تلميح .. واثبت لي من تصرفك تافه
....................................
عزّي لقلبٍ من عنى الوقت ذايب .. من جور مابه ما يطفي لهيبه
دمعي كما وبلٍ تهل السحايب .. ابكي خفا ما جابت الورق اجيبه
يا قلبي ماهي بالحيل والنهايب .. ماهي بريره من قريب لقريبه
لو تشتكي خطوك وما قيل صايب .. مصيبتك يا قلب ماهي غريبه
الحب مثل السهم مخطي وصايب .. احدٍ عداه السهم واحدٍ يصيبه
شف ذا شباب وراسه اليوم شايب .. وهذا في وقت الشيب ما فيه شيبه
نرجي الذي بامره نهب الهبايب .. جزل العطايا من خلق يعتني به
.................................
من منطلق حبي لك العام واليوم ** لاتحرق اوراق الغلى وانت غالي
إحفظ بقايا ما بقى واترك اللوم ** واصبر وابصبر والله اعلم بحالي
امرٍ مدبر يا حبيبي ومقسوم ** شربت كاسه بين مرٍ وحالي
حبك سرق من ناظري لذّه النوم ** سرق الخجل عينٍ هدبها حكى لي
خليتني مكسور خاطر ومهموم ** خسارتي بالحب من راس مالي
عليك يا ظالم شكى الظلم مظلوم ** منك اشتكي لك بالهوى ما جرالي
عساى ما اقضي تالي العمر محروم ** من شوفتي لك عقب ذاك الغلى لي
....................................
نفسي عزيزه ومن تعزّز عليّه .. عزيت نفسي عنه والقلب اعزيّه
والله ما اهين النفس انا لا وزيّه .. ومن زعل وما ازعلته فلا والله ارضيه
من عاذلي ماجاه مني خطيّه .. والله لعافه مهما بغى الله يسويه
الصاحب اللي طاوع الناس فيّه .. وانا ما طاوعتهم علي قولهم فيه
طاوع بي العذّال وانحى نحيّه .. وراى ما اسوي سواته وجازيه
غيره من اهل الزين والجاذبيّه .. لغتّر بزينه فزينه نخليه
ما دام حب قلوبنا بالسويه .. هذي حلاه الحب والا فلا ابيه
يحلّها الحلاّل رب البريّه .. سلطان في ملكه ولا احدٍ يماريه
يرغب مجيّي مثل ما ارغب مجيّه .. هرجه يسّليني وهرجي يسلّيه
يالله لا تحرم هوي من هويّه .. وانك تهنّي كل غالي بغاليه
واعطيه رمز الحب قلبي هديه .. ما دام قلبه بالمحبه عطانيه
............................
نهايه عذاب الحب واتلى حكاياته ** وضعنا الحدود الفاصله يا معذبنا
وقلبٍ جرحته الين كثرت علاته ** ترى الله على تعذيب الانفس يحاسبنا
صبرنا كثير وكل شي في دكاته ** ترى اللى تجيبه قوه اليد يعجبنا
انا حبك المغشوش بحرق ملفاته ** الايام تثبت لك لو انك مكذبنا
حبك نزل عندي ونزلت راياته ** ولاني خايف من جنابك تحاسبنا
ولو عندك الاسطول وتملك معاداته ** ونزلت قواتك وتبغا تحاربنا
بقول انا اتحدث والنفس مواته ** حياه الشرف والا على عز تذبحنا
.........................
نور عيني يذكّر بالبديعه .. ليتني ماعرفته كان سالي
صافي اللون وعيونه وسيعه .. صابني يا هلي عزي لحالي
جيت احاكيه ليه نفسه رفيعه .. يفتخر ويتحدى ما يبالي
ليته اليوم يامرني واطيعه .. مستوى صاحبي يا ناس عالي
..........................
هذا الدهر ما فيه وافي وصاحب ** حتى الصديق اللي تعزه يخونك
وعزيزك اللي قلت له يا مراحب ** ضحّيت له وارخصت لجله عيونك
امسٍ معك يعرف جميع المذاهب ** يوم السعه تلقاه مثلك ولونك
واذا بغيته قالوا الناس غايب ** في ساعه الشّده يخيّب ضنونك
.........................
صديقي اللي يوم اضيق يتضايق ** اللي يشاركني همومي وضيقي
يحاول اسعادي بشتى الطرايق ** يشيل كل شي واقفٍ في طريقي
يبذل جهوده ماتعيقه عوايق ** مهما حصل له في سبيلي يطيقي
هذا الصديق اللي له الاسم لايق ** رمز الوفاء من معدن اصلي حقيقي
اما صديقي بس لي صرت رايق ** ما يستحق انه يسمى صديقي
............................
هذي مفاتيح حبي واحكم ما طارى لك .. ومن خضع لك وسلم ما نويت الوفاء له
احرقني القيد فقكه يا عشيري دخيلك .. ومن بلاع الولي في حبكم عزتي له
مرهٍ في حياتي عقبها النفس هي لك .. افعل الخير فيني وانت راعي الجميله
تتعب النفس رجلي في هواكم واجي لك .. وكل شهر اترقب واتحرى هلاله
ليت منهو على الموتر يمل ويشيلك .. وقبلنا قيس خله من بلاده عناله
يا دلع ارحم اللي بالهوى يستميلك .. حبنا صافيٍ ماهو بحب الجهال
لولا الغلا والمحبه كان اخلّي سبيلك .. واعزي القلب ينسى من الغلا ما جراله
............................
هنيكم يا اهل القلوب المريحه .. وانا اجحد العبرات واصبر على الجور
امشي مع العالم بروحٍ جريحه .. والناس تحسبني هادي ومسرور
قلبي عنيد وما يطيع النصيحه .. والزين ناسيني وانا فيه مجبور
اركت على قلبي وهي مستريحه .. تسعد بدنياها وانا مثل مسحور
عطتني عهود المحبه صريحه .. ومن دون سبّه تنقض العهد وتبور
خاب الامل فيها وبانت شحيحه .. مسكين يا قلبٍ ما كان مغرور
..........................
هنيكم ياللي تنامون بالليل .. اكيد ما تطري عليكم طواري
وانا من الايام شفت الغرابيك .. عفت المنام وصار ليلي نهاري
لولا الرجى واتني ليالٍ مقابيل .. والله ما يجري من الهم جاري
انا اشهد ان الهم سم الرجاجيل .. يعمي العيون ويودع الجسم باري
واقول ياللي تعذلوني مهابيل .. ما فيكم اللي عن شقى الحال داري
............................
وا عذابي من هوى خلٍ عنيد .. قاسيٍ قلبه وقلبي ما نساه
صد عني وابتعد عني بعيد .. وا عنى قلبٍ يحبه وا عناه
طالت الفرقا ونيراني تزيد .. ليت منهو يدري حبيبه وش بلاه
ما جداي الا اتوجد والنهيد .. كاسيٍ قلبي غرامه عزتاه
تايهٍ فكري والرأي السديد .. والهوى مذكور من قبلي شقاه
من وطاه الحب ما حظه سعيد .. ما سمعنا واحدٍ تهنى في هواه
اتحسر والحساير ما تفيد .. عزتي للي طريقي قد مشاه
............................
والله اني واثقٍ من نور عيني .. من عذلني عنه والله ما اسمعه
خافيٍ حبه بقلبي ما يبيني .. ذكريات الحب عندي ترفعه
ما يصير ارخص حبيبٍ مشتريني .. حافظٍ عهد الهوى ما ضيّعه
ادري انه غاب لكن ما نسيني .. يا عواذل حجّه الغايب معه
حالوا الحساد ما بينه وبيني .. عن وصالي في شيٍ يمنعه
انتظر واصبر وعسى ربي يعيني .. شملنا يا ليت ربي يجمعه
ما يخفف شوق قلبي والحنيني .. غير منهو له عيون مبرقعه
.............................
واعديني كان ودك نلتقي ** الهوى محلاه لا صار اجتماع
عوضي مافاتنا باللي بقي ** لا يروح العمر كله في ضياع
شوفتي لك هي منى القلب الشقي ** يشهد الله ما احتمل عنك انقطاع
ارحميني يا حياتي وافقي ** انقذي المخطور قدر المستطاع
قلي متي شمسك علينا تشرقي ** ونجتمع وياك يا زين الطباع
..........................
والله ما ادري ويش اقول .. ومن ابدأ بالعتاب
خايف من الهرجه تطول .. بين الخطأ وبين الصواب
واضيع في درب الصواب .. ويضيع عمري والشباب
ابي اتوصل للحلول .. انتا على القرب العذاب
خلفت ما اطيع العذول .. ولا يحصل له جواب
وما ارسل لمحبوبي رسول .. اخاف يقرأ ذا الكتاب
واقفله بقوى القفول واقول طاب الجرح طاب
....................
والله ما بعتك ولا هو بمعقول .. ابيع ماضينا على شان كلمه
متّر هواك القلب بالعرض والطول .. وعدّاني حدود المحبه بسلمه
خلال يومين ثلاثين مرسول .. ارسلتها لك لا شك ما فيك رحمه
والقلب غيرك ما تولّع بمجمول .. حبك علي يا زين مكتوب قسمه
انت اما الله لي ميت مسؤول .. ومن يظلم الوالي يحملّه ظلمه
عزّي لقلبٍ بين عاذل ومعذول .. عزّي لجسمٍ ناحلٍ نسف دمه
انا معك بالحب امشي على اصول .. في نور بدرٍ باديٍ وسط ظلمه
اعاشرك ما اسمع اهل القيل والقول .. اكذّب الواشي ليا جاب علمه
........................
والله ما برت بك بس انت يا الغالي .. نويت بالصد تجرحني وتشقيني
ماهو بحقٍ منك تصدق هرج عذالي .. صدقت كذبه عدولٍ قالها فيني
نتم اتعذب وقلبك دالهٍ سالي .. الله حسيبك جرحت القلب جرحيني
ما ادري عن العيس بعدك كيف يهنالي .. ما دام صوره خيالك دايمه بعيني
..................
والله يا كثر همي .. من شانك يا عود القنا
ودي تلتفت يمي .. لجل انه يزول العنا
ورد الخد ينشمي .. واسمح لي بقطف الجنا
من فمك الي فمي .. والمطلوب هو قصدنا
يا سيدي ويا عمي .. وش ذنبي وش سويت انا
يا زين قل تمي .. ما للقلب عنكم غنا
واهل المدح والذمي .. ما يدرون وش عندنا
....................
ودعتك يوم تروح عيني ذواريف .. يا ليتني ما جيت يوم الوداعي
الله خلق قلبي وقلبك مواليف .. ما للامل ما باقيٍ لي متاعي
متى على الله تنتهي هالتكاليف .. واسعد بيومٍ فيه معك اجتماعي
على الامل باقي ذكرى السواليف .. مير البلا كان الامل منك ضاعي
والله لو حطوّا على راسي السيف .. ما انساك يا راعي العيون الوساعي
لا بد من يومٍ يجي لي على الكيف .. وافل في بحر المودّه شراعي
....................
وش الذي غير مزاجك وخلاك .. تسرح مع الهاجوس يا نور عيني
مزعلك يزعلني ويرضيني ارضاك .. وانحاس ليمن شفت خاطرك شيني
ما غير انا يا قرّه العين وياك .. لا تخفي اللي بخاطرك يا ضنيني
حالي ومالي لك كله فداياك .. مملوك لك وامشي على ما تبيني
ما دام انا مملوك لك والله اعطاك .. لي بعتني من يبي يداعيك فيني
من يبي يردك عن حلالك وينهاك .. من يبي يمنعك لي تصرفت شيني
بعني ولا تقعد تفكّر بدنياك .. خذ حاجتك نقدٍ ولاهي بديني
من شان ما تحتاج هذا ولا ذاك .. وتفرح عليك اعداك والحاسديني
...................
وش الرأي في شخصٍ اذا اعتاز جاني .. وان كان ماله عازهٍ جنّب الباب
ما الوم من والف مع الناس سالي .. يلعب على الحبلين مع كل الاحباب
والله لولا العمر ماهو بفاني .. ما ارد لي سلّم سلامه لو طاب
لا يحسب الناسي غيابه كواني .. يصبر عينا الحي لي سافر وغاب
ما عاد له بوسط قلبي مكاني .. الغادر الخدّاع ما احسب له حساب
عزّاه من حظٍ بحبه رماني .. اعتب على حظٍ جمعني بكذاب
انا كان يا حظي تريد امتحاني .. فلا النجاح بخاطري ماني بطلاّب
واندم على تصريف حكم الزماني .. اللي رماني به وكل شي له اسباب
واندم علي اللحظات هي والثواني .. معه انتقظت بالحب والحب غلاّب
........................ يتبع --------------------------------

جـغـآغـه غير متواجد حالياً  
قديم 10-04-2007, 01:00 AM  رقم المشاركة : 3
الصورة الرمزية جـغـآغـه
تاريخ التسجيل: 22 / 12 / 2006
رقم العضوية : 18476
المشاركات: 358
بمعدل : 0.12 يومياً
عدد النقاط :   50
 

جـغـآغـه يستحق التميز

افتراضي




دام انا وياك نمشي بالاصول ** مالنا في هرجة الواشي طرف
الثقه بيني وبينك ما تزول ** ثابتٍ حبي وحبك ما انحرف
يا بعد عمري عسى عمرك يطول ** ما اخبر قلبي لغيرك اعترف
انت لي يا راعي الطرف الخجول ** لامني في عشرتك من لا عرف
........................
وش جابني لك يمكم وداني .. وش جابني لولا غلاك الداعي
لولا الغلا ما جيت انا لك عاني .. ولا هز قلبي من غلاك اضلاعي
لو تعلم ان الهجر منك اشقاني .. ما عاد لك نومك وانا اسهر واعي
درت ومشيت وكم شفت الواني .. ما شفت مثلك بالهوى خداعي
وش غيرك تنسى زمانٍ كاني .. تومي بعينك عنّنا ما تراعي
هديت قصر الحب وةانت الباني .. وصرت لكلام عداينا مطواعي
اهديت لك قلبي وصرت الجاني .. وعاهدكم بالله يا خداعي
......................
وش صار يازين الحلايا تغليت ** ان كان الخطأ مني بقول اعتذاري
وانا كان الخطأ منكم تراني تناسيت ** بطوي سجل الحب واصدر قراري
وان كان من عاذلي بالهرج حنيت ** إعرف ترى درب المهالك شعاري
على صدودك ياهوى البال هديت ** جسرٍ على ساس المحبه جداري
من صدك وجورك يامنى الروح ونيت ** ونة حزين الشوق بطول انتظاري
ابكي على فرقاك دمعات هليت ** وانت السبب لاشك ماهو باختياري
......................
وش يمنع اني عفت حبك وطاريك .. ذكراك ما تنفع وانا خاطري طاب
من عقب ما قلبي يحبك ويغليك .. لكن غلاك بين الزعل والرضا ذاب
مانبي بلعبه في يدينك تسليك .. عرفت دمعك يوم تبكيه كذاب
جتني همومٍ عساها تجي فيك .. وانت الذي لهموم قلبي الاسباب
خلاص عقب اليوم ما والله ارجيك .. ياللي تبيع وتشتري بملك الاحباب
اول عيوني من ولها تناجيك .. واليوم عفت الحب يا ظبي الاهداب
حاسب على نفسك والله يهنيك .. يا خالي الوجدان تلقى لي اصحاب
الغدر مثل الضل لازم يباريك .. فيك الامل بالحب يا مضيّعه خاب
........................
وقفت اودعه والعين تدمع .. ذرايف مثل هطّال السحابه
وبعد العصر حوالي الساعه اربع .. بسرعه بلأ الغالي ثيابه
واشر لي مثل قوله مودّع .. دنا وقت الرحيل احسب حسابه
وقلت ارجوك لعد اسبوع ترجع .. محبك يشتكي لك من عذابه
تمزّع قلب من تهوى تمزّع .. طواه الوجد وحطم شبابه
فراق اهل الهوى يا حلو يفجع ..ترى الفرقا من انواع الغلابه
......................
ول يا هاجسٍ يم الحبيّب سرابي .. لين وداني للمجمول في ظرف ساعه
نقّض الجرح هاجوسٍ وجدّد صوابي .. واحسب اني على فرقاه عندي شجاعه
عقب فرقاه اجامل لين بان الشقى بي .. واتصبر وقلبي زايد الشوق لاعه
الدهر لاعني وابعد حسين الشبابي .. ابعد الصاحب اللي ما نوى لي قطاعه
الدهر دايماً ضدّي مع كل بابي .. كل ماجيت مع بابٍ سعى في ضياعه
يا حبيبي فراقك زادني في عذابي .. دمع عيني عقب فرقاك زاد اندفاعه
جاك مني رساله واحتري منك جوابي .. خطكم لي وصلني عندي اغلى بضاعه
سو بي خير واكسب يا حبيبي ثوابي .. من يراعي هواكم يا اريش العين راعه
......................
آه وا ويلاه من قلبٍ عليك .. انكشف سده وبيّح ما خافاه
من سبايب واحدٍ ماله مثيل .. يسحر العشاق لي قط العباه
وان بغيت الصبر دونه مستحيل .. نور عيني بالحشا مكّن غلاه
تاه فكري تاه دربي والدليل .. ليت منهو يدري حبيبه وش بلاه
بالهوى حملي على قلبي ثقيل .. وان نهيت القلب عنّه ما سلاه
ساريٍ بالليل في دربٍ طوبل .. حايرٍ ما ادري وش آخر مداه
يعطي الشاق من كفٍ بخيل .. ومن زرع طيبٍ ما عمره جناه
آه من درب الهوى ماله عميل .. كل من يخلص يزوّد في عناه
......................
ويلاه من همٍ قضت من حالي .. صابر على جور الليالي والايام
همٍ يزحزح راسيات الجبالي .. لو حل في غيري قعد منه ما قام
عليك يا منهو شبيه الغزالي .. لاني بمديونٍ ولاني بمنظام
انوح نوح الورق مما جرالي .. واسهر اليما الصبح يازين ما نام
ليته تكرم به علينا الليالي .. ساعه ولو ما طاب للخلق مادام
يا ليت منهو شاف زوله قبالي .. من قبل ما تزور الجسد خرقه الخام
يا زين والله عنك ماني بسالي .. لا والذي نزّل تبارك والانعام
ما فيه يومٍ غبت والله عن خيالي .. كنّك بوسط العين راسمك رسّام
...
---------- شكراُ لكم وسامحونا علي القصور -----------------

جـغـآغـه غير متواجد حالياً  
قديم 10-04-2007, 01:54 AM  رقم المشاركة : 4
الصورة الرمزية قــرنــاس
تاريخ التسجيل: 28 / 4 / 2005
رقم العضوية : 4447
البــلـــد: الــريــاڞے
المشاركات: 31,045
بمعدل : 8.94 يومياً
My ID Ps3 :  استغفرالله.
My Gamer Tag:   استغفرالله.
BB PIN:   2645B720
My e-mail:   استغفرالله.
عدد النقاط :   1089133479
 

قــرنــاس محترف الابداعقــرنــاس محترف الابداعقــرنــاس محترف الابداعقــرنــاس محترف الابداعقــرنــاس محترف الابداعقــرنــاس محترف الابداعقــرنــاس محترف الابداعقــرنــاس محترف الابداعقــرنــاس محترف الابداعقــرنــاس محترف الابداعقــرنــاس محترف الابداع

إرسال رسالة عبر ICQ إلى قــرنــاس إرسال رسالة عبر AIM إلى قــرنــاس إرسال رسالة عبر Yahoo إلى قــرنــاس
افتراضي




يالبيه ثم يالبيه يا ابن سعيد!!


بس


انت شكلك من عشاق ابن سعيد اللهـ يرحمه؟؟



ومـiiiــكور يبو طخطيخ على النقل الرائع....,,,


واللهـ لايحرمنى من كل ابداعاتك على ساحه منتديات البحري.....,,,


تقبلى اللطف وإعذب مروري


قرنااS



آبوعذآبFمعجبون بهذا.

 
توقيع قــرنــاس:
.
.
.
BB: 2B4146D3
قــرنــاس غير متواجد حالياً  
قديم 10-04-2007, 04:50 AM  رقم المشاركة : 5
الصورة الرمزية انتثر لك عطر
تاريخ التسجيل: 16 / 11 / 2006
رقم العضوية : 14884
المشاركات: 995
بمعدل : 0.34 يومياً
عدد النقاط :   50
 

انتثر لك عطر يستحق التميز

افتراضي







:
:

فهد بن سعيد ( لأول مره اسمع بهذا الفنان )


( ابو طخطيخ )


شكراً لك لـ تزويدنا بهذه الكلمات


صح لسانك / لسان من كتبها ..


:

خيتك

ان ت ث ر لك عطر



:
:


 
توقيع انتثر لك عطر:
انتثر لك عطر غير متواجد حالياً  
قديم 10-04-2007, 06:42 AM  رقم المشاركة : 6
الصورة الرمزية مدرس الرجال
تاريخ التسجيل: 30 / 7 / 2006
رقم العضوية : 9988
البــلـــد: ســـديــر منبع الخيـ502ـر
المشاركات: 1,198
بمعدل : 0.40 يومياً
عدد النقاط :   32619
 

مدرس الرجال محترف الابداعمدرس الرجال محترف الابداعمدرس الرجال محترف الابداعمدرس الرجال محترف الابداعمدرس الرجال محترف الابداعمدرس الرجال محترف الابداعمدرس الرجال محترف الابداعمدرس الرجال محترف الابداعمدرس الرجال محترف الابداعمدرس الرجال محترف الابداعمدرس الرجال محترف الابداع

افتراضي




الله يرحمه ..

فهد بن سعيد تاب من الغناء .. يعني ماله داعي تجيب كلمات أغانيــه





تقبل مروري


 
توقيع مدرس الرجال:
[IMG][/IMG]
مدرس الرجال غير متواجد حالياً  
قديم 10-04-2007, 06:58 AM  رقم المشاركة : 7
الصورة الرمزية 5LNE AFKR
تاريخ التسجيل: 23 / 10 / 2005
رقم العضوية : 3744
البــلـــد: 28a1f07c
المشاركات: 4,498
بمعدل : 1.36 يومياً
عدد النقاط :   41746559
 

5LNE AFKR محترف الابداع5LNE AFKR محترف الابداع5LNE AFKR محترف الابداع5LNE AFKR محترف الابداع5LNE AFKR محترف الابداع5LNE AFKR محترف الابداع5LNE AFKR محترف الابداع5LNE AFKR محترف الابداع5LNE AFKR محترف الابداع5LNE AFKR محترف الابداع5LNE AFKR محترف الابداع

افتراضي




الله يرحمك


يـــــــا



فــ@ــد بــن ســعــيــد

5LNE AFKR غير متواجد حالياً  
قديم 10-04-2007, 07:21 AM  رقم المشاركة : 8
الصورة الرمزية أبــو فــريــح
تاريخ التسجيل: 4 / 1 / 2007
رقم العضوية : 19385
المشاركات: 4,310
بمعدل : 1.51 يومياً
BB PIN:   تعال خاص
My e-mail:   تعال خاااااص
عدد النقاط :   20914201
 

أبــو فــريــح محترف الابداعأبــو فــريــح محترف الابداعأبــو فــريــح محترف الابداعأبــو فــريــح محترف الابداعأبــو فــريــح محترف الابداعأبــو فــريــح محترف الابداعأبــو فــريــح محترف الابداعأبــو فــريــح محترف الابداعأبــو فــريــح محترف الابداعأبــو فــريــح محترف الابداعأبــو فــريــح محترف الابداع

افتراضي




الله يرحمه ..


 
توقيع أبــو فــريــح:



اشتراكك ب قناااااتي

http://www.youtube.com/user/f1sal993?feature=mhee
أبــو فــريــح غير متواجد حالياً  
قديم 10-04-2007, 11:51 PM  رقم المشاركة : 9
الصورة الرمزية جـغـآغـه
تاريخ التسجيل: 22 / 12 / 2006
رقم العضوية : 18476
المشاركات: 358
بمعدل : 0.12 يومياً
عدد النقاط :   50
 

جـغـآغـه يستحق التميز

افتراضي




شكرن علي المرور

جـغـآغـه غير متواجد حالياً  
قديم 10-04-2007, 11:57 PM  رقم المشاركة : 10
الصورة الرمزية ALMARZOQE
تاريخ التسجيل: 8 / 4 / 2007
رقم العضوية : 23978
البــلـــد: قوات الحشرج الخاصة
المشاركات: 78
بمعدل : 0.03 يومياً
عدد النقاط :   50
 

ALMARZOQE يستحق التميز

افتراضي




قديمك نديمك

ALMARZOQE غير متواجد حالياً  
موضوع مغلق

مواقع النشر (المفضلة)

جميع كلمات اغاني فهد بن سعيد



الذين يشاهدون محتوى الموضوع الآن : 14 ( الأعضاء 0 والزوار 14)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تحميل إسطوانة أناشيد أبو عمار ياسر فاروق ( تحميل جميع أناشيد وألبومات أبو عمار azooz15 الإستديو الإسلامي 11 26-03-2012 04:33 PM
سعيد بن لافي الاحمري::القصاص اليوم الثلاثاء::في ابها::تكفون يا ال محيا لــ ع ــيون البحري الاخبار وآخر الاحداث 21 14-03-2012 01:57 AM


الساعة الآن بتوقيت كنق المنتـB7ـديات: 01:54 PM.


Powered by vBulletin® Version 3.8.7
Copyright ©2000 - 2014, vBulletin Solutions, Inc.
SEO by vBSEO 3.6.0 ©2011, Crawlability, Inc.
جميع الحقوق محفوظه لشبكة البحري©