جميع كلمات اغاني فهد بن سعيد

اعدها يوم المليح نيّام مشغول قلبي دايماً فيه ضيقه
انا وقلبي من عنا الحب باوهام مطاوعٍ قلبي دموعي غريقه
قبلي كثير من الهوى طاح ما قام مجنون ليلى قبلنا نشف ريقه
اهل المحبه حالهم جلد وعظام اسال مجرّب كان تبغا الحقيقه
عسى عذولي بالهوى حكم الاعدام ويحملونه فوق ما لا يطيقه
.........................
ورنا هجرك وخلينا نشوف رح وانا بروح واعد الزمن
يوم تصدقني على حكم الظروف جاهلن واليوم عيوني تذبحن
شفتني صابرو ثنيت الكتوف تحسب اني ما قريت بكل فن
قاري قلبك على رمز الحروف وفهم اعيونك بحبي سلهمن
الهوى ماهو بطعن بالسيوف في عيون الحور سهمن يطعنن
من اول اقدامي على حيك تطوف كل ما ابطيت من يمي ابعدن
من يسوي خير يجزى بمعروف لسكنت الشام بسكن في اليمن
بيننا بالحب ظلعان وجروف لوتجي شديت وخليت الوطن
لينشوف الشمس تصفى مالكسوف مثل عصرفات وايام مظن
تلعب الشطرنج وهزات الردوف قررالاسعارقبل ان يوزنن
....................................
سواد الليل جلاب الهموم على الروح الحزينه يافهد
فقدت النوم سامرت النجوم ياروحي ماحدٍ ياوي لحد
يغيب النجم والتالي ينوم بذاك الحي بعرض البلد
اطالع ساعتي واجلس واقوم يازارعني على نار الوعد
سبايب من على خده رقوم ذبحني بالموده وابتعد
سري ليلي تحريت القدوم ياعيني ارقدي قالت بعد
....................................
روح ياخوان ما عندك ضمير استدار الوقت وكشفلي هواك
يوم تجفاني وانا قلبي خطير قاسين قلبك وتصمل في جفاك
ليه تحرقني على صلي السعير مرهيٍ بالزين يوم الله عطاك
يوم تغليني وتتكرني اسير عذرك الفاشل ينقّص مستواك
ما دريت ان الليالي تستدير واستدارت لين وصلت لي منتهاك
متعب قلبي على شارع عسير اتعنى لجل اشوفك من غلاك
يوم فرقانا عليك امر يسير ليه ما بينت غاياتك ومناك
من تشاور في هواي وتستشير وقلبي المجروح حبك واهتواك
...........................
ألا ياعيوني أبكي الزين ياعين هلي دموعك ياعيون الشقاوي
البعد مايمنع قلوب المحبين قربه وبعده للحبيب متساوي
يما عانيت وراح ياكامل الزين ماني على فرقاك يازين قاوي
أرحم لحال مولعن يا أريش العين اللي أبتلى بالزين يسهر خلاوي
محدِ صبر صبري ولا الناس دارين قلي وش انت يا أريش العين ناوي
أنا جريح ولجلك الجرح جرحين الله يصبرني على ذي البلاوي
( الله كريم )
............................
الوعد قدام يا خالي الفؤاد .. رح وانا باروح واحكام القدر
قلبي ابيض وانت في قلبك سواد .. روح عني وابتعد كل الدهر
خنت عهدك والمبحه والوداد .. يا مجدد دمع عيني والسهر
من غرامك ما جنيت الا العناد .. والجفاء والصد وفنون القهر
منك جرح الغدر يا غدار زاد .. في فؤادي منه تقديرك ظهر
.............................
أمسي بهمي وأصبح الصبح بي زود ,,, ودموع عيني يالغضي يذرفني
والحال مني غادين كنه العود .. سلبت عقلي ياهوى البال مني
أسهر طوال الليل والعالم رقود .. وأعيش في ذكرى ليالي مضني
لاخفت من ربك ولا خفت منقود .. وعقب الغلا واللي مضا تمتحني
جازيت من يوليك يازين بصدود .. وأصبحت حتى شوفتي لك تمني
أذكر زمانن فات ياجعله يعود .. يومك تجيني تبعد الهم عني
بيني وبينك ياهوى بالي عهود .. وماهو بحقن تخلف اليوم ظني
...........................
خلاص من حبكم يازين عزلنا
ماعاد لي في هواكم شف لوراقه
اللي شبكنا معك ياحلو يخلصنا
يكفيني اللي حصل ماستحمل زياده
ايام كنا غشيم ياما تكلفنا
وندور رضاك مهما تكلف بعادك
واليوم ابشرك ياسيدي تعلمنا
وبدلت نوم الحزن بفراش ووساده
اللي هويناه حصلناه وحصلنا
وارتاح قلبي على قوم حساده
........................
تولعت بك والله كتب لي على فرقاك
حسبيي على الحظ الردي كانه اشقاني
انا ماشعرت اني مع الناس قبل القاك
ولاذقت للدنيا طعم قبل تلقاني
ولاكنت احس بروعه الحب قبل اهواك
ولولا عيونك ماكتبت اجمل الالحاني
سقا الله ليالي خالده عشتها وياك
بدرب الحويه بين عشب وغدراني
تذكرت يوم اقبلت كنك تحسب خطاك
تمايل بعود نايف الطول رياني
وترفع طرف ملبوسك الضيق بيمناك
وشلال شعرك تنشره فوق الامتاني
...........................
ما تبكي عيون المشقّى هوايه .. الا على بعد المواليف عنّا
قربٍ بلا وصل جدد عنايه .. اضحك وقلبي بالعنى ما تهنّى
الله لا يقطع بخلّي رجايه .. عيني تهل دموعها ما تونّا
يا عاذلي للقلب يكفي كفايه .. العذل ما يوحيه قلبٍ تعنّى
بصبر الين الله يحقق منايه .. وينول قلبٍ مشتقي ما تمنّى
يمكن شموع الحب تملى سمايه .. الوقت يخلف يا فهد كل ظنّا
عسى الزمان الجاي يمحى شقايه .. طال الشقى بالحب يالله عنّا
اخاف من اللى يعذلون الدعايه .. يبلونا بالهجر مع وين كنّا
...............................
من ردى الحظ قلبي طول الايام خايف خايفٍ والليالي ما تجي له بكيفه
ما تجي له بكيفه مثل ما كان شايف غيب الايام جاله بالحياه الكسيفه
الحياه الكسيفه والعنا والكلايف عقب عزه تعرقل بالظروف الكليفه
الظروف الكليفه والدموع الذرايف والسهر والترجي بعد فرقا وليفه
بعد فرقا وليفه مالقا له ولايف غيّم الجو واظلم بالهموم العنيفه
الهموم العنيفه بالظلوع النحايف خلّت القلب يرجف بالظلوع النحيفه
بالظلوع النحيفه عقب يأس وحسايف وش تفيد الحسايف والقدر حط سيفه
القدر حط سيفه دون زين الوصايف حال من دون شوفه ما بقى غير طيفه
ما بقى غير طيفه داخل القلب طايف طيف زين الوصايف والخدود النظيفه
الخدود النظيفه والثمان الرهايف يوم جيته وجاني بالعبات الرهيفه
العبات الرهيفه فوق ذيك الردايف وا عنا قلبي اللي ما اهتني في مصيفه
.................
الا يالله يا عالم بحالي
كثير الهم عن قلبي تزيله
خذت منى الليالي اعز غالي
تفارقنا ولا باليد حيله
سهرت اياك مع عدّه ليالي
وحالي من سبايبهم عليله
على الوقت يا مشكاي مالي
الا يالله عدّل كل ميله
كفانا الله من شر الليالي
وياما فرقت خل وخليله
الا ليت البكى بيرد غالي
لسيل واديٍ ما سال سيله
واصيح صياح من صابه هبالي
على اللى نافلٍ بالزين جيله
الا يا عين منج عزتالي
على العلّه تزيدينه مليله
............................
يا قلب انسي اللى نساك وتحداك ... اصبح بدرب الحب خاين وخداع
طاوعت فيك كل العواذل وخلاك ... باعك لاهل القلوب النميمه
بانساه وانسي اليوم كل ذكراه ... واترك الحب واترك جحيمه
واليوم ياخاين لو تمسح اخطاك ... نفسي عزيزه ماتداني الظليمه
من اولٍ غالي والروح تفداك .. واليوم مالك عندنا ولا قيمه
............................
قلبي سمح ياحبيبي من مودتكم
خل الذي كبروا راسك يسرونك
بان الجفا وانهيتوا علاقتكم
غروك بالهرج ناسٍ مايسرونك
من اولٍ احبكم وافرح بجيتكم
واليوم اعاف الذي عندي يطرونك
مفهوم يازين هذي صداقتكم
الله يهنيك وتلقي اللى يحبونك
جاملت وياك ابي اعرف نهايتكم
والحمد لله بين كل مضمونك
لله انا ارجوك لاتكرر زيارتكم
دور على اللى انت تبغاهم ويبغونك
لو كان جاملتم وتخفون عداوتكم
خل اللكاعه على الذي يفهمونك
درست غيب ونظر واعرف طرايقكم
ماخفي قلبك تخفيه بعيونك
................
يازين ياللى مشيتك بالهون
وقف دخيل الله وكلمني
كلمه نبي والناس مايدرون
بيني وبينك لا تعذبني
قلبي بحبك ياحلو مفتون
واللى توده الزين يعجبني
يابو حجاج بالخطر مقرون
والخد الى شفته يكهربني
كتف وردفٍ ومبسمٍ وعيون
والرموشها ياناس صابتني
يا لايمي بصاحبي مجنون
ماني بأنا جاهل تعلمني
خل الجنوبي يتابع القانون
قبلك طريق الحب لوعني
........................
الناس نامو وانا اسهر***والقلب مشعل بناره
والقلب له حق يسهر***مارتاح ليله نهاره
ياصاحبي لالاتعذر***عجل لنا بالزياره
جوك يالاسمر تغير***عقب الصفا بالكداره
الناس ربحو وانا اخسر***الله لنا ياسماره
..........................
ان شكينا بكينا وافضحتنا الدموع * وان سكتنا علينا طال ليل العذاب
آه من لوعة الفرقا وخل قطوع * من عرفته وحنا في خصام وعتاب
ننتظر ونترجى بالشهر والسبوع * وشمعة الصبر توضي مع عضيض الشباب
اثر فرقا الولايف والمفارق يلوع * لا عني فقد خلي لي فقدت الصواب
..........................
البارحة في النوم لاقيت خلي""فزيت له مشتاق من غرفة النوم
شقاً على اللي شوف زوله يسلي""من فرحتي به قمت انا اطيح واقوم
سلم علي ودموع عينه تهلي""مثل الغرير اللي من .... مفطوم
عودت ادور الحلم ولا حصل لي""وش حالتي حتى من الحلم محروم
يازين من فرقاك كلٍ فطن لي""كلٍ نهاني عنك واقول مقسوم
حتى اهلي قالوا لي خله يولي""قلت أمعصي مانسى حبيبي ولو يوم
............................
فكرت بالمكتوب ومافيه حيله%%% ليت الليالي علمتني بالاسرار
يازين روحي من فراقك عليله%%%وانا اتحرى منك مكاتيب الاخبار
انت الحبيب وعشرتي لك طويله%%% بيني وبينك خافي العهد واسرار
.............................
فرقت الاقدار بيني وبين اغلى حبيب%%%واضلم الوادي بدونه وانا عاد لاطرب
العذول اسباب فرقاه مقطوع النصيب%%% مخبله يبقاني انساه الغضي ماتبع رضاه
............................
لو يفيد التمني والبكا والقصايد( الشكوى لله ) يا فهد صرت مثلك بالجزيره وحيد
.............................
مانويتك بالجفا بس الضروره.. توجب النسيان في بعض الظروف
الي متي اصبر على ظلمك وجوره.. الي متي تغلط وانا عيني تشوف
دام من يهواك ماتدري شعوره..وش ابي بك وانت ناوي بالنكوف
وش ابي باللي تمادي في غروره.. اطرد المقفين ماني بمخفوف
عقب ماكنتي بعشرتنا فخوره.. تنقضين العهد مع ذيك الحلوف
غرتك دنياك والعاذل بشوره.. وانخدعتي بجمالك ياهنوف
ياخساره حبنا تطفين نوره.. وين هذاك الحب والقلب العطوف
..................................
لاسلى خاطر ولادنيا صفت .. كلما ضاقت تمنيت الرحيل
لوعت بالفرقاء عيون مابرت ...غير شوف اللي رجوعه مستحيل
عبرتي ترسل دموع لو شكت ... هونت هم على نفسي ثقيل
عزت الفرصه بعدك وابعدت ... منوتي شوفت لوبحلوم ليل
دوك حالي يابعد حالي قضت ... الرجاء مقطوع والعاشق ذليل
ليت عيني عن شقاء المقبل درت .. الزمان احكام والفرقاء دليل
..............................................
أكيد أحبك ياهوى البال بالحيل .. ليش أتسائل عن هواي وغرامي
أنتا الذي حبيت معك التعاليل .. وأنتا هوى بالي وغايت مرادي
يامشغل ٍقلبي نهاري مع الليل .. وياحارم ٍ عيني لذيذ المنامي
أن غبت عن عيني أشوفك ِ تزوير .. ذكراك دايم في مقدم كلامي
ترى الغلا لك دون كشف ٍ وتحليل .. حبك ملك قلبي وغير نظامي
قلبي هواك ولا رضى فيك تبدليل .. وش عاد لو يكثر علي الملامي
ياكامل ٍ بالزين من غير تجميل .. ميزان حبك راجح ٍ بالتمامي
الحب مايحتاج شريح ٍ وتطويل .. دليل حبي لك يبين بسلامي
أكيد أحبك ياهوى البال بالحيل .. ليش أتسائل عن هواي وغرامي
........................................
يناس مالي للهوى دكتور****** عالج قلووب المحبيني
يافهيدترى القلب غدى مخطوور******جيبواطبيب يداويني
من شافني قال ذا مسحوور******وانا همومي تباريني
معلووم انا خاطري مكسوور*****جيبوا حبيبي يسليني
الرووح مني على داافور *****الله حسيبه يا جازيني
.......................................
لو ان قلبك حس بي وافتكرني .... ما طاوعك تغلي علي حبّه العيد
وش غيرك ياللي جمالك سحرني ........ حتى سلام العيد صار بمواعيد
ما هقوتي تبطي علي وتهجرني .... ولا تصدق بي كلام المقاريد
لو شفت دمع العين كان تعذرني ... كنّي فطيمٍ حارمينه من الديد
شف حالتي يشفق علي من نظرني ..عقب اللقاء صرنا من بعيد لبعيد
إمن اولٍ لبطيت انا قلت زرني ... واليوم تتركني بهمي وتنكيد
ارحم رحمك اللي بحبك امرني ... لا يهندم حبٍ على غير ماريد
..........................................
يا حرق حالي من عذاب الدهر حرق .. والكبد من غدر الزمان محروقه
اربع ليالٍ ما اعرف الغرب والشرق .. والجسم ناحل ساكناتٍ عروقه
كيف المطر يمطر ولا اشوف له برق .. محروم والعالم تخايل بروقه
ماني سجينٍ بالمخازي ولا سرق .. باسباب هرج ما عرفنا طروقه
وش عاد لوني نحت مع نايح الورق .. لابن سعود اللي على الرأس فوقه
ودهيت شمّر والقبايل بلا فرق .. وصوّت بصياحي برقه وروقه
والعين لو هلّت هماليلها زرق .. يبري الفرج رب البرايا يسوقه
...................................
يالله ياللى من ترجاك ماخاب ** يامن عليه اشكي مشاكل حياتي
افرج لمن هو من الغرابيل ما طاب ** دايم عيونه بالخفى ساهراتي
البارحه ممسيت والدمع سكّاب ** يحرم على عيني لذيذ المباتي
عزّي لمن مثلي عن حبيّبه غاب ** مالوم من يشكي حبيبه سواتي
انا وان شكيته عند ربعي والاصحاب ** وان جيت ابسكت ما قويت السكاتي
شعلٍ عيونه تطلق سهوم وحراب ** وسنه ما غير اربع وعشر سنواتي
له مبسمٍ كن العسل داخله ذاب ** وريقه دواء لجروحي الخافياتي
حبه مكن بالقلب ماني بكذاب ** واعز الله اني منه قربت وفاتي
انا جريح القلب والزين الاسباب ** وارجي عسى المعبود يحسن مماتي
.................................
يا ولد سالم الرجعان قلبي جريح .. وانت عندي عزيز القدر واغلى صديق
والله اني اعرفك بالمواقف صريح .. احرقتني همومٍ كل ما بي حريق
ليتني مثل غيري مهتني مستريح .. لي طرى لي بعيد الدار صدري يضيق
كل ما خالت عيون بروقٍ تليح .. قمت اسوّي سوايا للاسف ما تليق
اخاف تكبر همومٍ فوق هذا وابيح .. وانت عندي على حالي شفيق
آه لو مثل غيري كان انادي واصيح .. صيحه اللي وقع في وسط بحرٍ غريق
كم شرحنا وقلّنا في لسانٍ فصيح .. ادخل الله علي اللي حسن عوده رقيق
......................................
ودي اوصف لك شعوري ياحبيبي بس مدري
كيف ابقدر ياحبيبي واظهر الخافي بصدري
لوتعابير المحبة بس احبك قلت احبك
مير تعبير المحبة والهوى بالدم يسري
قيس نبض القلب ولا شوف نظرات العيون
ليش تسأل عن شعوري يا هنا روحي وعمري
لك اعيش الحب واسهر ياللي حبك نور دربي
لك عهد مني بحبك والوفا لو طال صبري
انت نجمه في سماء حبي وحبك وسط قلبي
وانت صورة في خيالي وانت حبي وانت بدري
صرت دايم في خيالي لحظةً ما تغيب عني
اذكرك ليصرت ساهر طول ليلي لين فجري
............................
واعديني كان ودك نلتقي .. الهور محلاه ليصار إجتماع
عوضي ما فاتنا في اللي بقي .. لا يروح العمر كله في ضياع
شوفتي لك هي منى القلب الشقي .. يشهد الله محتمل عنك انقطاع
ارحميني يا حياتي وافقي .. انقذي المخطور قدر المستطاع
ليمتى شمسك علينا تشرقي .. واجتمع وياك يا زين الطباع
.......................................
من اهل السالميه واعرفه يا فهد .. جابه الله عظيم الشأن يا مسندي
ليتني يوم الاحد ما دخلت البلد .. سمّر اقدام رجلي وطاح ما في يدي
ابتسم وكن بين اشفاه برق ورعد .. وكن جعده على المتنين ليل اسودي
لو سحر شافته يوم التفت لي ولد .. كان صارت على ابن سعيد تتوجدي
شات قلبي بنظره قدة القلب قد .. واعتبرني عليه الجاني المعتدي
ذاك ما انسي جماله لين يوم الابد .. اتصوره لوني في حلى مارقدي
..............................
لا تحسوبي كل ماغنيت طربان .. انا بحالٍ يعلم الله سببها
ازعق بعالي الصوت من دون حسبان .. والناس ماتدري عن اللي حرقها
لي سمعه اللي داله ما جاه ما جان .. يقول شادي بالطرب وكتبها
الناس ماتدري عن كان ماكان .. ماتعرفا لا ما ظهر في جسدها
كواني المحبوب من غير نيران .. حرّق معاليق الحشا ثم سلبها
يا ويل جسمٍ بالهوى طاح مرضان .. ماله مقيمٍ غير ربٍ خلقها
وراني الحرمان اشكال والوان .. واصبر واقول الله علينا كتبها
....................................
لا تجرح اللي خاطره منك مكسور .. حاول تخفف من أساه بحنانك
غط الخدود البيض لا تكسر النور .. ذا ورد في مبسمك والا لسانك
قلبي معك يا مشغل البال مجبور .. من حبكم حاولت ارافق خوانك
افهم ترى قبري من الحب محفور .. وان كان ما جيته بجيك بمكانك
وجرحٍ بقلبي ما نفع فيه دكتور .. لاشك ابصبر يا عشيري عشانك
.................................
قال من طول عذابه مستراح .. ساهرن الليل ودموعه تسيل
دمع عيني من على الأوجان ساح .. واعنا قلبي من الهم الطويل
ياهل المعروف شيروا بالصلاح .. عند خلي لين قلبه لي يميل
طال هجران الغضي سيد الملاح .. آه قلبي من سبب صده عليل
أشهد أن قلب العنا للسد باح .. شلت في درب الهوى حمل ثقيل
من تولع في هوى ضبي الفياح .. ذاق حلو ومر ولذاته قليل
قرة الأ عيان يا نور الصباح .. انت طبٍ لي وغيرك مستحيل
كيف تقتلني بلا حرب وسلاح .. فالهوى قتلي حرامٍ يا جميل
.....................................
لا تسبق الاحداث ما فيه داعي .. اني معاك ابدأ حياهٍ جديده
طويت من بحر الرجاء بك شراعي .. النفس طابت وافعل اللى تريده
اخلصت في حبك جميع المساعي .. خايف آسى الماضي لنا يستعيده
يوم اني احبك حكمت بضياعي .. لقيت في بعدك حياهٍ سعيده
وشلون تجرحني وعيني تراعي .. وان صحت جرحي من عذابك تزيده
ما هان حتى يا مقفي وداعي .. دموع الشره من فوق خدي بديده
فيما ما مضى خله يفيدك خداعي .. جفاك في نفسي تزايد رصيده
.....................................
عسى الله يلوم اللي لحالي يلومون .. وانا كيف الومك بعد ما شفت واوحيت
فلا تشكي الفرقا ترى القلب مطعون .. وانا لو دريت بغيب الايام ما جيت
تقولون والا يا هلي ما تقولون .. ابفنى على ذا الحال كان استمريت
انا ما ابغي الدكتور وانتم جبرتون .. خسرتوا دراهمكم وانا ما تشاويت
علاجي حبيبي بس تكفون ودون .. وان كان ما شفته تراني توفيت
..........................
الله يا وقتٍ مضى يا ابو خالد .. ما عاد يرجع كود الاموات يحييون
الله من ليلٍ على العود قاعد .. وذولي سروا ذولي مساكين يبكون
يشهد على الله والليل شاهد .. خلّدت ذكري ما علي من يقولون
واليوم لا سائل ولا فيه ناشد .. الله واكبر هالمخاليق ينسون
..............................
الامر لله شب القلب نار .. انوح وابكي ولا فاد الانين
انا اسهر الليل واتعذب نهار .. والناس تدله وانا دايم حزين
بالحال حل الاسى والانكدار .. شكواي لله من جور السنين
اللي نبيه ويبينا كان جار .. واليوم انا فيك والمحبوب فين
وقتٍ مضى لي معه ما كنه صار .. ما كان كنا جميعاً مهتنين
من عقب فرقاك نوم العين طار .. تنام ساعه وتسهر ليلتين
عليه تصفق يمين باليسار .. مالي جدى كود اصفق باليدين
لو غاب عني تجدد له اثار .. دايم خياله معي في كل حين
.................................
أهلاً هلاً باللي عيونه رمتني .. يامرحبا ياروح روحي وسهلين
طلبت اقابلها على طول جتني .. الله يجنبها عيون الحسودين
بخلاصها وبحبها بادلتني .. أنا وهي في الحب صرنا شريكين
عطيتها قلبي وهي معطيتني .. عطف وحنان وذي سلوم المحبين
هي غايتي هي منيتي مالكتني .. أنا ومملك فدوةٍ لريش العين
منسى هواها دام هي مانستني .. مادمت أنا وحبيّب الروح حيين
................................
صك باب المعرفه وابعد ابعيد عني * غلطتي يوم اصدق وانخدع في عيونك
رح بفالك وانا باروح لا تمتحني * فرح قلوب ناسٍ همهم يفرقونك
غيروا طبعك الحساد واخلفت ظنّي * ليه طاوعتهم بي خلهم ينفعونك
رح مع اللي يحبك عش معاه امتهنّي * يوفقك ربي مع اللي انت تبغا ويبونك
من إولٍ اسهر عيوني منك ما يمرحنّي * ما هقيت هرّاج القفا يقدرونك
اشغل البال وقلبي من هواك امتعنّي * احسبك مخلصٍ بالحب ما يخدعونك
...................................
حراج يا من يسوم .. قبل أحترق وأنشوى
مشوي شوي اللحوم ..مصهور لين أستوى
ما عاد لي به لزوم .. يا ناس ما له دواء
لجله بقيت محروم ..اسهر وابادي الدوى
يا زين خلك رحوم ..جسم نحل وأنطوى
ما أقوى على الصبر يوم ..قلبي تلف ما قوى
ليت الليالي تدوم .. ايام كنا سوى
يا اللي تعرف السلوم .. قلبك لنا وش نوى
الحب نار وسموم .. كم وكم انكوى
راعي الهوى ما ينوم ..مسكين راعي الهوى
...................
انا الغلطان فعلاً يوم صارحتك بحبي لك .. حسبت انك تقدّر موفق اللي بالهوى جالك
ملفاتي كشفتها لك ولا حلّلت تحليلك .. ولا يطري على بالي طواري جت على بالك
واثر لك دور تمثيلي تبي تنجح بتمثلك .. على مثلي ويبرز فنّك الراقي لامثالك
تمنيتك تمنيتك واخيراً جت مراسيلك .. تبلغنا عبارات قولوا ان فلان واخبارك
وقلت احسن بلاش انك توصيني ووصيلك .. تضيع اسرارنا مابين مراسلي ومرسالك
ان كان ظروفكم تمسح بجيتّكم فأنا اجيلك .. هواى وموج حبي يدفع آمالي مع آمالك
..................................
انا حيران ومبهذل وعايش في قلق نفسي .. عسى ربي يبدل لي همومي والحزن افراح
سواد الليل صادقني ولا يرضى عليّ امسي .. يبني من غياب الشمس انادم ظلمه الاصباح
ضحكت وقلت له حاضر وقلت لخافقي يرسي .. عسى القى به اللي ما لقيته في زمانٍ راح
الي مني نظرت لحالتي قلت آه يا تعسي .. الا يا حسرتي نور الامل في ناظري ما لاح
ولكن ما تمنيته من اللي يتضّح عكسي .. وزادت دمعه اشواقي وزادت بالخفوق جراح
غرست الحب بجذوره وليته فادني غرسي .. وجاب اللي من اسبابه خفوقي ما قوى يرتاح
..........................................
اصطنع بين العرب فرحتي كني سعيد ..اخفى جروحي بروحي وكني في نعيم
خايفٍ هرج العواذل على مابي يزيد .. خايفٍ منهم يزيدون جرحٍ بي قديم
ابعدت الايام خلي وخلتني وحيد .. والفراق صعيب يا اهل الهوى والله العظيم
الفراق اكبر مصيبه وذا شيٍ اكيد .. من فقد غاليه يبكي كما الفطيم
ما يطيب النوم للعين والغالي بعيد .. آه وا ويلاه عقبه وانا مثل اليتيم
اظلمت دنياي من عقب مركوز النهيد .. نابي الردفين وصفه مع العالم عديم
من فراق الزين زادت جروحي من جديد .. من عقب ذيك السعاده حياتي في جحيم
......................................
والله أني عارفٍ ويش النهايه .. مير أكذب هاجسي والظن فيك
ماحكو لي عنك أقول أنه دعايه .. وأدري أن الصح ماقالوه فيك
بعت من يشريك والمقفي عنايه .. بالجفى جازيت منهو يشتريك
عفتني ماقلتلي سبت خطايه .. جيتك لي مجامله حسبي عليك
ياحياة الروح ياغايت منايه .. أشتكي مظلوم أنا منك اليك
خف من الله لاتعذبني كفايه .. جعل ماجاني على شانك يجيك
وش يفيدك ياحبيبي من جفايه .. ليه تجفى واحدٍ يشفق عليك
لاتهدم الي بنينا في البدايه .. والعدو بالقول لايظحك عليك
..............................
قطعت حبل الود ماتلتفت لي ... الله على صدك وهجرانك يجازيك
احسب عيونك يوم تبكي صفت لي ... وامسح دموعك بالاصابع واهديك
نفسي على فرقاك ماشاورتني ... لو طالت الايام ماني بناسيك
خدعتني بدموع عين(ن) بكت لي ... وديت قلبن ودع الحب يغليك
واليوم يالمجنون ناوي بقتلي .. راجع ضمير وارجع للي انت مغليك
بتلت حبلك بالمواصيل بتلي .. ولقطت بيديني الجفا حاضرك وماضيك
كان الليالي اللي على الكيف جتني .. يامقبل الايام ترجع لماضيك
تليت قلبي تلت(ن) يمتلك لي .. تل الفراق وتل ذكرا لياليك
بكيت في ذكرى ليالٍ مضت لي .. مالي رجا غير اتصبر واراضيك
.............................
ابتعادي عنك ما ضنّي هروب ** كيف ابهرب عن هواك بلا سبب
لي تباعدنا تقربنا القلوب ** عمر احساس المشاعر ما كذب
في هونا تجتمع كل الدروب ** نلتقي ما نحس بالرحله تعب
كل ما هبت مع النسمه هبوب ** تحمل الاخلاص مع صدق العتب
يا حبيبٍ ما خبرنا له عيوب ** فارقٍ بالزين من بد العرب
طلبتي لك وانت علاّم الغيوب ** انت يا مولاي تعرف ما كتب
..............................
ابشر من عيوني الثنتين .. مثلك نلبّي مطاليبه
القلب ما يسكنه اثنين .. واحد ويكفيك تعذيبه
اهواك يا ناعس الطرفين .. وغيرك من الناس مالي به
عذبتني بالهوى يا زين .. تعذيب الاحباب راضي به
تلعب بقلبي هبوب البين .. ويبيع حبك ويشري به
الله واكبر سواد العين .. يسرق عيوني ولا ادري به
عليك يا باهي الخدين .. الهم يقبل ويقفي به
مجروح انا بالحشا جرحين .. والثالث انت تسابيبه
...............................
ابكي على شان الغلى يا عيوني .. لعل قلبي لي جرى الدمع يرتاح
ابكي على الوجه المليح الفتوني .. اللي بزينه للعشاشيق ذباح
يضحك حجاجه قبل ضحكه سنوني .. وتشب في وجه علامات الافراح
والورد في خديه هم يزرعوني .. ودمه خفيفٍ ناعم العود مزّاح
يا جرى بيني وبينه فنوني .. وياما شكينا لكن الحب فضاح
وانا لهم باقي على ما يبوني .. حلفت منسى ماضيٍ بيننا راح
ترى الهوى عند الذي يفهموني .. السر محفوظٍ ولاهو بينباح
..............................
آه يا شيٍ بقلبي واجحده لا يبين .. والعيون الشقيه دمعها خانها
عضب عني بكت عني وباح الكنين .. يوم عن شوف خلي طال حرمانها
مبطيٍ ما نظرته زين صافي الجبين .. من فراقه وحالي زاد نقصانها
الهوى ذي سواته يفضح العاشقين .. من بلي بالمحبه ذاق نيرانها
البكى والقصايد والسهر والونين .. ما نفعني وانا ما احسنت نسيانها
......................................
اختصر هرجك معايه لا يطول .. كان تفهم بالاشاره يا فهيم
المشاكل طالبه منا حلول .. ليش ما تمشي على وضعٍ سليم
كل مصبوغٍ من المعدن يزول .. لو يطول عاد يصقل من جديد
لا تقول ولا تقول ولا تقول .. الهوى دربه سراطٍ مستقيم
ولا تغش الا قليلين العقول .. اعتذر واستغفر الله العظيم
جاهل بكل الطرايق والاصول .. وكل مخلوقٍ فهم وانت غشيم
......................................
يا زين اخذت قلوبنا وياك .. امس العصر يومك تعدانا
احنا عرفنا غايته ومناك .. قصدك تولعنا وتنسانا
نصبر على هجرك ولا نجفاك .. يجفاك ربي يوم تجفانا
لولاك ما دسنا الخطر لولاك .. لولاك ما كثرت خطايانا
يا هايف الخصرين ويش اغواك .. ضحكك بسنك حرّق احشانا
يا قبله الله يا حلو ممشاك .. زولك اليا شفناه سلاّنا
طعم العسل من مبسمك وشفاك .. طعم العسا من ريقك اشفانا
.....................................
استعد وشد حيلك للتحدي .. دام ذا ودك ترانا جاهزين
طال صبري وانتهى وانباح سدي .. حسبك الله كان بيّحت الكنين
والله اني ما هقيت تصير ضدي .. انتا مرتاحٍ وانا قلبي حزين
من سواتك دمعتي فوق خدي .. يشهد الله وهو خير الشاهدين
كيف ترضى تجرح القلب المودي .. ليمتى تغلط وحنا ساكتين
يا خساره ضاع حبي ضاع ودي .. انتهى اللي بيننا والله يعين
انتهى صبري وانا لك مستعدي .. اقهرك واعطيك من زينٍ متين
........................................
اشتكي وابكي ولا لي من مجيب .. واحصر الدمعات بالطرف الحزين
من يطالب مثلي بحقٍ مصيب .. استدار الوقت جعل الله يعين
يكفي اني بينكم كنّي غريب . يا القلوب العاشقه وين الامين
جرح قلبي ما هقيت انه يطيب .. لو اعالج عند دكتورٍ فطين
ليت تمسي بالهوى شمس المغيب .. اذكر اللي صار فيها ذيك السنين
وا عذاب القلب من ذكر الحبيب .. ودي انسى والغلا فيني يبين
.......................................
اصمم على فرقاك واقول عنك اقفيت .. واعوّد وعلى نفسي من اجلك واراجعها
انا اللي عذابي بالهوى كل ما صديت .. وشفتك ونفسي هجرك العام موجعها
يبيم الولع والشوق يا زين لو خفّيت .. عيوني على فرقاك هلت مدامعها
لو كنت اعرف نهايه الحب ما حبيت .. وسلمت نفسي للمقادير تفجعها
كفي من عذاب الحب يا زين ما قديّت .. قلوبٍ فرقها وقتها اللي يجمّعها
على الوصل قبل التاع يا صاحبي مشيّت .. واليوم نفسي عنك كيف اقدر امنعها
اجي واعتذر واقول مخطي وانا ما اخطيت .. نفوس التواضع ترجي الله يرجعها
.......................................
اعترف لك بالخطأ وارجوك سامح ** والمسامح يعتبر طبعه كريم
للزعل باين على وجهك ملامح ** لا تظاهر بالرضا ماني غشيم
كنت اضنك للخطأ يازين دامح ** واثري قلبك للاسف ماهو رحيم
خافقي لجل الوفاء والحب طامح ** يحمل الاخلاص والشوق العظيم
ما يجي بعد العذر الا التسامح ** والتسامح يعتبر حلٍ سليم
......................................
اقنّع النفس العزيزه وتقنع .. في عزّها النفس العزيزه قنوعه
رح وان بغيت الله يحييك ترجع .. ماهي بنفسي للمقفي دنوعه
من اولٍ ما صدق الهرج واسمع .. واليوم صدقت الحكي من وقوعه
راعي الهوى عينه من الحب تدمع .. وتشهد على حبه وصدقه دموعه
اكبر مصيبه من توده ويقطع .. ارخص حياتك كان نفسك جزوعه
وحبٍ تجامل فيه ما هو بينفع .. احذر تجامل كل عينٍ خدوعه
لي صار قلبك مع حبيبك تولّع .. لياه يدري بالمحبه يلوعه
......................................
اكتب تنازل عن هوى العام واليوم ** اكتب تنازل كان عندك شجاعه
يكفيني اني منك يازين محروم ** مده وقلبي تايهٍ في ضياعه
ما بالعتاب بين المحبين واللوم ** يصعب على شط الخواطر شراعه
خل الصفا يا مغيرٍ كل مفهوم ** يهب وتهز الغصون باشاعه
لي سهم في قلبي ولعيونك سهوم ** واجب طريح عيونك السود راعه
افزع من عيونك لتخليص مظلوم ** يا مستحل القلب وين الوداعه
شمسك حجبها عن سماء قلبي غيوم ** نوّر علينا ورّنا النور ساعه
........................................
الا وا عذاب اللي تذكّر بعيد الدار .. حبيبه سكن ديره وهو ساكنٍ ديره
صبرت وانتهى صبره ولا جاه رد اخبار .. ما بين الرجاء واليأس في موقع الحيره
ولا فيه مرسولٍ يحافظ على الاسرار .. وسر المحبه لأنكشف خربه السيره
ويصعب عليه الوصل لو راح له مشوار .. ولو طق بابه جاوبه واحدٍ غيره
الا يا عذابك يا السبيعي من اللي صار .. جفاك الزمان وجر شره علي خيره
من الجور اخاف تموت والا تزور شهار .. من حدّته دنياه تكثر مخاسيره
.......................................
الا وا عذابي ياهلي كل ما ونيت ** خطيرٍ على قلبي من فراق خلاني
اناالبارحه سهران ياعاذلي مامسيت ** سبايب حبيبي يوم عزّم بهجراني
إلي حل بي هاجوس من مرقدي فزّيت ** هواجيس جابتني وهاجوس وداني
حبيبي بعد ولعتني وش بلاك اقفيت ** عسى ما تعلق قلبك واحدٍ ثاني
خطأ من حبيبي والا انا مثبتٍ ما خطيت ** هواللي مولعني ورايح ولا جاني
......................................
الا يا حسرتي مما جرالي .. من المملوح مردوع الشفيّه
تكّدر خاطري والدمع سالي .. ما اذوق النوم وعيوني شقيّه
من اسباب الهوى واعزتالي .. الا وا شيب عيني وا عنيّه
على اللي بالهوى دوّر بدالي .. جفاني صاحبي ويش السويّه
ثلاث سنين وا طول اليالي .. وانا محتار وجروحي خفيّه
متى يا زين تجمعنا الليالي .. انا وياك يا خلي سويّه
كفي ما صار لا تجرم بحالي .. انا بأمرك ورافع لك ايديّه
تغلى وانت يا المجمول غالي .. كفاني ما جرى وارجع عليّه
....................................
الا يا حسين الدل يا ابو خدود ملاح .. شريكي بروحي مشهدٍ كل خلق الله
فناة الشباب وكن في صدرتها تفاح .. ونجلٍ عيونه سود من دون كحلٍ له
الا يا عضيدي يا ابو خالد رماني وراح .. وانا عقبهم يا اخوك والحال منتلّه
وحبه بقلبي تقول ضربٍ وطعن سلاح .. وانا تايبٍ لله ما جيت في زلّه
اسير الهوى مسكين الا وان ذكرهم طاح .. ويرمي بروحه من القهر محدٍ شله
.....................................
البارحه ممسيت عيني سهيره .. سهران ليت اصبح عليّ الصباحي
بدلت نومي بالدموع الغزيره .. واسهرت جيراني بكثر الصياحي
ابكي على اللي ما هوى القلب غيره .. اتلى العد قف العشا يوم راحي
سافر وانا واقف وعيني بصيره .. وهلّت دموع العين والسد باحي
هو صاحبي وابدي عليه السريره .. وانا الذي لجله ازيد النياحي
بالقلب من فرقاه مثل السعيره .. نحرق فؤادي من جميع النواحي
من فرقته روحي تراها خطيره .. كن الحشا مطعون باقوى السلاحي
وانا بديره والحبيّب بديره .. ولا قلت قام الخظ عوّد وطاحي
والربح اللي ما يفارق عشيره .. يرتاح ويعيشون ليالي ملاحي
................................
الا يا عاذلي ما عاد من ايش .. ما دمت على ذا الحال ما شي
الا يا عاذلي ما اظني اعيش .. وانا حالي مصاحبٍ بنفراشي
على خٍ ذبحني بالمهابيش .. كما برقٍ تظاهر بالملاشي
خفيف الدم منزوع العكاريش .. حداه الحب وارخص بالنفاشي
اشوف قلوبنا صارت هشاهيش .. تكسٍّ مثل تكسير الغراشي
انا قلبي صخيف وهو قلبه وحيش .. واظنه من بعيدين الملاشي
..............................
الا يا مل قلبٍ كل ما قلت ارجهن وسج .. تعرض له طيورٍ يزعجن الصوت وازعجني
وحن وقام معلوق الحشا من حنّته يرتج .. لولا قو باسي كان انا للموت يدركني
يراقبني يراقبني يشوف منين انا بنهج .. يباريني على كل اتجاه ولا يكلمني
جويهلٍ مير في طبع الهوى دارس ومتخرّج .. اخاف اعاتبه فرتج قبل احتج يفلجني
والي مني بغيت احتج قدّم حجته واحتج .. وحط القيد في رجلي وطالت محكمه سجني
ولي مني بغيت انهج ما حصلّت لي مخرج .. عسى ربٍ بلاني به على حبه يخارجني
....................................
الا يا ويل من مثلي شهر ما نام لو ليله .. يبان الصبح من حر الالم ما نام سهراني
علي اللي من ثلاث شهور ما جتني مراسيله .. قطع وصله وعودني على التفكير واشقاني
قضى عمري وانا ما زلت اعاني من غرابيله .. يقرّبي ويبعدني ويامرني وينهاني
الي شفته بحلم الليل اقوم ابكي واناديله .. احسبه جالسٍ عندي وهو بالنوم لاقاني
يهل الدمع من عيني الي من جيت ابحكيله .. واعجز انطق لخلي ما بقلبي واكتم احزاني
الا يا اهل الهوى كيف العمل ما الرأي ما الحيله .. على اللي صابني يا اهل الموده طال حرماني
ترى راعي الهوي يا اهل الهوي كلٍ يراعي له .. الي منه هرب عن شوف هذا شافه الثاني
......................................
ألا ياربيع العمر ما عاد بي صبر ** خذ القلب فيما يطلبونه لك رهانه
مضى ما مضى صابر وكني على جمر ** عيوني على شوفتك يازين ولهانه
مضالي ثلاث ايام زودٍ على شهر ** عيوني محاجرها بأرزق الدمع غرقانه
أساهر نجوم الليل لي مطلع الفجر ** اجاوب حمام الورق لي جر بالحانه
يقولون عذالي ترى من صبر ظفر ** وانا صبرت صبرٍ طال ما شفت برهانه
عجب كيف يجزى فاعل الخير بالهجر ** واذا قال زدني بالوصل زدت هجرانه
ألا واعذابي منك وا فر قلبي فر ** فرير اشقرٍ فر وكفخ ريش جنحانه
تطاير من الديره لانه ربو وادبر ** ورماه الله بيد واحدٍ صاده وهانه
..........................
البارحه حلو الكرى ما هناني .. والدمع من عيني تنثّر علي الجيب
من واهجٍ بأقصى الضماير كواني .. ابكي وقلبي كن وسطه لواهيب
انوح نوح الورق مما دهاني .. واجادب الونّات واجلس كما الذيب
عليك يا للي بالمحبه براني .. يا ظامر السرجوف سيد الرعابيب
ودّي بشوفك يا رهيف الثماني .. يا ابو نهيدٍ ما بعد ذاقه الصيب
ادعج غنج كامل بكل المعاني .. الله عاطك الزين مابك عذاريب
لا شك من دونك عذولي حداني .. وانا من الفرقا جروحي معاطيب
من فرقتك شفت الكدر والهواني .. جرحي خطير ما تسرّه الاطابيب
....................
البارحه ممسيت عيني سهيره .. سهران ليت اصبح عليّ الصباحي
بدلت نومي بالدموع الغزيره .. واسهرت جيراني بكثر الصياحي
ابكي على اللي ما هوى القلب غيره .. اتلى العد قف العشا يوم راحي
سافر وانا واقف وعيني بصيره .. وهلّت دموع العين والسد باحي
هو صاحبي وابدي عليه السريره .. وانا الذي لجله ازيد النياحي
بالقلب من فرقاه مثل السعيره .. نحرق فؤادي من جميع النواحي
من فرقته روحي تراها خطيره .. كن الحشا مطعون باقوى السلاحي
وانا بديره والحبيّب بديره .. ولا قلت قام الخظ عوّد وطاحي
والربح اللي ما يفارق عشيره .. يرتاح ويعيشون ليالي ملاحي
........................
الجفاء لي تعلنه يومٍ ويوم .. تدّعي غيري لها ما يوم لاق
والعتب في رايها مثل الهجوم .. ضحكتي معها تسميها نفاق
وآخر المشوار في حر السموم .. بين صمت وبين لوعه واحتراق
اتركتني للسهر مثل النجوم .. والهناء عندي غدى مر المذاق
صرت انا من راحة البال محروم .. صدري الواسع من اللوعات ضاق
احسب ان بقلبها مثلي هموم .. وما دريت انه لتعذيبي يساق
لين شمس الصدق من بعد الغيوم .. اشرقت بانوارها والقلب فاق
واكتشفت ان السهر ماله لزوم .. يوم خانت عشرتي والاتفاق
والوكاد ان المحبه ما تدوم .. لنعدم فيها التفاهم والوفاق
........................
الحذر ما يمنعك من القدر ** ما كتب لك في جبينك بيصير
ما كتب للعبد ماعنه مفر ** ماعلى المقسوم والكاين مطير
لا وقعت يا فتى عيبك ظهر ** تصير عند الناس مذومٍ حقير
مايرد الشور لك ولا الخبر ** ولا يكلمك الصغير ولا الكبير
لانويت الدرب شاور واستخر ** ما يضيع العاقل اللي يستشير
المخاطر لو سلم مره عثر ** يجيبه الجلاّب لو طال المسير
وانشد اللي دارسٍ غيب ونظر ** كم وقع بالفخ من بلبل وطير
من ترجى بالإله وقد صبر ** غيّر الشين القديم واصبح بخير
....................
الصاحب اللي شوفتي له شفاقه .. ردوه عني لا يجيني ولا اجيه
اذا عنى لي جيّته لي بانسراقه .. يزود حبه يا المخاليق واغليه
اللي هروجه بالسوالف دقاقه .. لو طالت المده فلاني بناسيه
يا ونتي ونة كسرٍ بساقه .. يوّن شرق وساكن الغرب يوحيه
على الذي طبعه دلال ولباقه .. شرع الهوى دارس ومتخرجٍ فيه
يارب تجمعنا بليّا انفراقه .. بصكٍ من القاضي به ختوم واليه
......................
الصدر ضايق يقاسي هموم .. مع طول الايام مشقيني
بالبيت اجلس وانا مكتوم .. واصدر ليمن بكت عيني
وفالبر امشي تقل منجوم .. ادور على احجٍ يحاكيني
القلب يا صاحبي مسموم .. مريض محدٍ يداويني
اجي على شانكم ملزوم .. قلبي ورجلي تمشيني
والناس ترقد وانا ما انوم .. واذكرك لو كنت ناسيني
لا تامن الوقت لك ما يدور .. لو زان لابد ما يشيني
لك يوم يا ظالمي لك يوم .. ادور عليّه تراضيني
مقسوم ما صار لي مقسوم .. واللي وطأ الناس واطيني
راعي الهوى دايماً مظلومن .. هذي سوات المحبيني
......................
يا اهلي والقلب عيّا لا يطيبي .. علتي بالقلب عله داخليه
اتعالج وحيرت الطبيبي .. وما لقى لي دواء بالصديليه
قال حيرتني وامرك عجيبي .. علتك ما بعد مرّت عليه
قلت طبي انا جمعه حبيبي .. غير هذا فلا به طب ليه
اشكي الحب مالي من مجيبي .. ما دروا عن جروحٍ بي خفيه
المواصل علي امره صعيبي .. خبروا نور عيني بالقضيه
خبروه اني باسبابه عطيبي .. اسهر الليل وعيوني شقيه
ان تكرم بوصله لي اطيبي .. وان جفاتني انا زرت المنيه
يا حياتي حرام منك تعذيبي .. كيف تهجر بلا ذنب وخطيه
بالهوي شبت انا قبل المشيبي .. والله اللي كتب هذا عليه
..........................
الله لنا ياللي علينا تكبرت .. الكبر لله يا ظبّي العدامي
عيرتك الدنيا علينا تغيرت .. الله اكبر ماترد السلامي
وقتٍ مضى لي شفت زولك تخدرت .. واقول مالي غير زولك مرامي
لي جيتني عن صادق الحب عبّرت .. وان رحت عيني ساهره ما تنامي
واليوم يا جافي تكبرت وانكرت .. عجرتني والهجر عيب وحرامي
لا تحسب انك بالخيانه تطورت .. تراك مثل اللي يخون بالصيامي
اهل النمامه ضيّعوك وتدهورت .. واصبحت بعد النور وسط الظلامي
دوّر علي غيري تراني تحذرت .. ترى نظامك ما يطابق نظامي
وش فايده بعد الجفا لو تعذرت .. معلوم كثر الطق يفك اللحامي
..........................
الله من دمعٍ عيوني تهله .. على وليفٍ بالحفى سم حالي
ابكي وحيد واسهر الليل كله .. على الجرا طالت علي الليالي
واليوم قلبي ناعس الطرف مله .. ما ادري غلي والا لقاله بدالي
واليوم قلبي كل ساعه يتله .. انسى زمانٍ في غرامه حلالي
لي حل في دارٍ تراني بحله .. لو هو بنارٍ تلهب القلب صالي
اعتب على وقتٍ مضى واستحله .. يومه يعاملني بعطف ودلالي
..........................
الله من قلبٍ تزايد لهيبه .. كن الحسا بقصاه نارٍ وينزين
عرّضت قلبي للدروب الصعيبه .. والناس لاموني ولاهم بدارين
ما قالوا انه من سبايب حبيبه .. يسهر طوال الليل والناس ممسين
حالي نحل والروح مني تعيبه .. يا ناس انا شفت العنا والغرابيل
خلّي هجرني جعل ربي حسيبه .. لي شفته اما ابكي واصفق بالايدين
محبوب قلبي ليت منهو يهتني به .. واعيش مع مضنون عيني زمانين
جعله نصيبٍ لي وانا من نصيبه .. ويا جعل يفدونه جميع المزايين
............................
الله واكبر مزّه من شفاتك .. اشوفها صارت عليكم ثقيله
الله واكبر من يسوي سواتك .. ارخص لك الغالي ونفسك بخيله
لا وا هنيك مهتني في حياتك .. الوقت ما وراك عدله وميله
ما شفت قلبٍ هام في ذكرياتك .. ودموعي اللي فوق خدي هميله
يا زين كفّر غلطتك بأحسناتك .. الفايت اللي فات ما فيه حيله
داو الجروح الخافيه بإلتفاتك .. قلبٍ خذيته لا تضيّع دليله
..............................
الله يا وقتٍ مضى يا ابو خالد .. ما عاد يرجع كود الاموات يحييون
الله من ليلٍ على العود قاعد .. وذولي سروا ذولي مساكين يبكون
يشهد على الله والليل شاهد .. خلّدت ذكري ما علي من يقولون
واليوم لا سائل ولا فيه ناشد .. الله واكبر هالمخاليق ينسون
.....................
الله خذك يمحال من وسط قلبي .. ربٍ خذك ينسيني اللي معك صار
كنت مناي تكون دايم بقربي .. واعيش انا وياك في جوٍ صحار
فرقاك نار بوسط قلبي تشبّي .. ليتك تشوف اللي بقلبي من النار
حاولت نسيانك وغطيت حبي .. وازريت انا لا انساك يا قبله الدار
جرحٍ جرحته ما فيه طبّي .. ليته يدوم ابغاه للقلب تذكار
الله خذك واراك دايم بقربي .. كني معك لو كنت مدفون يا جار
....................
امسحي دمع العيون الباكيه .. فوق خدٍ جرحه سيل الدموع
عالجي كل الجروح الخافيه .. وصفة الدكتور ما فيها نفوع
نظرت عيونك تجيب العافيه .. ساعدي المسكين خلوه الربوع
واشعلي كل الشموع الطافيه .. نوري لي بالامل درب الرجوع
اجبر الاقدام تمشي حافيه .. احكمتنا ظروف واعلنت الخضوع
بس اكتب قافيه من قافيه .. من غياب الشمي لي وقت الطلوع
.....................
امسي بهمي واصبح الصبح في زود ** ودموع عيني يا القضي يذرفنّي
والحال مني غاديٍ كنه العود ** تلفت عقلي ياهوي البال منّي
اسهر طوال الليل والعالم رقود ** واعيش في ذكرى ليالٍ مضنّي
أذكر زمانٍ فات يا جعله يعود ** يومك تجيني تبعد الهم عنّي
بيني وبينك ياهوي بالي عهود ** ماهو بحقٍ تخلف اليوم ضنّي
لا خفت من ربك ولا خفت منقود ** عقب الغلى واللي مضى تمتحنّي
جازيت من يغليك يا زين بصدود ** واصبح حتى شوفتي لك تمنّي
ترى الجفا يازين مافيه لك فود ** ارحم حزينٍ دمعته ما تونّي
......................
امنتك وسلمتك خفوقتي وتلعبه ** حرام الثقه بمثل شرواك يا قاسي
تناسيتني من غير ذنبٍ ولا سبه ** وقلبك حجر ما شفت انا عندك احساسي
أناني وغيرك ما تحاول تفكر به ** وتدله وانا بعد فرقاك محتاسي
تعمد عذاب اللي بلي فيك وش ذنبه ** وخيّبت ضن اللي يماري بك الناسي
عرفت الحقيقه والجزي منّي ابشر به ** كان انت سباحٍ ترى اصبحت غطاسي
ومن عافني عفته ولا والله احبه ** كفي ما حصل لي منك ماني بله ناسي
.......................
انا الغلطان فعلاً يوم صارحتك بحبي لك .. حسبت انك تقدّر موفق اللي بالهوى جالك
ملفاتي كشفتها لك ولا حلّلت تحليلك .. ولا يطري على بالي طواري جت على بالك
واثر لك دور تمثيلي تبي تنجح بتمثلك .. على مثلي ويبرز فنّك الراقي لامثالك
تمنيتك تمنيتك واخيراً جت مراسيلك .. تبلغنا عبارات قولوا ان فلان واخبارك
وقلت احسن بلاش انك توصيني ووصيلك .. تضيع اسرارنا مابين مراسلي ومرسالك
ان كان ظروفكم تمسح بجيتّكم فأنا اجيلك .. هواى وموج حبي يدفع آمالي مع آمالك
.......................
انا حيران ومهبذل وعايش في قلق نفسي .. عسى ربي يبدل لي همومي والحزن افراح
سواد صادقني ولا يرضى عليّ امسي .. يبني من غياب الشميس انادم ظلمه الاصباح
ضحكت وقلت له حاضر وقلت لخافقي يرسي .. عسى القى به اللي ما لقيته في زمانٍ راح
الي مني نظرت لحالتي قلت آه يا تعسي .. الا يا حسرتي نور الامل في ناظري ما لاح
ولكن ما تمنيته من اللي يتضّح عكسي .. وزادت دمعه اشواقي وزادت بالخفوق جراح
غرست الحب بجذوره وليته فادني غرسي .. وجاب اللي من اسبابه خفوقي ما قوى يرتاح
......................
انا عزيز النفس عن كل خداع ** سكّرت يا خلّي جميع النواحي
هذا ولو اني عليلٍ وملتاع ** يصبح علي الصبح ممسيت واعي
ماهزني شوفك بتحريك الاصباع ** منّعت قلبي بالقنع والصراحي
اصد كني عن مناظرك مرتاع ** ما شفت من حبك لنفسي صلاحي
اول اقول أمرك وكلّف وتنطاع ** واليوم والله لو تصيّح صياحي
ما اضن تلقى لك مجيبٍ وسمّاع ** هذا جزي خلٍ يزوّد جراحي
.....................
انت بس الوحيد اللي عليّه تمون .. انت دنياي لوعاتها ولذّاتها
قالوا الناس حبيته محب جنون .. ما دروا عن حياتي كيف غاياتها
يا عواذل جنون الحب عندي فنون .. ويش دنياي من دونه وخانتها
اتركوني على منشي غيوم ومزون .. يا فهيم المحبه وش علاماتها
قلت انا اسم الحبيّب ها ومرات نون .. واسمها ما يعرفونه صديقاتها
يا عيونه فعلها بعد اجرحتني عيون .. الظبا كيف مشياتها ووقفاتها
وانت يا عاذلي عن حبها من تكون .. خلوني النفس تتمتع بحسراتها
....................
انساك هذا سابع المستحيلات .. والمستحيل اعود لك خاضع الرأس
والمستحيل القى مع الناس هيهات .. مثلك ولا تلقى وفايه مع الناس
حبك بقلبي حي لو مت ما مات .. يضرب على قبري مراويس واجراس
كان الوفاء وعشت انا وانت سجّأت .. حبي وحبك ما دخل فيه بلاّس
واليوم آه وآه واشكي لك آهات .. شربت مر المر كاسٍ بأثر كاس
نسيت يا سيد الغنادير مافات .. يومك تصون العهد يا عدم الاجناس
اذا قضيت العمر حسره ولوعات .. وانت تفجرح عشرتك مالها ساس
..........................
آه انا وا عذبي منك يا نور عيني .. عقب ما شفت انا من الجفا والصدود
وش بك يا حبيب دايماً ما تبيني .. ارحم اللي بحبكم ما يطيع الحسود
ارحم اللي يعاف النوم دايم حزيني .. يسهر الليل كله والخلايق رقود
انظر بحاله اللى داورته السنيني .. والطف بحالٍ اصبح يا هوى البال عود
لك حجاجين صابت ضامري بسهميني .. لك خدودٍ برت حالي وعيني تجود
..........................
آه من لاهبٍ يا زين باقصى الضمير .. حسبي الله على من صار فيه السبب
حسبي الله على من لاع قلب الضرير .. في غرامك وهو من حلو ماكم شرب
اخفي اللي جرالي عن صغير وكبير ..اتصبر وقلبي من هواك التهب
فعلك الزين معايه يا حبيبي كثير .. لي طلبتك لزومٍ قلت لي وجب
من فراقك ترى حالي وقلبي خطير .. يا لطيف الحشى يا سيد كل العرب
لي ذكرتك تهل العين دمعٍ غزير .. صار بعدك علي نار وقلبي حطب
..........................
آه يا من تمركز حبها في خفوقي .. ليه ترضين تعذيبي بلّيا سبايب
ليه عني تغيّبتي وانا لك شفوقي .. القطيعه ترى ماهي بسلم الحبايب
ما هقيتك تعمد يا أريش العين عوقي ..ولا هقيت الغلى يمحيه حكي القرايب
عقب ما سار حبك مع دمي في عروقي .. تقطع الوصل ما تخسى من الله عقايب
قلبي اللي تولع فيك منك محروقي .. عندك دواه من غيره فلا هو بطايب
والله اني على شوفتك نفسي تتوقي .. وااعرف انك على شوفي دموعك سكايب
لي تصورت ماضي حبنا زاد شوقي .. يوم ليل الهوى نقضيه دل وعجايب
يوم ترخص لي الغالي وتعرف حقوقي .. يشهد الليل ونجوم السماء والهبايب
..........................
آه يا ونتي ونة وحيد الجزيره .. ونتي ونته واشاركه في الطبيعه
آه لي جرها من جايرٍ في ضميره .. تحسوبه طرب لاشك حده قطيعه
آه قطع المواصل من عشير لعشيره .. وانت بالمقصد اللي عاقبتها شنيعه
آه راعي الهوى يرضى بشرّه وخيره .. مثل ما قالوا ان ما طاعك الوقت طيعه
آه روح السبيعي من جروحٍ خطيره .. بعد فرقاك يا راعي العيون الوسيعه
آه يامن سكن وسط الرياض الكبيره .. بين شارععسير وبين حيّ البديعه
آه لو تسكن بديره وانا اسكن بديره .. للفلك دور والايام تمشي سريعه
آه لو جاك قلبي عنك رجلي قصيره .. في مجالٍ حداني والكرامه وسيعه
..........................
آه ياعينٍ بكت من فقد غالي ** يالله المطلوب لاتقطع رجاها
عزّتي للي جرى له ما جرى لي ** ان ضحك بالسر عبراته جناها
عادت الايام واحداث الليالي ** تحرم النفس العليله من دواها
الهوي حمله ثقيلٍ كالجبالي ** من تولع بالهوى نفسه قصاها
طال سهر العين واعزّي لحالي ** وابعدت الايام عن عيني مناها
واهني اللي من اللوعات خالي ** ماعرف مر الليالي من حلاها
اثري بحر الحب غباته طوالي ** تتعب السباح ما يلحق وراها
........................
مره تعاملني بعطفٍ وتقدير .. ومره تعمد وجعتي يا عشيري
تلعب بقلبي لعبه البزر بالطير .. يضحك وطيره ميتٍ ما يطيري
حيرتني يا سيد كل الغنادير .. واشقيت روحٍ صرت فيها خشيري
يوم احذفتني في هواك المقادير .. نسيتني والدمع جرّح نظيري
عز الله اني منك ماني بخير .. يا مالكٍ قلبي وخيرك لغيري
اهرب من الواقع واجامل مع الغير .. اضحك وانا اخفي عبرتي في ضميري
............................
اهلاً هلا باللي عيونه رمتني ** يا مرحبا ياروح روحي وسهلين
طلبت اقابلها على طول جتني ** الله يجنبها عيون الحسودين
بخلاصها وحبها با دلتني ** انا وهي بالحب صرنا شريكين
عطيتها قلبي وهي معطيتني ** عطف وحنان وذي سلوم المحبين
هي غايتي هي منوتي مالكتني ** انا وما املك فدوهٍ لاريش العين
منسى هواها دام هي مانستني ** ما دمت انا وحبيّب الروح حيين
.............................
اوقف دموع العين لا تجرح الخد .. وذرّه عن النسمه تراها تضره
خل البكى للي سواتي تعوّد .. مافيه شي غير قربك يسره
تنثر عيوني دمعها واتجلد .. كود الفلك يندار للوصل مره
يرضيني اللي منك يا مايس القد .. مقبول وصلك لي بخيرٍ وشره
روحي وروحك ذكرياتٍ تجدد .. اخاف من ذكري على القلب مره
....................
بنظره عين صوّبني حبيبي .. اصاب القلب من نظره اصابه
الا يا جارح القلب الصويبي .. من اسبابك ترى كلٍ درى به
تعالجت بس ما فاد الطبيبي .. لو اعرف حارته لطق بابه
انا بالليل عليه انحب نحيبي .. سؤالي وعند من اسأل جوابه
اطب القلب قالوا ما تطيبي .. علاج القلب عند اللي اصابه
.....................
مرت على ايام حلوه كثيره ** مرت على ايام القسوه اكثر
جربت بالدنيا تجراب مريره ** توي عرفت الوقت وشلون يغدر
ما فيه به مرتاح بكل ديره ** كلٍ بهمه ينقله لين يقبر
ضحكت لي ايامي بفرحه كبيره ** حسّبتها بدوم لي كنت مغتر
صدقت وقتي في بدايه مسيره ** والوقت خان ودمع عيني تنثر
.....................
تذرف عيوني دمعها لي تذكرت .. شخصٍ على قلبي عزيزٍ وغالي
ياما على شانه تعبت وتنكدت .. اسهر طوال الليل جالس لحالي
ابحرت في بحر الهوى وليت ما ابحرت .. هبت علي ارياح شرق وشمالي
غيره وليفٍ يا اهي ما تخيّرت .. حبه بقلبي راسيٍ كالجبال
عني رحل غربٍ وانا عنه شرّقت .. اللي هويته بالمحبه صفالي
لي جيت بحكي قصتي للملا حرت .. ما اقدر اصوّر للملا ما جرالي
لو طالت الفرقا حشى ما تغيرت .. لصبر واذوق المر واقول حالي
.....................
تذركت صدقاني وعديتهم واحصيت .. خابتك اولهم فهل يدصق احساسي
على حسب ظني ما خاب ما ظنيت .. عجّل بحكمك بين ظني ووسواسي
تضايقت من زود القهر لين ضاق البيت .. ولا تحسب السكت عن عبته ناسي
انا في طريقٍ صعب بالله هل مريت .. بنفس الطريق يجوز قاسيت ما اقاسي
تزايد همومي كل ما اصبحت والا امسيت .. واضغر همومي نبّت الشيب في راسي
شكيت الملا وش همهم ذا الناس لو مليت .. لعله يهمك طول همي وهوجاسي
تقبّلت انا القبله ومن عقب ما صليت .. طلبت الذي طالبه ما يقطع الياسي
....................
تركت حبك يوم شفتك تكبّرت .. وانا بحبك غاطسٍ لين راسي
انت الذي للحب قبلي تنكرت .. واعلنت عصيانك علي بحماسي
من طار وقّع وانت يا زين لو طرت .. توقع في شباك الغرور متواسي
وش فيك في لحظه علينا تعيرت .. انت اتحمل ماصار كل المآسي
حطيتني فوق اللغم ثم فجرّت .. صفّيت لي سم الافاعي بكاسي
لا تحسب انك لي تغيرت دمرت .. ولا بعد فرقاك هديت ساسي
ابشرك اني بخير وتعافيت .. عقب المذله رافع اليوم راسي
.........................
تركنا الحب يا زين المعزّل .. ودينّا وخلينا الجهاله
اصادق كل من كبّر وهلّل .. ومن يعرف حرامه من حلاله
بلغنا في الهوى فوق المعدل .. وزينه فوق ما يوصف جماله
تبدل خبرك الاول تبدل .. وعهد الحب قطعّنا حباله
........................
تشهد علي حبي لك دموع عيني .. اللي تسابق كل ما حل طاريك
وتشهد على حبي لك اربع سنيني .. انا على عهد المحبه مصافيك
ما طعت انا في حبك العاذليني .. والله ولا صدقت حكي العرب فيك
مهما الظروف تحول بينك وبيني .. لا تحسب اني يا منى الروح ناسيك
يا منيه القلب الشقي يا ضنيني .. انت الذي من بدّت الخلق اغليك
ياروح روحي يا مبيّح كنيني .. لولا الحياء لبين اسمك واناديك
.....................
تعاتبني على الغلطه وتنسى هجرك الدايم .. اجل وش لون لو نغلط معك غلطات ممنوعه
تشوف القطره الوحده وتنسى بحرك العايم .. تجاهل صوت موجاته وكلمتك كيف مسموعه
انا ما قلت ما احبك ولا فيك اسمع اللايم .. ولكن حبكم يازين طريقه غير مشروعه
حكمت القلب في حبكم تبي تحكم علي دايم .. ولكن الهوى يرفض محبه غش مصنوعه
انا ودي تصافيني وتجعل حبنا دايم .. على ساس الوفاء نبني هوانا باول اسبوعه
.....................
تقريب ساعه عشتها بين اياديك ** اغلى علي من باقي العمر كله
جيتي على ضني وهذا الامل فيك ** والكل منّا مرتجي شوف خله
ترجمت لي احساسي بنظرات عينيك ** وفهمت منطوق الرموش المظله
قلبك يناجيني وقلبي يناجيك ** حبك مكن في خافقي واستحله
فيك الحلى والزين سبحان معطيك ** يامن سلب عقلي بزينه ودله
تستاهلين الحب يوم اني اغليك ** قربك يشاليني وفرقاك عله
...................
تمنيت اشوفك يوم نامت عيون الحي .. وعذالنا ناموا والابواب مصكوكه
وجو البلد هادي والاغصان تقطر مي .. عليها الندى وغصونها الخصر مشبوكه
وتميت يم الباب بالليل رايح جاي .. معني لك الاقدام والروح مملوكه
ولا عاد اطيق الصبر والقلب ولّع ضي .. وعين المولّع كن في حجرها شوكه
وعذبت حالي والهجر قد كواني كي .. دخيلك ولا حبل الرجى تقطع سلوكه
وزرع الهوى ذابل وابطى عليه المي .. وهي بالبدايه كانت ايام مبروكه
.....................
جاني خبر يا صاحبي منه ما طبت .. علمٍ جرح كبدي وزوّد لهبها
قالوا ترى خلك مشى في ضحى السبت .. اخذوه غصب وروحته ما رغبها
باح العزى يا زين والنوم حاربت .. تبكي عيوني والمفارق سببها
يا ويل قلبي روم عني تغيّب .. فرقاك يا ليت الولي ما كتبها
يا باهي الخدين من فرقتك ذبت .. فرقاك نار وصار قلبي حطبها
يازين من الفرقا تراني تعذّبت .. عزي لمنهو بالدقايق حسبها
حبك سطى بالقلب يا صاحبي سمت .. عزي لمن عقبك الاداوي شربها
عقبنا وطنّا يا حبيبي تجنّبت .. مالي بدارٍ عقب روحه عربها
ارجي عسى ترجع وانا لك ترقبّت .. شوفك هوي نفسي وشكلك عجبها
..................
جرى الدمع من عيني وبغيت اشق الجيب .. على اللي بسوق سويده العصر وافاني
تلاقيت انا وياه في يمنها غرشه طيب .. وقفت في حيره بعد ما تحداني
بغيت اتصبّر بس فكري يجي ويغيب .. وين الصبر والزين قفّى وخلاني
عوايد سهوم الحب تخطي ومره تصيب .. وانا سهم عينه صاب قلبي ولا اخطاني
لحقته وقلت الحب يازين مابه عيب .. تراني بحبك يا حلو راسي اشقاني
رجع بعد ما قفّي وقلّي علمت الغيب .. اشعرفك لي من بدّه الناس تبلاني
قلت العفو ما فيه شكٍ ولا به ريب .. نعم الهوى مرّت على كل انساني
شفني صغير السن وراسي كساه الشيب .. من الحب متبهذل والفكر حيراني
تبسم حياتي من كلامي وقلّي جيب .. يمناك وعاهدني ان كان تبغاني
تعاهدت انا وياه لو شرطه علي صعيب .. وبعد ما نهينا العهد قال هاك عنواني
يقول تجي الليله لبيتي وخلّك ذيب .. وبعد الشعا في فتحة الباب تلقاني
ابو نهيدٍ بالحشا ماله اجر الصيب .. لقيته على الميعاد حبيبي يتحرّاني
......................
جيتك وانا كلي هموم وغرابيل ** واحمل بيدي رمز من ذكرياتك
جيتك يا أعز الناس مع تالي الليل ** تسري بي الاحلام والروح جاتك
وابكي على شان الرموش المظاليل ** خايف عليها من نزيف اعبراتك
جيتك ابيك تعيد ذيك المواصيل ** وأرجوك ما ابغا كلمه الوقت فاتك
.......................
حسبي الله على الموتر قليل المروّه .. يوم نكّد على المجمول صافي الثماني
يوم دقيت سلفه ثار به ماس سوّه .. وطفت الكهربه وقال هدا مكاني
اصبح الصبح واحجب تالي الليل توّه .. يتبرّج علينا ساعهٍ من زماني
شقّق الزين ثوبه مزّعه من علوّه .. لين شفت التحر والصدر والنهد باني
يا حبيب دخيلك تقصر الصوت مرّه .. آه ويلاه انا يكفيني اللي بلاني
........................
حل الفراق وزاد في قلبي الهم .. وايامي الحلوه تنكّس علمها
واصبحت في حالٍ بها الله يعلم .. من حيرهٍ بالنفس صدري كتمها
قالت يلام وقلت يازين تسلم .. تسلم وانا روحي عذابك دمرها
قالت وداع وقلت تبقى وانا اعدم .. مر الحياه النفس ذاقت طعمها
عيني عليه الجو غايم ومظلم .. واليوم ربي بالهوى حرمها
اهون من الفرقا علي شربه السم .. ولاني محسّب للحياه وعدمها
لا تعذولي كفوا الهرج والذم .. حتى ولو بالقلب تركز سهمها
يا سعد قلبي يوم اشوفه تبسّم .. اللي مشى بالمسك ريحه نسمها
رسمت له بالقلب رسمٍ مجسّم .. وهم الخيال بوسط قلبي رسمها
......................
خبروني عن اللي غايبه عن عيوني ** كود تترك عيوني دمعها والسهر
الدقيقه تساوي عام كله حزوني ** من غياب الحبيبه الثواني شهر
بعدها لا سعاده ليه لاتسألوني ** المولع حياته بين هم وقهر
الله اللى بلاني بالهوى واعذروني ** يوم دمعي بسري يا جماعه جهر
فوق سبع الاراضي اسمعوا وافهموني ** من يحاول يزحزح حبها ما قدر
مع خيال الحبيبه والدموع اتركوني ** لاتقولون دمعك فوق خدك ظهر
العيون الحزينه والخفوق الحنوني ** والسعاده وعمري للحبيبه مهر
.........................
------------------------------ يتبع -------------------------------------------------------